والله ما لومه احرقت قلبه ... احراق
وعيت تسدد لابن ماضي ...... ديونه
دامه مزيون وعادته شخص .. بواق
خله يولي لو تزارق ............. عيونه
الياصار حبك ما هو علاجك . وترياق
اخير تبعد عن اخلاقه ........... ولونه
عسى العوض له من عجيبات الاذواق
والياشحذهن بالغلا .......... يطعمونه
ناس تصدق تحتسب عند ...... خلاق
يرجون رب ن بالوفاء ........ يعبدونه

فعلا انا محظوظ لوجودكم هنا في صفحتي
التي عطرتوها بقصايدكم وردودكم

سلمتم وسلمت اناملكم ومشاعركم الطيبه الراقيه

تحياتي لكم وخالص الشكر والعرفان

حبيبك يابن ماضي كاذب ومراق
الهب القلب منك . بنظرة عيونه

لوع فؤادك .. واحرقه .. احراق
ونفث في عروقك سحر بجنونه

والله ثم والله . لو فقلبه اشفاق
كان يستاهل . تبيع العمر دونه

نصيحتي لك . لا تتبع حب افاق
يبين غلاه ويخفي سمه بالسونه

لا بد يلوح لك من السما براق
والله يعوضك بشركسيه حنونه

نصيحتك يا صاحبي ما له ... ساق
بديت الماضي دوننا ...... بالحنونة
بعت الوفاء يا صاحبي بين الاوراق
وقلبت الصفحة والعهد ... تطمرونه
الشركسية خدها شمس ... الاشراق
وعيونها مثل المها ......... يذكرونه
عديتها عني ولا بقلبك ...... اشفاق
ولا اظن الماضي يقبل باللي . تبونه
الشركسية ودها بشايب ......... لاق
يفهم لغتها وانتم ما ........ تفهمونه
يا كثرهن في ديرتي زينهن .... فاق
زين العرب يا ويلكم ...... ما تجونه
الخد يلمع كنه بالجو ............ براق
ومغيزل ن بالعين تذبح ....... عيونه
وجديلته مطوية ن طاق مع ... طاق
ومبيسم لون الشفايا ............ بلونه
الساق منها مدمج ن تلع ..... الاعناق
والصدر نابي كنه يشحذ ...... معونة
وعوده يشادي خيزران ن . بالاسواق
ما ينفعه لو ستره في ......... اردونه
قلب العناء لو يشتكي له ... ومشتاق
يرجع مثل اللي غيرنا ........ يتبعونه
كم واحد بالقهقري عاد ........ ما ذاق
غير القهر يشكي الوله من ... اطعونه

اثاريك في بحر الاشواق غراق
واللايف جكيت . . تسبح بدونه

بحر الشركسيه غزير الاعماق
تجهل فيه .. الغوص .. وفنونه

الشركسيات طويلات الاعناق
يملكون الزين وقلوب ن حنونه

خلك على حناك يا عذب الاشواق
لاعاد بك شده ولاعاد فيك مونه

بنات شركس يبيلهم شاب حراق
يكرم نزولهم وهم بعد يكرمونه

خلك مع اللي لا غبت لك يشتاق
حزت تعبك . . تلقاها لك حنونه

((خلك على حناك يا عذب الاشواق
لا عاد بك شدة ولا عاد فيك مونة))

ذبحتني في هالبيت ، الله يذبح عدوك يا بو ضاوي ، دخيل الله فكني ، والله ما عاد لي فيك ، ان شاء الله تروح للجن ما هم شركس ، بس خف علي لا عاد تطحن فينا بهالطحن ، محتاج شهر حتى اتعافى من بيتك هذا ، التوبة ما عاد اجاريك بعد اليوم . الا اذا توسط لك ابو ماضي ، وبشرط ما عاد تقول بيوت مثل هذا وتحرقنا بعد اليوم . والله صرت استحي من حناي .