كل ساعة من حياتك رايحه = ما يعوضها لك المال الكثير


ويش جاب اليوم مثل البارحه = الزمن يمشي على سلك الحرير


ليلة(ن) تخسر وليلة رابحه = والهناء لايخدعك عمره قصير


وانت يا شايل همومن فادحه = خل في صدرك سعة وابشر بخير


صفحة الايام ماهي واضحه = حكمة الله ما توريك المصير


ليتني مثل الطيور السابحه = في سماها وين ما تبغى تطير


من على الاوكار تصبح سارحه = والفضاء من حولها واسع منير


كان قلبي ماشكى من جارحه = كان دنيا الورد ريحتها عبير

ودي ولكن ، عيني بها حزن الأماكن ..!