منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   المجتمع يضايقني (https://www.al2la.com/vb/t81307.html)

مشكلتي 01-21-17 05:06 AM

المجتمع يضايقني
 
السلام عليكم

الموضوع ومافيه اني اتوتر من الجلوس مع الاخرين
حتى لو كانو ناس احبهم و
ولما احس بحب احد لي لاا ايرادين مني اتهرب منه
ولما اتكلم مع احد سوال ورد غطاه يعني مااسولف كثير
اقفل الموضوع بسرعه وبكذا سار الناس يقولو
اني معقده وعصبيه وكلام والله مو فيني
برضو مااهتم ابد بالي يقولوه
انا نفسي مرتاحه ببتعادي عن الناس
لما كنت طفله
كل ما جيت اكلم احد او ابغا اروح معهم لمكان
كانو يتضايقو مني وشوف قد ايش جلستي معهم تضايقهم
بس لاني طفله كنت مااعرف ليه مااحد يبغاني؟
حتى اذا لعبة مع الاطفال الاما القى احد يقولي
((انتي ورعه تلعبين مع الاطفال))
طيب مو فاهمه عمري وقتها كان 10 او 11 سنه
هذا مو سن طفوله؟
على طول اوقف لعب وارجع ابتعد
امي كانت كل ماراحت مكان ماتاخذني معها
مع اني كنت اتعب نفسيآآ لما تروح عني
مو خوف او دلع مني لا
بس استغرب ليه تتركني كثير مع اني لسع طفله وبحاجتها
عمر 12 و13 سنه قضيتها صممت مااتكلم ولا اجلس مع
احد
ومن 14 سنه الين 22 عمري الحالي تبلدت مشاعري بشكل
مو طبيعي لدرجت سرت مااهتم لشي
بس الغريب ان الحين سار لازم اجلس مع الناس واتخالط
مع الجمعات ؟ طيب كيف عودوني اني اكون بعيده عن
الكل ولا تجلسين مع احد ولا تكلمي احد
والحين مطلوب مني اجلس معهم واتكلم معهم؟
لا والجديد يفكرو يزوجوني هههههه خير ان شالله

والله مو عارفه كيف اوصلكم مشكلتي لاني مو فاهمه
وش فيني بس الاكيد سرت اتوتر من الناس
ولا احب اجلس معهم حتى صحباتي الروح بالروح
مااحب اطول بالجلوس معهم
اسسفففه على طول الموضوع بس والله
لما افكر اني فجئه صرت كبيره ولازم اغير من نفسي
انصدمت :)
كنت على قولهم متقوقعه على نفسي مااكلم احد واكل
واشرب لحالي وتعودت على نظرت الناس لي بستغراب
انو ليه انا عدوانيه مع اني ماااكلم احد بس لما احد يكلمني
ارد رد عادي جدآآ خالي من اي مجامله وصريح لابعد الحدود
وبدووووووون قصد اقصف على قولهم جبهت الي قدامي
معليش كل ماجيت انهي الموضوع احس فيني شي بقوله لكم
اتمنى احد فيكم يفهمني او يفهمني انا وش وضعي
واذا احتجتهم تسالوني عن شي بسجل وارد :)
واسففه مره ثانيه على الاطاله

اللورد يحيا 01-21-17 06:27 AM

انتي انسانه تحبي تخالطي كبار السن ومستمعه جيده لسوالفهم وقصصهم حتى أخذتي جزء كبير من أساليبهم

وهذا دليل بأنك بنت ذكيه بعقل اكبر منك وصعب ينضحك عليك بسهوله

كل اللي يلزمك تكوني واثقه من نفسك مع بني جيلك حتى لو كنتي جاده في التعامل معهم

وحتى لو كرهو اسلوبك تضلين داخل قلوبهم انسانه تقدرهم وتحترمهم

بإمكانك تبنين ثقتك بالجوء الى الله مع ترديد الدعاء التالي بإستمرار ( ربي اشرح لي صدري ويسر لي امري وأحلل عقدة من لساني يفقهو قولي )

مطر الفجر 01-21-17 04:56 PM

عليكم السلام
لا تقلقين ان ما تمرين به سوف يتغير ان شاء الله ولكن
عليك المحاولة ولا تقولين لا استطيع
اتدرين جزء من مشكلتك يشبهني
ولكن ساقول لك حاولي التغيير
ولا ترفضي فكرة الزواج ربما كان هذا باب جديد يفتح لك
لتغيير حياتك
اسال الله لك التوفيق
تحيتي ..

مرجانة 01-21-17 05:24 PM

عمرك 22 و عشرين و اهلك يبغونك تخالطين الناس عشان تتزوجين !

الاهل يرغمون احياناً ابناءهم على اشياء هم يلقونها في صالحهم
الانسان مو من السهل يغير من طبيعته ، لما يعتاد على العزلة صعب يندمج

لكن كل شي يحتاج وقت

لا تتوتري مع الناس .. و مو بالضروري تندمجي مع الكل
لكن اندمجي مع صديقاتك لو تزوريهم
مع بنات عمرك

شاركيهم سوالفهم

العدوانية و قصف الجبهة على قولتك .. ماحد يطالبك تكوني مجاملة لكن خلي اسلوبك ألطف
بكذا ما ينفرون منك ، شوي شوي تلقين انك اعتدتي على المجتمع من حولك و تتقبلينهم اكثر

الأمر بسيط مو معقد و لا تفكري فيه كثير .. و اهم شي رضاكِ عن نفسك و راحتك

هاوي القصيد 01-21-17 09:58 PM

خيتو

شخصيتج انطوائيه

ومت فيها شي عاديه والي فيج انتي عادي لا مشكله ولا هم يحزنون
انا عن نفسي ما ارتاح يوم اجالس غيري ايقولو عني بيتوتي ما فيه مشكله انا راضي وش لكم انتو
اما انتي بنت فامورج في السليم :)

فيه ناس تستمتع لما تكون بروحا انتي منهم وانا منهم وكثير منهم يشكلو تقريبا 35% من الناس الي اعرفهم
وفيه ناس اجتماعيين وفيه بين وبين
يعني عادي ما فيه مشكله

اوكي
انتي شخصيتج مستقبله اكثر من المانحه
تجذبي الي شخصيته قويه والي نفس شخصيتج والي يحب يتكلم وايد ما تجذبي الي شخصيته عاطفيه
هالناس ايحبو يجلسو معك لانك ساكته هم يحبو يتكلمو
بس يمكن مافيه هالشخصيات حولك

سافانا 01-22-17 03:18 AM

عزيزتي انتي تحتاجي للتصالح مع نفسك اولا والتحرر من قيود الماضي التي فرضها عليك الوقع وجهل الاخر
حاولي في جلسات تأمل ان تجلسي مع نفسك وتخيلي المواقف التي كانت سبب في مضايقتك
والاشخاص الذين كانو سبب في تعاستك وهزو ثقتك بتفسك وتذكري انك ضلمتي نفسك عندما استسلمتي لهذي المواقف
وجعلتيها تهز قيمتك لذاتك حاولي تتصالحي معا نفسك كلميها في ابعد حدود تواجدها واعتذري لنفسك لانك قبل اي شخص اخر انتي اذيتيها لتركك لها رهينه لأراء وافعال الأخرين تفعل بها ماتشاء اعتذري لنفسك لانك لم تكوني تعرفي قيمه ذاتك ارقتي بنفسك وعاهديها على ان تحميها من تطفل الاخر وتبعديها عن اي شي يحط من قيمتها
ثم ابتعدي عن التفكير ولانشغال في رضى الاخرين عنك تحرري من كل القيود وظغوط الاخرين لا يكلف الله نفسا إلا وسعها
وكل ماتملكينه من قدرات وطاقات وامكانيات سخريها فيما يرفع من روحك المعنويه لاثبات ذاتك
فسيجعل الله بعد عسرا يسرا
تفألي وحبي نفسك ولاتنتظري اراء الاخرين بل شقي طريق جديد تثبتي فيه وجودك وتذكري ان رضى الناس غايه لا تدرك .
حفظك الله ورعاك وسدد على طريق الحق خطاك


الساعة الآن 05:26 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا