نفسي احس اني عروس يديده
 

(انا اسفه بدش ف الموضوع على طول لاني ماعرف ف المقدمات واعرف ان كل مششكله ولها حل بس ودي اعرف شوركن عليه ف مشكلتي )

انا عروس يديدة ما كملت شهر من عرست وجانت شىء فترة ملجة امبينا جي ثلاث شهور بس جانت علاقتي وي ريلي سطحيه يعني ماشي رومنسيه امبينا لان ريلي ماله خص ف هالسوالف وانا اعرف بس استحي وايد وحاولت قبل بس ما كنت احصل تحاوب من صوبه ....!!!
واحين عقب العرس ماحس ان ريلي يحبني وانا ربي شاهد عليه اني احاول ما اقصر وياه بأي شىء والبس واكشخ واكون رومنسيه وياه كثر ما اقدر واضحك يعني احاول ارضيه وارضي هله ... نحن معاريس يديد بس ريلي ماقد زخ ايدي ولا قالي كلام حلوو الا قبل لا تصير العلاقه امبينا وحتى ف العلاقه بس جي يبا يخلص وانا احاول انقرب منه بس اهو مايعرف ف هالسوالف وييت وكلمته اذا مرتاح وقالي هي مرتاح ...
شورن عليه حريم كيف اتعامل وياه يعني ابا احس اني عروس حتى يوم سافرنا ما تغير شىء جانت علاقتنا جي عاديه وربي شاهد اني كنت اسوي كل شىء يرضيه

مافي رومنسيه لا تحسبين مثل افلام تركيا ولا هندي

اكون صريح معك كلام حلو وعزل راح يقولها وقت ما يبي حاجه

غير كذا انسي

غاليتي بعض الرجال يبيلها صبر انتي لسه عروس وهو اكيد لسه في خجل منه خليكي صبوره ولا تحسسينه انك تغصبينه يقول هالكلام خليه يجي منه يعني اتدللي من بعيد لبعيد بعضهم يكون عنده حرج بالفتره الاولى من الزواج اخوي كان كذا مع زوجته الحين يموت عليها اكثر ماتموت عليه

بس كانت هادئه وصبوره معه لانه كان خجول شوي

المهم الف مبروك وبالرفاه والبنين ياغاليه

تحياتي لك

؛؛

وعليكم السلام

ماشاء الف مبرووك حبيبتي الزواج
والله يسعدكم ويوفقكم ويرزقكم الذريه الصالحه



خيتي توكم بداية الزواج اكيد في خجل وتردد ويقل الكلام
بس بعدين اكيد بيتعود عليك وبتتعودين عليه وبتعرفون بعض وبتفهمون بعض اكثر
انتي لاتقصرين في حقوقه ولكن لاتظغطين عليه خليه على راحته
لاتجيرينه على شي .. بس اصبري اختي ربي يوفقكم ويسعدكم

الف مبروك ..

اعتقد انه يحتاج وقت للتأقلم ..

مشكلتنا متأثرين بالأفلام واجد ..

ولا تخلين هالشي يفقدك السعادة الزوجية ..

الزواج له مقومات أكثر من هالرغبات ..

وشكرا