لدعم المنتدى على التويتر بالتغريد بما نشاء في الهاشتاق #منتديات_مسك_الغلا دعوة عامة


 

موضوع مُغلق
 
LinkBack أدوات الموضوع انواع عرض الموضوع
قديم 12-08-16, 12:03 PM   #1
القارظ العنزي

الصورة الرمزية القارظ العنزي

 الأوسمة و جوائز

افتراضي ((امي وابويه سلوتي بالبديدة))



يا بنت هو وش فيك عني ... تعيين
هو انت ما تدرين بيه ......... وليدة
والله يا لولا ظفرنا ........ والقوانين
اليجيك علمي والخبر ..... بالجريدة
يا بنت ياللي عن لقانا ........ تصدين
حنا كذلك شوفكم .......... ما نريده
وانا تراني ما اتبع ناس ....... مقفين
نفسي عزيزة يالفتاة ......... العنيدة
قالوا تقول العيب فقر ...... وديايين
اي والله هذا عيبي قلته .... واعيده
ليتك تراعي يا عذاب ....... المزايين
ساعة بذلت المال وكل ..... الشريدة
يا بنت انا ربعي فقارا ......... مقلين
ما منهم اللي قالوا زاد ...... برصيده
ومع ذلك شفت العيد بعين الحبيبين
اليا رحب بالضيفان ما حلا .. نشيدة
يا بنت انا عيبي عطوف على . اثنين
امي وابوية سلوتي .......... بالبديدة
يا بنت انا عيبي اطعام .... المساكين
حق علي وعند ربي ............ عقيدة
يا بنت انا عيبي اعداي ...... الرديين
اللي غداهم للضيوف ......... البريدة
اللي مجالسهم مجالس ...... وراعين
هذا يجيب الهرج وهذا ........ يزيده
ما ينفع اصل للجدود ........ العريبين
دام السجايا من سجايا ........ عبيده
يجمع من الهذرة سوالف ... مسيكين
حتى القصيدة ما فلح ..... بالقصيدة
اصله غدا بالمربى والمنبت ... الشين
وسوالف الورعان ما هي .... سديدة
احذرك يا بنت من شاوي ....... البين
احذر يحط الكف وايدك على ... ايده
خوذي كلام الصدق مني ... وهالحين
من اللي جوز بالخلايق ........ وديده
وابوي جوزته من البيض ....... ثنتين
من ناعس الطرفين وبنت .... اوغيده
هذا كلام ما هو قول ......... البزارين
يشهد به المعبود وتشهد ....... عبيده
والا ترى مثلك انلاقى ....... الكثيرين
وياما وياما خابر من ........... خريدة

القارظ العنزي

ملاحظة :
صدر البيت (ليتك تراعي يا عذاب المزايين) هو من بيت الشاعر والفارس الشيخ المشهور / عقاب بن سعدون العواجي العنزي حيث يقول :
ليتك تراعي يا عذاب المزايين .. يوم ان عيدان القنا يطعننا) فقط للامانة .


 


قديم 12-08-16, 12:06 PM   #2
إحساس طفله

الصورة الرمزية إحساس طفله

المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



صح لِسـآنك ي القارظ العنزي ..
مبدع كعادتك ..
لآهِنت ولآ هـآن قلمك ..

حَسُوسَـآآ .ّ.


 
مواضيع : إحساس طفله



قديم 12-08-16, 01:08 PM   #3
القارظ العنزي

الصورة الرمزية القارظ العنزي

 الأوسمة و جوائز

افتراضي



اهلا بك احساس طفلة سرني مرورك يالعذبة .


 

قديم 12-08-16, 01:17 PM   #4
ماضي الماضي

الصورة الرمزية ماضي الماضي

 الأوسمة و جوائز

افتراضي



يا بنت انا عيبي عطوف على . اثنين
امي وابوية سلوتي .......... بالبديدة


الله عليك شاعرنا القارظ


دايمن مبدع


قصيدة جميله من اروع ماقرائت



تقبل مروري واعجابي بقلمك المبهر



تحيااااااااااااااااااااااااااااااااااتي لك


 

قديم 12-08-16, 02:19 PM   #5
نجم ضاوي

الصورة الرمزية نجم ضاوي

المكان »  السعوديه / جده
الهوايه »  الشعر + الطرب والوناسه
خذنـي يقـايـا انسان .. وفاتـه يـوم ميلاده
حنوطه دمعة عيونه واكفانه اسى واحزان
MMS ~

 الأوسمة و جوائز

افتراضي



سلام يا القارظ يا راعي الدواوين
يا مطوع الشعر . . والقاف سيده

الله يحفظ لك . . يا القارظ . اثنين
ابوك نبض قلبك . .وامك .. وريده

ويرزقك يا خوك في حياتك بشيين
العز . والمال .. والحياة السعيده

يا راعي النخوه .. بعلمك .. الزين
نقرا علومك في الصحف والجريده

يا الله دخيلك .. سدد عنه .. الدين
وطول بعمره .. سنين ن .. مديده

وابعده عن اللي .. تخظب الكفين
والروج . . في الشفايف .. تزيده

راسمات الحواجب . مكحلات العين
وحور العيون .. مشيتهم .. فريده

خذها نصيحة .. من هم لك محبين
شيبان شروه .. وحكمتهم .. اكيده


صح لسانك وابعدت في قافك المفعم بالمعاني العذبه والجميله ...
بيض الله وجهك وفالك البيرق ...

لا خلا ولا عدم ...


 

قديم 12-08-16, 02:27 PM   #6
مسكك الغلا

الصورة الرمزية مسكك الغلا

المكان »  المملكة العربية السعودية
الهوايه »  نزف القلم وخربشة بريشه الفوتو ...هوايه وليس احتراف



ان طالٺ الغيبه وانقطعٺ اخباري
خلوني بدنياكم ذكرى جميله .♥
MMS ~

 الأوسمة و جوائز

افتراضي



يا بنت انا عيبي عطوف على . اثنين
امي وابوية سلوتي .......... بالبديدة



عزالله ماهو عيب الا من ازين الافعال
رضى الوالدين

صح لسانك واعتلا شانك جزله مايجيبها الا اهلها


 

موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 05:43 AM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64