منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 12-26-16, 04:43 PM   #1
azOoOoOoz

الصورة الرمزية azOoOoOoz

آخر زيارة »  12-31-18 (09:36 AM)
المكان »  المملكة العربية السعودية - الخبر
الهوايه »  ركوب الخيل . والسباحة . الشعر
السلام عليكم
كل عام وانتم بخير
والحمد لله رجع المنتدى واجتمعنا مرا ثانيه
شكرا لكل الى رسلى سواء بالخاص او الزوار
واعتذر منكم شكله عندي مشكله ما اقدر ارد ع احد
انا اسف ً اسعدتوني مانسيتوني لاخلا ولا عدم ً
اختي جوج شكرا اختي عناقيدو شكرا ً

كح

 الأوسمة و جوائز

افتراضي تشكي وانا خابرك رمز الشجاعة



ياصاحبي وشفيك قلّي عسى خير
تشكي وانا خابرك رمز الشجاعة
ان كان حاديك الزمن والمقادير
الصبر للرجال يعطي مناعة
اسمع وخذ مني نصيحه وتذكير
ذرب الكلام اللي يفيدك سماعه
صوادف الدنيا ورود ومصادير
وافضل كنوز الوقت كنز القناعة
اللي كتبه الله على عبده يصير
صبراً جميل ودبرة الله مطاعه
مادمت من روس الرجال المشاهير
مايرتخي راسٍ شمخ بارتفاعه
بكره تبي تلقى العوض فالمخاسير
تاصل حبال الوصل عقب انقطاعه
العافية تسوى كنوز الدنانير
والرجل دايم نجدته من ذراعه
صكات بقعا لانصنّك طوابير
خلك كما ضلعٍ تقانب سباعه
شامخ شموخاً ماتهزه معاصير
لو هو محاصر بالخطر كل ساعه
صلف الهوا ماشدد طويق والنير
والحر يقدم والرعاعه رعاعه
ساير زمانك وانتبه تعكس السير
وسمح الجناب اللي يراعيك راعه
ربعك حزامك فالليال المعاسير
صدرك عليهم لايضيق اتساعه
قد قالو اللي يحكمون التعابير
ترى يد الله مع يدين الجماعة
حذراك دينك لايجي فيه تقصير
لاضاع دينك ماش غيره طماعه
ابليس لو زيّن دروب المحاذير
أبعد عن اللي مايجوز اتباعه
عقب المنيه ماتفيد المعاذير
واللي يطيع ابليس ماله شفاعه
اشر الرفيق اللي يعينك على الخير
وبيع الردي فالسوق بيع البضاعة
لازم يجي من صاحب السوء تاثير
يدوّر اللي يخشره في ضياعه
اللي يحمل المسك ماينفخ الكير
ومن جالس المقرود ياخذ طباعه
كم من كبيرٍ بالعقل عمره صغير
وكم من كبير ... بعقل سن الرضاعة
لاتستشير الا حكيم التدابير
رجلٍ تفيدك خبرته واطّلاعه
العاقل يشاور هل العرف ويشير
وكلاً على ماقيل حسب اقتناعه
الطيب يبدي فالوجيه المسافير
يبدي كما نوراً توهج شعاعه
يشفيك حراً لانهض كنه الطير
الطيب مزروعٍ بقلبه زراعه
في طلته تلقى السعد والتباشير
واليا نخيته قال سمعاً وطاعه
تلقى الكرامه عند ريف الخطاطير
وتلقى اللكاعه عند راع اللكاعه
مافالبشر مخلوق من غير تقصير
مير القيام يكون بالاستطاعه
واليا ظهر سرك لو يقال في بير
تراه مابه بير من غير قاعه
يبدي ويبدي به من الناس تزوير
حيث ان بعض الناس مثل الاذاعة
يصبح كما جمٍ ملته الغثابير
ويمسي طعام مروّجين الاشاعة
الظلم ظلمه في وجيه المعاثير
مايفلح الظالم ولو طال باعه
يلقى الجزا لو عقب طول المشاوير
سواة ماسوّاه واعظم شناعة
من دعوة المظلوم احذرك تحذير
اليا رفع لله كف الضراعة
يجيب ربه دعوته دون تاخير
وابو قناع يبين خافي قناعه
راع الحسد لو يندفع يمك مغير
عنّز على الله واتركه باندفاعه
كل الصعاب بعون ربي تياسير
من يتكل بالله ومَن كل راعه
قدمت لك عن واقع الحال تقرير
ببيوت شعراً فيه فن وبراعة
صدرتها من صافي الفكر تصدير
وحقوقنا ماهي حقوق الطباعه
وختامها مني تحية وتقدير
شاري خوي الطيب ماعاد باعه


 
مواضيع : azOoOoOoz



قديم 12-27-16, 04:48 PM   #2
basido.org

الصورة الرمزية basido.org

آخر زيارة »  12-27-16 (04:48 PM)

 الأوسمة و جوائز

افتراضي



رااااااااااااااااااااااااااااااااائع


 


قديم 12-28-16, 08:50 AM   #3
بعيد المراميس

الصورة الرمزية بعيد المراميس

آخر زيارة »  03-12-18 (10:15 AM)

 الأوسمة و جوائز

افتراضي



اللي كتبه الله على عبده يصير
صبراً جميل ودبرة الله مطاعه

هذا الكلام والا فلا

لازم يجي من صاحب السوء تاثير
يدوّر اللي يخشره في ضياعه


فعلا رفيق السوء أو شيطان الانس لايريد ان يهلك وحده

واليا ظهر سرك لو يقال في بير
تراه مابه بير من غير قاعه

نصيحه بماء الذهب..


قصيده مليئه بالحكم والدروس...

سلمت يمينك ..

تحياتي / اخوك


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : تشكي وانا خابرك رمز الشجاعة
الموضوع كاتب الموضوع المنتدى مشاركات آخر مشاركة
حكمة : الهروب نصف الشجاعة ... Abdulaziz_NFC قسم التسليه والترفيه عن النفس 1 08-31-16 05:41 PM
كيف تكتسب الشجاعة مطر الفجر علم النفس والبرمجة اللغوية العصبية وإدارة الذات •• 6 10-02-15 12:06 AM
ما هزّنا يالمنتدى وانت خابرك ** والله ما زلزل من كيانك كيانا . الخيال التغلبي ديوان ومحاورات حصريه لشعر ( شعرائِنا ) 6 09-16-15 10:37 AM
الشام تشكي والضحايا طوابير مربوشه هلاليه همس القوافي - شعر - قصائد •• 5 06-10-12 07:10 AM
على الله يازمن بشكي؟؟ ليان همس القوافي - شعر - قصائد •• 2 03-17-12 09:08 AM


| أصدقاء منتدى مسك الغلا |


الساعة الآن 03:35 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا