منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ,,, حصري لمنتدى مسك الغلا ,,, الله اقوى كيف تخلف في ضنونك ,,, (https://www.al2la.com/vb/t80565.html)

نجم ضاوي 12-29-16 01:35 AM

,,, حصري لمنتدى مسك الغلا ,,, الله اقوى كيف تخلف في ضنونك ,,,
 
اختصرت الكون .. في نظـرة عيونك
واختصرت الناس في بسمة شفاك

ليش تتغلـى على اللـي يعشقونك
ليش تتمادى . . وتمعـن في خطاك

لـو تعلمنـي . . اعيـش العـمـر دونك
وقـتـهـا ارحـل . . ولا تـنـظـر . . وراك

دامني مغرم . . عهودك . . يلزمونك
ما اتخيلني . . ولا . . لحظه . . بلاك

الله اقوى . . كيف تخلف في ضنونك
كيف تتناسى . . عهودك . . يا ملاك

عشت عمري . انتظر تهطل مزونك
لا هطل مزنك . . ولا . . قلبي رواك

احـتريتك . . بـس عدتنـي . . هتونك
الرعـد يـمـي . . وهـتـانـك . . هـنـاك

شوفني مليت . . من سبة . جنونك
لامتـى . . وانـا اعانـي . . في هـواك

يكرهك عقلـي . . و خافقـي يصـونك
صرت انـا .. محتـار .. بـين هـذا و ذاك

دامني كوكـب .. عبر بافـلاك .. كونك
كيف يمديني . . اغادر . . من سماك

حتى قلبي . . يوم حديته . . يخونك
راح . . خلاني . . وجا يفـزع . . معاك


... بقلمي ... نـجـــــم ضـــــاوي ...

,,, حصـــــريــه لمســـك الغـــــلا ,,,

القارظ العنزي 12-29-16 02:01 AM

((حتى قلبي يوم حديته يخونك .. راح خلاني وجا يفزع معاك))
من اين طلع لك هذا البيت يا مبدع صح السانك ولي عودة ان شاء الله ..

عناق الغيم 12-29-16 02:03 AM

نجم ضاوي




فلو كان للشكر شخص يبين
إذا ما تأمّله الناظر لبينته لك
حتى تراه فتعلم أني امرؤ شاكر
ولكنّه ساكن في الضمير يحرّكه الكلم السائر



صح لسانك وجمل الله حاٱلك على القصيدة الرائعه .
جدا جميلة .. شكرا لك
يعطيك الف عافيه
ننتظر جديدك القاٱدم :MonTaseR_2:

وسن 12-29-16 03:15 AM

صـح لسـانك

واغـرقنا بحرك

وضعنا بين حـروف شعرك

ماذا عساي اقول

وانا التي احاول جاهده …

ان ارسم ملامح تلك الفاتنة التي تفجر مواهبك

فتصيبنا بشظاياها بلا رحمه

ولا اجـد الى ذلك سبيلا

فاخبـرنا بالله عليك ؟!

اجنيه ام حوريه !!…تلك التي اغوتك فاغويتنا ؟!

اخي النجم الضاوي

ابدعت حتى تشبع الابداع من عطر حرفك

كل الشكر لك

بانتظار جديدك

تحـياتي

،،

حكاية طفلة .., 12-29-16 03:35 AM

نجم ضاوي
قلم مبدع وقصيده جزله يعجبني ماتكتبه
أسعدك الرحمن

كابتشينو 12-29-16 03:35 AM

صح لسانك وقصيد في منتهى الروعه والجمال
ابدعت وراقت لي ، يعطيك العافيه :MonTaseR_2:


الساعة الآن 08:38 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا