|
الله يهين اللي يهين ابن عمه دمعي كما عد تصافق بجمه يروي الظمان اللي حدته السمايم يقول ابن غيثان كلام متمه في لابتي لا اسمع ولاطيع لايم الله يهين اللي يهين ابن عمه جعله على الدنيا حسير القوايم يقعد مكانه لين يطويه همه عزه يطيح ومستواه ايتلايم جعل الردي تبكي على فقده امه لولاه ما لحق القبيلة هضايم اللي معك يضحك ويسقيك سمه في مجتمع ربعه يبث النمايم ون عاهدك خانك ولا فيه ذمه وعند العرب كنه مصلي وصايم قصده يفرق شملنا ما يلمه وفرقا القبيلة من كبار الجرايم من عاف جمعاء لابته شاف غمه لابد ماتكثر عليه الهزايم حيث انهم عند الظروف المهمه ربعك ذراك ولابتك لك دعايم يرمون خطوى عايل فيه زمه تومي عليه الجايعات الحوايم من غير ابن عمك همومك تهمه تعتز باسمه يوم فعله املايم من غير ابن عمك يفادي بدمه واصدق صديق لك من الناس نايم من صلب جدك وارض جدك تضمه مالك سواه وماله الا انت دايم ون عمك المكروه لازم يعمه ون قام عزه فانت بالعز قايم يلقاك بالترحيب لاجيت يمه ويساندك وقت الرضا والخصايم هذا الذي لا تستمع فيه نمه دامه معك فابشر بقو العزايم ارفع مقامه وامدحه لا تذمه ينفعك لو ضامك من الوقت ضايم واختر مكان العز في كل قمه وخل البيوت الواطية للبهايم وختامها صلوا على سيد الامه اعداد ماتذرى هبوب النسايم |
عليه الصلاه والسلام صح لساانك ابدعت فيها الله يعطيك العافيه :MonTaseR_2::MonTaseR_2: |
صح لسان الشاعر محمد بن مهدي بن مهذل الصقور اليامي قصيده وافيه وكلام في الصميم تحياتي .. |
اقتباس:
صح بدنكـ تهاني انرتي صفحاتي بتواجدكـ لاخلا ولاعدم |
اقتباس:
وياهلابك والله يسعدني حضوركـ بصفحاتي لاخلا ولا عدم |
سلمت على روعه طرحك نترقب المزيد من جديدك الرائع دمت ودام لنا روعه مواضيعك تحيتي لك |
| الساعة الآن 06:08 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا