((سلمان سعودي ولاجي ن وسط غابة))
 

يغرد الوجعان من حر ................. ما به
عسى يتجاوب مع صدى صوته ... الناس
وينشر لنا الهشتاق ربع ن ............ ذيابة
شبابنا اللي فعلهم يرفع ............. الراس
ويسمع بنا نسل العرب ......... والصحابة
مليكنا اللي حاز من كل ........... نوماس
ويسمع بنا ولي عهد ................ المهابة
هو الامين وفزعته تجلي ........... الباس
ويسمع بنا اللي رؤيته من .......... شبابه
ولد سلمان ورؤيته ساسها .......... ساس
يا راعي الهشتاق هات .............. الربابة
واسحب لنا صوت الطرب هات الاوناس
دوك الخبر منا ودونك .............. جوابه
وانشر خبرنا بالتواصل ......... وقرطاس
((سلمان سعودي ولاجي ن وسط غابة))
((وسط الزعتري مسكنه ليه ... يا ناس))
وين المليك الوايلي ............... والقرابة
وين السفارة ما تجي هدنا ........ الياس
يقوله اللي يشتكي من ............. عذابه
ولا له صديق غير ناسه ....... الياحتاس

القارظ العنزي

شاركونا الهاشتاق في التويتر بالضغط على الوسم التالي :

#سلمان_سعودي_لاجيٍ_وسط_غابه

صح لسانك واعتلا شانك
واعانكم الله اتكل على الله
فلا منجي غيره

ونعم بالله يالغالية بنت الغالين . اختنا مسك الغلا . كلك ذوق واحساس وعذوبة . هذا من لطفك . وصحة روعاتك .

يا القارظ . . يا محزمي . . والعصابه
ياساكب الدمع . على حبرن وقرطاس

اسمع . . صدى صوتك مثل .. الربابه
تشكي همومك .. على ساير . الناس

قلبي . . بين الحنايا .. تزايد . . عذابه
يا طير شلوى . . مثل صقرن وقرناس

حنا يا اخوك ضعنا . . بين بحرن وغابه
وبين ناس لا ذمه ولا ضمير ولا احساس

توكل على رب .. هو سريع .. الاجابه
هو . . مبدل الحال . . و مبدد الياس

ياليت .. في يدي .. شي .. وينحكابه
لأقدمه .. لك . . على طبق .. الماس


صح لسانك وسلم بنانك مليون ولا يسدون ...
ما اقول الا الله يكون في عزنك ويسهل امورك يا الغالي ...
باذن الله تتسهل اموك اهم شي الصبر مفتاج الفرج وانا اخوك ...

حنا في ظل الله وظل ........... القرابة
ملوكنا اللي سادوا وقادوا ...... الناس
هم ظلنا يا صاحبي ............ والمهابة
اللي حمونا بساعة ن كلها ......... باس
لا بد ما ياتي الخبر مع ........... جوابه
فيه الفرج من سيدي عقب .... الاياس
يجي كما وبل ن تسوقه ........ سحابة
وسمية ن ربيعها فيه .......... الاوناس
واحساسك فينا يا سليل ....... النجابة
هو الفخر يالنجم الضاوي ..... ونبراس
يالطيب اللي ما قفل يوم ........... بابه
دايم على درب الوفاء طيب واحساس

صح لسانك اخوي القارظ ،
الله يفرج امرك ويهون عليگ
***