زوجي وكذبه كيف أتصرف
 

أنا متزوجه من أربع شهور ساكنه بجناح فوق بيت أهله والحمد الله مرتاحه معهم وعلاقتي مع أخواته تمام لأنهم بعمري

ونطلع أحياناً مع بعض

عمري 24 زوجي أكبر مني بسنتين بس تصرفاته مو تصرفات واحد ناضج ومتزوج

ما يمر يومين ألا لازم يطلع لأصدقائه سهر ألى أخر الليل ولأن دوامه شفتات فيلقى وقت للسهر


كنت بالبدايه ساكته وتاركته على راحته وأحاول أشغل وقتي وأسلي نفسي بالبيت


ما حسّيت أني عروس ألا لما زعلت منه فتره ووعدني أنه يتغير وفعلاً تغير صار يطلعني لكن ما يحب يجلس كثير بالبيت معي


وأنا منظمه وقتي من أول أيام زواجي وأنام بدري من عشر علشان أصحى الصباح أنظف وأرتب بيتي وأسوي الغدا

لكن أكتشفت من ايام أنه يطلع لما أنام حسّيت فيه وهو يبدل ملابسه ويلبس الثوب والشماغ ويتعطر ويطلع



الزعل ماراح يفيد ويمكن يقلب السالفه علي وأني أتحكم فيه لكن أنا ما أحب ألي شبه يومي يسهر هو الآن متزوج مو مثل أول

وتصرفاته تخليني أحس أنه طفش مني

ألي اتمناه الأهتمام ويكون منظم ولا يكثر سهر

الامر طبيعي جدا .. اصبري قليلا

فهو للان لم يتأقلم على حياته الجديده مازال للان يحن للسهر والخروج مع اصدقائه

يوما بعد يوم سوف يتغير ويشعر بالمسؤوليه اكثرر وصدقيني سينشغل معك بدل من اصدقائه

اتركي الموضوع واستمري بما انتي عليه ف خطوتك جيده جدا

اتمنى لكي التوفيق والحياه السعيده :81:

السلام عليكم ورحمة الله وبركاته

اختي الكريمه

بقولك شي مهم هو انك لازم تغيرين الروتين اللي انتي ماشيه عليه شبه يومي حسب كلامك
اللي هو ان نومك لازم يتغير لانه دوامه شفت يعني يصير نومك وياه وقت نومه
لانه اكيد اذا انتي بتامين الساعه 10 شنو بيسوي اذا دوامه مثلا 3 العصر
اخوي اللي اكبر مني زوجته كان نفس حالتك
أمي قالت لها غيري وقت نومك
تابعي معه فلم او اشغليه اطلعي معاه
عادي يروح عند اخوياه ساعتين مب كل أليل عندهم
بس جاته بنت انشغل وصارت اموره طيبه
لان اكثرنا مانتغير بعد الزواج على طول
اذا عند اخوياه ارسلي له مسج حب او غزل
يعني كذا الامور ان شاء الله تكون طيبه

الله يهدي سرك يا اختي
والله يستر عليك وعلى بنات المسلمين
وفقك الله ورعاك

ياختي انتي تناااامين بدري! وهو يطلع يسسهر شي طبيعي اكيد يسسهر واكثرهم كذا يعني عاااادي خلييه يطلع ولد متعود على الطلعاات
بس انتي تنااااامين وهو موجود !؟ لييييه اختي عمرها 22ومتزوجه ماتحاسب زوجها ويطلع برا وماتنااااام لحد مايرجع وعندها دوام للجامعه بس مهتمه فييه وهو يقول انتي مخليتني على كفوف الراحه وهي تقريبآ لها ست شهور متزوجه !!
غيير من وقتك انتي تنامين الساعه عششر وهو مافيه نوم ليششش من ناحيية الطلعاات اغلبهم كذا عطييه وقت يستانسس لوشوي

دائماً الزوج إن أرهقته المعاشره الزوجيه يحاول يبحث له عن حلول غير مباشر لتقليل منها حتى لا يتآذى نفسياً إتجاه زوجته

فغالباً تجدونه يصطنع مشكله مع زوجته لينفرها منه بقدر الإمكان أو يكثر خروجه من البيت فجئه والرجوع في أوقات متأخره

نصيحتي لك حاولي تكوني مثلاً لزوجه المطيعه التي تلبي رغبات زوجها عندما يحتاجها لا العكس .