بسم الله الرحمن الرحيم
السلآلآم عليكم ورحمة الله وبركاتة








ما اثر تعليمك على الدنيا ؟
الحياة مستمرة بك وبدونك بتعليمك وبجهلك بعافيتك وبمرضك ...
وهذا مايعني انك توقف عند مرحلة دراسية معينة وتقول الى هنا وخلاص ماراح اكمل تعليم
بالعكس انت احق مدام لك حلم ،
لك طموح ،
لك ابناء تحب انك تواكب تعليمهم وتطورهم عشان تعرف كيف تتعامل معهم وتكون اليد العون لهم وتكون القدوة والفخر لهم >> طبعا التعليم يجي بعد التربية والاخلاق فلا احد يفخر بشهادته وهو لا يعمل بما تعلمه فهو "كالحمار اللذي يحمل اسفارا " .


ماراح اطول عليكم وراح ادخل في صلب الموضوع
حاليا احنا في ازمة جامعات
تحتاج نسبة مرتفعة عشان تدخل التخصص اللي على مزاجك ناهيك عن القدرات والتحصيلي .

فـ لا تقول خلاص انا مالي حظ او تزعل على عدم قبولك بالجامعة
جامعة الامام محمد بن سعود
قدمت لنا تعليم النتساب المطور مايعرف بـ التعليم عن بعد .
كذلك جامعة الملك فيصل .

وفيه فرق بين هالجامعتين راح اذكرة بشكل مبسط

جامعة الامام :
يقتصر دارسها على اختبار من 100 مع طرحهم لمحاظرات ( نصية ، صوتية ، مرئية ، مباشرة ) والقليل من التكاليف الغير اجبارية .

جامعة الفيصل :
دارسها ملزوم بتكاليف وبحوث ومشاريع واختبارات والدرجات مقسمة كلن على حده ) >>هذا كما وصلني


حديثي بهذا الموضوع عن جامعة الامام
بحكم اني طالبة فيها
فـ اي سؤال واستفسار يطرح عن هذه الجامعة فقط .






اولا نتكلم عن رسوم الجامعة وهي اساس تسجيلك 2500 ريال للترم التحضيري ولا يتجاوز الـ 2800 في المستويات الاخرى .
ثانيا التسجيل على فترتين منفصلة " فصل دراسي اول و فصل دراسي ثاني " .
ثالثا اذا كنت متخرج قبل صدور برنامج نور يلزمك ارسال اوراقك على البريد الممتاز بعد قبولك المبدئي .
رابعا التخصصات المتاحة (
1. كلية الشريعة:
• تخصص الشريعة.


2. كلية الشريعة والدراسات الإسلامية بالأحساء (فرع الجامعة):
• تخصص المحاسبة.
• تخصص الأنظمة
- يشترط للقبول في تخصص الأنظمة الشروط التالية:
1) أن لا يقل المعدل التراكمي في الثانوية العامة عن 80% (جيد جداً)
2) توفر المقاعد المتاحة للتسجيل


3. كلية الاقتصاد والعلوم الإدارية:
• تخصص الإدارة.
• تخصص الاقتصاد.

4. كلية أصول الدين:
• تخصص أصول الدين


5. كلية اللغة العربية:
• تخصص اللغة العربية​ )


* ملاحظة هذا النظام فقط لخريجي الثانوية ويستبعد مادون ذلك .
استقبل اسألتكم
وشكرا لكم

	المشاركة الأصلية كتبت بواسطة stranger

	يعطيك العافية كنت ناوي أسألك عن هالنظام ،،

	المشاركة الأصلية كتبت بواسطة حكاية طفلة ..,

	حصه جد الطرح مفيد كثير يحتاجون الاستفسارات هذي لو ظماي او ساري يطرحون خبرتهم مع جامعة الملك فيصل برضو شي يفيد الباقي الله يوفقكم ويعجبني الشخص المثابر مهما تمر فيه عقبات مايوقف عندها ويحاول قد مايقدر الله يسعد قلبتس واي مساعده تحتاجينها ابشري بزهلتس يابنت سلطان