12-14-16, 04:20 AM
| #1 | |||||||||||
  
| 
طلقت زوجتي وأحس ودي أرجع لها  السلام عليكم ورحمة الله وبركاته أتمنى تكونوا في أتم الصحة و العافية إخوتي الأحباء في سنة 2014 خطبت بنت خالي و بنت عمتي و استمرت الخطبة قرابة السنة الكاملة بحجة انها تدرس بالجامعة و انا تحملت و صبرت كله عشان ما يتأثر مستقبلها وكنت اقول لها ابيك تجيبين علامات كاملة و ترفعين راسي و بعدها تزوجنا و ظلينا أربع شهور متزوجين كانت بأول شهرين تحب التراب اللي أمشي عليه وما تفارقني أبد و بعد الشهرين تغيرت بسبب أمها اللي كانت تحشي راسها بالكلام و أنا يعلم الله كيف كنت أطلع اللقمة من فمي عشان أقسمها معها وكنت ماخذ قرض عشان أحط لها شقة قريبة من بيت أهلها إيجارها 25 ألف بالسنة و مع ذلك ما بين بعين أهلها ومع الأسف إني كنت طيب كثير معها و ما خليت عليها قاصر من فترة الخطوبة وانا قايل لخالي بنتك أنا اللي مسؤول عنها و ما أبيها تطلب منك تبي أي شي خلها تطلبه مني و أنا بوفره لها إذا الله قدرني ، بس البنت كانت صغيرة ومدلعه كثير من اهلها و تبي أعاملها مثل ما يعامل أبوها أمها والله فيه فرق ابوها راتبه فوق الأربعين الف وانا ما يوصل سبعة آلاف مع ذلك كنت أشتغل أوفرتايم عشانها وعشان ما تقول اني قصرت عليها بشي بس بعد الشهرين الأولية تغيرت و صارت تطلب مني أشياء فوق استطاعتي و كل يوم تبي مني مبلغ غير مصروفها و كتبها وإذا قلت ما اقدر تقلب الدنيا على الراسي و تروح بيت ابوها و تبات ببيت اَهلها طيب أنا تحملت كل هذا الجفا وقلت بكرة بتتغير ... بوقت الاختبارات النهائية تبعها كانت بيت اَهلها عشان تذاكر و انا كنت بالشقة بروحي أفطر و اروح الدوام كل يوم لما انتهت. من الامتحانات قلت لها تعالي الشقة انا بروحي ما يصير تتمين ببيت اهلك قالت ابي توديني دبي أغير جو بعد الامتحانات و ابي تشتري لي لابتوب بالسعر الفلاني وانا زعلانة اصلا و انت تبي اجي الشقة على طول << يعني لازم أراضيها ... قلت لها مسألة إنك كل مرة بتزعلين و تبين أجيك بيت ابوك عشان اراضيك هذي انسيها عندك شي تعالي الشقة و نتفاهم ... و سكتت وبعد اربع ايام ارسلت لي واتساب تقول فيه : ((احنا ما بينا تفاهم عشان ما اظلمك ولا أظلم نفسي مقدر أكمل معاك !!!)) بعد هذي الرسالة حسّيت كل شي بينا انكسر و لازم أطلقها طلقتها على عِوَض بالمحكمة و رجعت لي المهر و ال**** بس الحين أحس أفكر فيها وأتمنى أني ما طلقتها مدري كيف أطرد هذا الشي من بالي ..! أول مرة أعرض مشكلتي لحد بس حسّيت إني محتاج أفضفض و أخذ رايكم ..  | |||||||||||
| |
|
12-14-16, 09:01 AM
| #2 | ||||||||||||||||
  
|
الفاضل / مشكلتي وعليكم السلام ورحمة الله وبركاته الحمد لله بخير عساك بخير يعني هي بنت خالك وبنت عمتك في نفس الوقت اجل ليه يعبون راسها عليك المفروض قرايب يلينون راسها لك مو ضدك يوووه هم يبونها تتطلق معقوله محد اقنعها تهون عن الفكره وانت انتظرتها فتره طويله مهيب قصيره ليتك مسكنها بعيد عن حي اهلها كنت مجنب نفسك مشاكل كثير اذ ناوي ترجع لها مابعرف للامانه ممكن تستخير واذا بترضى بقدر الله البنت ماقاست فترة انتظارك لها ودعمك يعني لاتليق بك مابينكم توافق مع انها تعرف ان بينك وبين ابوها فرق ماهوب لازم تصر عليك هكذا وتطلب اشياء فوق المستطاع المفروض تقدر انها اصبحت زوجه ظروفها من ظروف زوجها موب اهلها والاغرب انكم قرايب واهلها عارفين بجد مدري كيف تقبلو بنتهم تتطلق لسبب كذا بدون ماحركو ساكن كان من اول ماظلمتك ولا اهلها ظلموك بالانتظار ع اقل فايده عسى ان تكرهوا شيء وهو خير لكم الله يعوضك باللي تقدرك يمكن خيره انت استخير الله وعين من الله خير اذا ترجع لها ربي بيسهل لك وان تبتعد عنها والبعد خير ربي راح يعينك ع هذ الشيء الاهم ترضى بما كتب الله لك وتقتنع بذا الشيء وراح تهون اشياء صعبه كنت حاطها ببالك موب قادر عليها تقبل ردي وعبق وردي مع خالص احترامي لسموك آسيرة حرف | ||||||||||||||||
 |
|
12-14-16, 09:08 AM
| #3 | ||||||||||||||
 
|
الله يصبرك الدنيا تسير البنت مش متوافقة معك و قالتها لك صريحه ( احنا ما بينا تفاهم عشان ما اظلمك ولا أظلم نفسي مقدر أكمل معاك !!!) عسى أن تكرهوا شيئا و يجعل الله فيه خيرا كثيرا اسأل الله أن يبدلك زوجة خيرا منها و الحمد لله دامك بصحه و عافيه و رجعت لك فلوسك و ال**** ممكن تلوم نفسك لو كانت حابتك و لها رغبة فيك لكن بالحالة هذي اقول لك قل ( الحمد لله ) الله يوفقك في حياتك | ||||||||||||||
| |
|
12-14-16, 09:18 AM
| #4 | |||||||||
|
السلام عليكم صباحك خير وسعادة. أولاً. : الله يكون في عونك ويعوضك خيراً. ويكتب لك مافيه سعادتك دنيا وآخرة ثانياً : مسألة رجوعها لك بعد طلاقها يتوقف على أمور مثيرة. منها ماهي شرعية ومنها ماهي نفسية فمشروعية الرجوع تحتاج إلى من يفتيك في ذلك خاصة أنك ما ذكرت كم مضى على الطلاق ؟ وأيضاً ذكرت أنك طلقتها على عوض وفي ذلك وقف مهمة يجب أن تسأل عنها اهل الفتوى أما الأمور النفسية فهي كراهية تحميل النفس وتنزيلها منزلة الخضوع بعد القرار ( بغض النظر عن صحة قرارك أم لا فالأمر نفذ وقدر الله الطلاق ) ولكنني أرى رجوعك ( في حالة مشروعيته ) مجالاً لتعذيب النفس وإقحامها مرة أخرى في بحر متلاطم من المشاكل والاختلافات. ولقد سلمك الله ودفع لك كامل المهر رغبة عنك. فاشتر راحة البال واسعد الحال بالبعد عن الاختلاف والجدال. أسعدك الله ووفقك. تحيتي | |||||||||
| |
|
12-14-16, 10:47 AM
| #5 | ||||||||||||||||
   
| ارحب اخووي . اولاً انت كنت مشتريها بس هي مقدرت ولا شي وخلي امها تنفعها .. وانت ربي بيرزقك ببنت الحلال ان شاءالله .. بنت الخلق كثيير لاترجع لوحده باعتك علشان وسخ دنيا خلي اهلك يشوفون لك بنوته من برا العائله ترا الزواج من العائله يجيب هم ومشاكل وغم تبي تريح نفسك شوف لك بنت الحلال اللى برا العائله والله بترتاح والله يرزقك عَ قد نيتك حَسُوسآ | ||||||||||||||||
|
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
|
12-14-16, 11:32 AM
| #6 | |||||||||||||||||||||
|
خير ماسوت بهذه الرسالة وانت خير مافعلت بهذا القرار بغض النظر عن الاثار الجانبية بسبب تضحياتك وحبك وجهدك للاستمرار هذا البيت ولكن هذا الامر صدقني فيه خيره لك انت شخصيا ولا أقول لك هذا الكلام مجاملة أو من باب التهوين على نفسك بل هي الحقيقة طبيعي ضميرك راح يأنبك بخصوص الطلاق ولكن اسئل نفسك بكل صدق هل أنت قصرت في حقها فانا شخصيا من خلال كلامك انك رجل طيب وكريم ولم تقصر في حقها وربما مرات تكون هي المخطئة وانت تبادر بالاعتذار للاستمرار حياتكم مهما كان بالعكس حاول ان تنسى وتتناسى وتبحث عن فتاة تقدر قيمتك وتقدر طيبة قلبك وكرمك وتضحي من أجلك فهذه الفتاة التي طلقتها هي خيره لك فهي لم تقدر قيمتك ولم تفكر أن تضحي فهي يهمها الشكليات وانا أتوقع سوف يآتي يوما وتندم هي على خسارتك كرجل حبها وصدق معها انسى يارجل وابحث عن فتاة تحبها وتحبك وتقدرها وتقدرك تضحي من أجلها وهي تضحي من أجلك | |||||||||||||||||||||
| |
