منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   وإذا مجروح ... بقلمي (https://www.al2la.com/vb/t79574.html)

أنا فداهم 11-26-16 11:11 PM

وإذا مجروح ... بقلمي
 


-

-

-

وإذا مجروح وش تفرق معك إذا مجروح ؟
مصير الوقت يسعدني و تضحك أيامي

لا ما تضيق و باب الأمل واسع و مفتوح
و على أرض يأسك بقطف ثمار أحلامي

بقولك كلمة يا من نويت تنساني و تروح
خذيت مني اللي تبي كملها و خذ آلامي

وقبل ترحل و تترك قهوة الغدر فيك تفوح
طلبتك تشرب الفنجال من جرحك الدامي

غلطتي بالحب لما حبيتك بكل وضوح ..!
نثرت الماء في درب الوداع و أنا الضامي

لو يمديك نزعت من جسمي حتى الروح
تسابقني خيول الآه و الضيقة هي لجامي

وإذا مجروح وش تفرق معك إذا مجروح
مصير الوقت يسعدني و تضحك أيامي


-

-

-

وسلامتكم

تراب الحياة 11-26-16 11:14 PM

كلمات جمييلة
سلمت يمناك
استمر في ابداعك
تحياتي لك :رحيق:

نجم ضاوي 11-27-16 02:02 AM

مبدع اخوي انا فداهم ...
الظاهر جرحك كبير ولا هي اخاليج شاعر فقط ...
تسلم اخي على معزوفتك الجميله ...
صح لسانك مليون يا الغالي ...

لا خلا ولا عدم ...

القارظ العنزي 11-27-16 07:34 AM

واصل واتحفنا في جديدك لاهنت ، صح السانك انا فداهم ، الدلع والتغلي من طبيعتهن ، فقط الصبر زين لعلهم يحنون فلا تتسرع في الهجاء والتحدي خذ وقتك . ومثلك ما ينعلم .

السامي 11-27-16 06:15 PM



اقتباس:

مصير الوقت يسعدني و تضحك أيامي
صح لسانك
فعلا الوقت قادر يخليك تتجاوز كل الم
شاعر مبدع وقصيده اكثر من رائعه
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
تقيم ونجوم
تحيتي لك

ملااك ملوكة 11-27-16 07:39 PM

غلطتي بالحب لما حبيتك بكل وضوح ..!
نثرت الماء في درب الوداع و أنا الضامي

لو يمديك نزعت من جسمي حتى الروح
تسابقني خيول الآه و الضيقة هي لجامي

وإذا مجروح وش تفرق معك إذا مجروح
مصير الوقت يسعدني و تضحك أيامي


انا فداهم

صح لسانك وكلك



قرأتها جيدا واعدت القرأة

فلسفة ورقص بالحروف

وتناغم في الفكرة

قلمك فيه خصوصية جميلة


ابدعت وسعدت انا بوجودي هنا

استمر

في انتظار جديدك

كن في خير باذن الله


الساعة الآن 05:29 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا