السلام عليكم ورحمة الله وبركاته
بدون مقدمات اخواني بارك الله فيكم
انا انسان صابتني حالة قهر لدرجة اني اخاف امرض والله ما ابي يصيبني مرض قلب من القهر اللي فيني
مشكلتي ان اخواتي يتغزلن في الشباب وانا من بينهن
يجيني قهر حمله مره ثقيل
علمت واحد من خوياي قالي هي وحده من الثنتين
اما ان مالك هيبه وشايفينك مصخره او (خن...)
ولا انك ديوث
يا جماعه ما تدرون وش حل فيني ودي افاتحهمن بالموضوع واقولهن احترمني وعيب اللي تسونه ما ترضن لما تتزوجن رجاجيلكن يتغزلون في حريم الناس قدامكن اجل وشلون تتغزلن بالشباب قدامي ؟
مدري والله احس ان مالي قيمه ولا كلمه والقهر الزايد حركاتهن المايعه لما يناظرن شباب يقولن هذا يشبه فلان في فلم او مسلسل ومدري ايش
ايش البياخه ذي ؟ مالي احترام ولا هيبه من بينهن اخاف يجي يوم ويتهاونن زيادة من كثر سكوتي انا والله ودي اغضب عليهن واطلع حرتي باللسان واخاف توصل لمدة اليد ، عجيب والله مدري ليه كذا ؟ انا لاحظت انهن اغيرن لما شافن بنات ثانيات يتغزلن بالشباب في التواصل الاجتمتعي ولا في المدارس مدري والله لكن السلوك الوقح هذا جديد علي ! ولا اذا انا جيت وقلت عن ممثله هذي حلوه يناظرن فيني نظرات كذا يعني عيب وش هالكلام؟ اجل والكلام اللي تقولنه ؟ ماودي اجاري العيب بالعيب لكن حاولت الغم لجل تعرفن ان مثل ما تحسن احسه لما تزلن السنتكن قدامي مدري شلون كذا صار ! هذا مزيون فديته حبيبي احبه وهذا حلو وينك يا حلو ويعلن اصواتهن مدري وش القصد يعني ؟! والله ماعدت اتحمل لجل هذا جيت افتح الموضوع هنا واخذ كلامكم ونصايحكم لجل اغير النفسيه اللي فيني وربي فيني من القهر هذا اللي اخاف انه يوصلني امرض وانا ماودي امرض مازلت صغير والله وعندي هموم ثانيه اكبر من هذا الهم لكن قهره اكبر
اللهم اني اعوذ بك من قهر الرجال
اخواني اخواتي وش نصايحكم وهل في احد مر بتجربة مثل تجربتي ؟؟ وشلون تصرف؟؟
رجاءا تنشرون الموضوع هذا انا ارجوكم لجل يوصل للكل يعني حنا لما نحشم مهب معناه بعض الحريم يعتبرن حشمتنا سكوت وضعف فيالله عادي نتغزل وما بيسوون حاجه؟ والله ارجوكم تنشرون الموضوع لجل يوصل عند الكل يمكن في كثير مثلي يعانون وما يدرون وشلون يتصرفون والله يا جماعه رجاءا تشوفولي حل وحللت انكم تنشرون لجل اللي كانت تغلط وتبيخها قدام اخوها تحشم لسانها وتوقف عند حدها
رجاءا حارا يا جماعة الخير بارك الله فيكم شوفولي حل