موضوع مُغلق
 
LinkBack أدوات الموضوع انواع عرض الموضوع
قديم 12-01-16, 01:53 AM   #1
مشكلتي

الصورة الرمزية مشكلتي

يرحم امك ساعدني؟

 الأوسمة و جوائز

افتراضي تهميش زوجي



صباح/مساء الخير جميعاً

مشكلتي مع زوجي من ايام الملكة يمكن ما تعتبر مشكله لكن مضايقتني بصراحه وهي انه ما يستشيرني بأموري انا و بالامور اللي انا مشتركه معه فيها و لا يعطيني خبر أساسا عنها لحد يومها و انا ادري اما لما أشوفها او من الناس لو كان أمور تخصه قلت كيفه بس امور تخصني انا لهاليوم احيانا مشتركه و كلها عاديه يعني ما فيها ضياع مستقبل عشان اقول خايف !
بتقولون كذا هو طبيعته لا مو كذا قبل زواجنا كان ما يسوي شيء الا ماخذ راي امه و ابوه و اخوانه و خواته حتى لو متزوجين و بعيد و راي أصدقاءه و ياخذ راي بالنت حتى لو بامر تافه جدا لو بلون السياره لو بشماغ لو بأمر كبير و لا اهله عودوه على القرارات بالعكس كان يقوم بأمورهم و اشغالهم بدون ما يؤخذ رأيه ( كلامه و كلام اهله مو استنتاجات من راسي ) و لا اكبر اخوانه
مثال يوم زواجي زواجي انا وهو كان يرفض يقولي تاريخ الزواج متى و يحاول يتوهني ! شكيت بنفسي انا العروس انا اللي بيتزوجها عشان يغبي عني !
كان قاعة الزواج حقت النساء اساله عنها يرفض يقولي كان يتواصل مع منسقات ومنسقين و يتفق معهم بدون ما يرجع لي مع اني قلت له انا عندي الوان و اشياء ابي تكون موجوده يا فلان هذي ليلتي ممكن يكون لي ذوق و راي فيها و حتى ارسله صور تنسيقات و قاعات يأخذهم و يعطيهم المنسقات و المنسقين و يسفهني و لا يرد علي حتى لو مجامله و لا حتى يسلك لي ودي يسألني و لا بأخذ برأيي عادي لكن مهمشني حدد الألوان على كيفه و انا قايله عندي مسكه و مكياج و ترتيبات و تصوير و كاني اكلم نفسي !
البيت اثثه و اساله و يطنشني ارسله صور و مواقع محلات و تنسيق و تصاميم ياخذ أسماءهم و يروح يستشير الناس
السفره حددها و اختار و لا عطاني خبر زواجي ما دريت عنه الا قبله بشهر مثلي مثل الناس هو اللي رتب و حدد و اختار
بعد زواجنا حتى اختيار مواعين و اغراض المطبخ هو اللي اختارها اي اشياء هو يسويه و لما اتكلم و افرض نفسي بأسلوب حلو ما هاجمته و قلت ليش و ليش ما كاني اتكلم جد زهقت منه ومن حركاته معي بكرا اذا صار عندنا عيال بيجلس يهمشني كذا قدامهم و بأمورهم اذا خرابيط زي كذا ساحب علي بالأكبر وش يسوي علما انه باول الملكه ما كان كذا كنّا متفاهمين و وضحنا لبعض كل شيء و كل واحد وش يبي من الثاني لكن فجاه تغير بنص فترة الملكة قلب علي صار ما يتصل علي زي اول الا بوقت يكلمني عشان يسوي (.....) طبعا هو ما يقولي لكن صوته يتغير و يبدأ يصير فاقد و يتكلم كلام و شوي يرجع لوعيه انا كنت مسويه غبيه كنت ما ابي يعرف و ندخل بمسالة ثانيه و لا هو كان يقولي للامانه على باله ما افهم و لا اسمع حتى اسلوبه تغير معي تماما و ما زال بس اذا كلمته يتعدل اذا سافرنا او كان باجازه يصير مافيه منه بس نرجع يرجع لحالته احس فيه احد جالس يعطيه نصايح غلط لان مو هذا طبعه و انا اعرفه مو هذا تفكيره زوجي تفكيره ارقى من كلمة امشي كلمتي و انا اللي اقول و انا اللي اسوي وانا اللي افرض مترفع جدا عن هالحركات بس زوجي من النوع اللي يسمع للي برا و هذا كان تاثيره أقوى مني و سحبه
كيف احلها ؟
# ما ابي خاتم بأصبعي و لا اتحكم بشؤونه و لا أتدخل لكن ابي لي وجود و راي بأمورنا المشتركه


 


قديم 12-01-16, 09:10 AM   #2
مرجانة

الصورة الرمزية مرجانة
~ رونق التوليب ~

المكان »  في ثنايا أحرفي
الهوايه »  قراءةُ النثرِ ، و كتابتُه .
إيتها المآقي ، لا تكفي من الفيض

جودي بالدمع
جودي بشوقٍ احرق داخلي

وحبٍ في القلب مستعر
MMS ~

 الأوسمة و جوائز

افتراضي



يتغير يا قلبي يتغير

مصيره يرجع يعاملك بطبيعته و أصله
إنتي طالما كلمتيه بأسلوب حلو و ما فاد ، ناقشيه بأسلوب جاد هالمرة

إذا برضوا ما فاد اسكتي

أعرف رجال ببداية زواجهم مثل زوجك لكن تغيروا بعد سنة أو سنتين
بيفهم مع الوقت إنه لازم ما يقرر أحد نيابة عنك
و ما يهمشك و انتي صاحبة شأن معه


الله يعينك


 

قديم 12-01-16, 10:12 AM   #3
آسيرة حرف

الصورة الرمزية آسيرة حرف

الهوايه »  الابتسامه, القراءة , الكتابه, مخاطبة العقل
انا من الجنوب وديرتي جيزان
يشهد عليها من سكن فيها
لايمكن اعشق غيرها بـ إدمان
جيزان ي عسا ربي يحميها

آسيرة حرف
MMS ~

 الأوسمة و جوائز

افتراضي



الفاضله / مشكلتك


وعليكم السلام ورحمة الله وبركاته
اسعد الله ايامك صبحها ومساها

النقطه الاوله
اللحين ابي افهم زوجك مايشاركك في حياته ابداً وقراراته برضو
خلاص سهله انتي لاتشاركينه في قراراتك او تصرفاتك حتى

العين بالعين والبادي اظلم

النقطه الثانيه وهذه الاهم موعد تحديد زواجك
سؤال اهلك وينهم
معقوله حدد العرس من حاله بدون اهلك او وليك اي كان !!
صراحه شيء ما استوعبه
يعني اقلها اكيد اهلك عندهم خبر يوووه حتى ع اهلك خبى العرس عنهم


شكلك من النوع اللي تمشي اي شي لجل تسهل الحياه تتنازل منشان كذا ما اعطاك اهميه في اي قرار يريده
حتى وان كان مصيري لك
لزوم تفرضين نفسك عليه فرض ان عجبه او ماعجبه
قرارتك انتي اللي تتخذينها والشي اللي معروف ومعقول بالحياه الزوجيه ان تتشاركو به مو فرداً ع حساب الاخر

النقطه الثالثه مواعين المطبخ
عندك حلين
1- ياتعديها له وترضي فيها وتستمري ع حياتك
2_ او خلي الطبخ عليه قولي له نفسيتي تتعب اذا شفت هذه الصحون
يستحيل اطبخ فيها ما اطيقها
اذا يمديك كسريها موب انتي خسرانه فيها اصلاً لاهي ذوقك ولاهي من مالك
يعني بالعقل المطبخ من يطبخ فيه انتي المفروض تاخذين اللي تحبينه
وحق التقديم مو مشكله يفرض ذوقه مره اطباق من ذوقه ومره من ذوقك
مع احترامي زوجك اناني

اذا استمريتي كذا اكيد راح يهمشك مدري وش مصبرك عليه

والصراحه الغريب الين اللحين ماغيرتي زوجك وحسستيه ان لك كيان ومكان
في حياته كما له قرارت مصيريه لك ايضاً
كما انتي تشاركينه حياتك من الواجب عليه ان يشاركك حياته
الحياه الزوجيه مشاركه وليست منافسه ان يبرز فيها سلطته عليك


كان الله في عونك يجب ان تتخذي موقف حازم اتجاهه

تقبلي ردي وعبق وردي مع خالص احترامي
آسيرة حرف


 
مواضيع : آسيرة حرف



قديم 12-01-16, 11:24 AM   #4
السهم الأخير

الصورة الرمزية السهم الأخير
اترك أثر طيب

الهوايه »  الخيول
رحم الله إمرء عرف قدر نفسه

 الأوسمة و جوائز

افتراضي



السلام عليكم ورحمة الله وبركاته

أختي الكريمة موضوعك صدر اليوم على صفحات جريدة الرياض تحت عنوان:

مجتمع تربى على الخوف من «العيب الاجتماعي» دون مبرر

أستشير زوجتي وأرد عليك..«الرجال طلع خروف»!

الرجال ما ينقص من عمره شيء لو استشار زوجته في أموره الشخصية .

فكيف لو كانت الاستشارة في أمور متعلقة فيها ومشتركة بينهم؟

أختي أنا راعي غنم وحبيت أنقل لكم أن الخاروف يسلم عليكم ويقول فكوني من شركم أنا عايش مرتاح ومتفاهم مع جماعتي .

نحن مشكلتنا في بعض الثقافات ودور المرأة في المجتمع قبل مئة سنة مثلا.

أختي الكريمة الرجل الرزين يثمن كلامه ويعرف حجمه وهذول اللي يحسون بالخجل والنقص لما يسوون سندويشة جبن لهم ولزوجاتهم رجولتهم ما تتعدى قيمة الجبن فنظري .

الإنسان ما يحط كرامته ورجولته قيمة للرهان . الكرامة والرجولة ما هي للمساومة على أمور صغيرة وواجبات نساها الأزواج .

صحيح الموضوع اللي ذكرتيه بالتفصيل ما هو قوي لهذيك الدرجة صراحة ولكن:

ياخي أنتوا لما تتزوجوا ايش هو تعريف الزواج عندكم؟

سلطة وألا شهوة وألا انفراد بالقرارات وألا عظمة وألا مشاركة الأفراح والأتراح مع شريكة العمر؟

طالما الزواج مشاركة خلاص .

بصراحة الواحد يتضايق من رؤية مثل هالتصرفات.

زوجتي على سنة الله ورسوله ولما أشتري شيء خاص بالمنزل وفيه جمال وزينة ما أخذ رأيها حتى في تنسيق الألوان وأستشير غيرها؟

لو قلنا مفاجأه ما هي مشكله لكن التهميش ما هو أسلوب زواج .

الواحد يهمش زوجته لما يزعل ويرجع بعد ثلاث أيام أما أعلقها كذا لازم أشرح لها على الأقل مبرر التصرف.

اتقوا الله في ما ملكت أيمانكم يا شباب

هن طلعاتهن برا البيت أقل من طلعاتنا وسفرياتهن أقل ويكفي أنا نروح الدوام اللي فيه تغيير جو يختلف عن جو البيت وهالمسكينة بين أربع جدران فالمفروض كل ما يدخل للبيت لازم يكون تحت اشراف سيدة البيت .

نبخل عليهن بحاجة لونها بنفسجي بدل الأحمر؟

المرأة مرآة الرجل ياخي لو احترمتها من قلبك وأكرمتها تعيشك في نعيم وأنا شاهد على نماذج مثالية عندنا ما شاء الله صاروا عجايز والضحكة والفرفشة ما تفارقهم .

اذكر شايب عندنا شافته بنت أوروبية وصورت معه لأنه تقليدي وكذا ولما جت العجوز وقالت يا فلان شكلك ناوي تجدد شبابك قال أنا فيني عيون أشوف غيرش؟

كلام مجاني ما يأخذ من عمرك شيء بس وقعه على قلب المرأة كبير جدا جدا .

أختي الكريمة أنا من رأيي إن عتابك له أسباب ومبررات ولكن إذا حبيتي تأخذي نصيحتي :

طالما الزوج ما يبخل بفلوس ويعطيكي حقك من النفقة والملبس والمسكن ويلبي احتاجاتك كزوجة أهتمي فيه أكثر وخليه خاتم فاصبعك وخاروفين بعد مو خاروف .

إنتي زوجة وتعرفي الخطط و أنتوا البنات تروضن الجبال والجليد .

هو الزوج يأثر ويتأثر فحاولي تأثري عليه واكسبي الأجر وتراه يحبك ولكن الثقافة لها دور .

عيشي حياتك واحتلي القلب والله يسعدكم


 

قديم 12-01-16, 03:21 PM   #5
غيرمهتم،،

الصورة الرمزية غيرمهتم،،

 الأوسمة و جوائز

افتراضي



وقت خطوبه كلام بعد ملكه كلام ثاني بعد الزواج كلام اخر كذا تعودي من الحين اذا تبينه كملي معه تحملي مزاجيات اذا مو عاجبك. افسخي وريحي راسك


 

قديم 12-03-16, 05:12 AM   #6
looly

الصورة الرمزية looly
يسعدك ربي رونتي

المكان »  بقلب محبوبي
الهوايه »  اهتم لمن يهتم والباقي غرباء
MMS ~

 الأوسمة و جوائز

افتراضي



،

شوفي قصتك مرت عليه قبل كذا وحده من صحباتي مثلك
صدقيني انه هو طيب ’ بس فيه احد من وراك يقوله لا تمشيك على كيفهإ وكلام فاضي انتي حاولي تتقربي منه تفتحي قلبك له وافتحي قلبك له قوليله احنا مالنا الا بعض ومحد راح يسمعنإأ غير نسمع لبعض وحياتنإإإ محد يعيشهإأأ غير انإإ وانت بس انتي مشكلتك من اول انإ بعرف العريس بيسئل العروس وش تبي اثاث وش الالوان اللي تحب والعرس لزم بيكون تنسيق معاك والسفر بعد لزم تعرفي انتي من اول شي لو قالك الفرح قبلهإ بشهر لو ما رضيتو لزم انتي اللي تحددي متى تعرفي قبلهإإإ بوقت الحياه مو بس كذا ترا والله اخس شي يخليك زي الحيط انتي ازعلي فهميه انك زعلانه من هذا الموضوع وماينفع كذا بس لا تسوي مشكله كبيره ازعلي عشان تنحل مشكلتك ’’وكل شي بالكلمه الحلوه والتفاهم يمشي !!
وعلميه ليش التغير هذا , وحاولي تقولي له محد راح ينفعنإأ لو مشينإأ وسمعنإ كلام الناس عشان لو كان بيسمع لاحد لعلى ان يتغير معاك وشوفي بالكلام الحلو كل شي يصير ’’ والله يريح بالك


 

موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : تهميش زوجي
الموضوع كاتب الموضوع المنتدى مشاركات آخر مشاركة
زوجي؟؟!!.. مشكلتي همومنا ومشاكلنا وإحتياجاتنا الشخصيه ( مشكلتي ) 10 03-11-17 05:43 AM
رفست زوجي مشكلتي همومنا ومشاكلنا وإحتياجاتنا الشخصيه ( مشكلتي ) 19 11-30-16 02:31 PM
مو عاجبني زوجي مشكلتي همومنا ومشاكلنا وإحتياجاتنا الشخصيه ( مشكلتي ) 15 11-27-16 11:11 AM
زعلانه من زوجي مشكلتي همومنا ومشاكلنا وإحتياجاتنا الشخصيه ( مشكلتي ) 11 11-22-16 02:22 PM
اهل زوجي مشكلتي همومنا ومشاكلنا وإحتياجاتنا الشخصيه ( مشكلتي ) 18 04-01-16 11:10 AM


| أصدقاء منتدى مسك الغلا |


الساعة الآن 09:36 PM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا