منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((يا ليلتي كفي عذابك وصدي)) (https://www.al2la.com/vb/t82352.html)

القارظ العنزي 02-19-17 01:07 AM

((يا ليلتي كفي عذابك وصدي))
 
يا ليلتي كفي عذابك ..... وصدي
كفي عذابك واتركيني .... بحالي
انا بلايه من بلاك ......... امتردي
من طلتك زاد البلا وضاق .. بالي
عدي الليلة عدي ارجوك .... عدي
وبكرة تعالي وانتفاهم ..... ونالي
وخوذي كل اللي تطلبينه . بجدي
بس اتركيني منشغل في . مجالي
قلب العنا مشغول بهمه .... وندي
اللي طعني وزاد بيه ....... اهبالي
يا ليلتي جيتي وبيحتي .... سدي
وقعدت اهذري وانا جالس الحالي
وقعدت اصوت وين ابويه وجدي
وين العرب الطيبين ...... وخوالي
وين الجموع اللي ذراها .... بحدي
الياضقت جوني كنهم من .. عيالي
ما منهم اللي صد عني ...... وندي
عند اللوازم حاضرين ....... اقبالي
يا عزي اللي يطربوني ....... وبدي
مثل الملوك السايدة ..... والمعالي
واليوم انا وحيد الحالي .... ويدي
يدي وحيدة يمنى بليا ..... شمالي

القارظ العنزي

نجم ضاوي 02-19-17 01:40 AM

هذا انا موجود .. وامد لك . يدي
انا محزمك .. يا بعد كل . حالي

ان كنت غرقان هاك يدي وشدي
يا عصابة الراس ويا سهيل عالي

انا صبي جازان ساعة الجد جدي
صاحبك يالعنزي . يا طيب الفالي

يا ابو سلمان .. خذ علمي وردي
يفداك المال والروح واكبر عيالي

القارظ العنزي 02-19-17 02:15 AM

الله يديمك يا حبيبي ..... وبدي
انت الوفي اللي يشيل .. الثقالي
يفداك عفن بالبلا ما ...... يسدي
عند اللوازم باهت ما ...... يبالي
وتفداك قوم عندنا ...... ما تلدي
ويفداك رجل ما لقوا به اظلالي
نعم اليمين اليحظنت كف . يدي
ما همني من عقبها وش . جرالي
تفداك روحي مع الهامة .. وخدي
ولا تنسى عيالك يالغلا هم عيالي

أميرة بذاتي 02-19-17 12:59 PM

خلص دام دخل القارظ ونجم في الموضوع
إحنه شو نرد
صح الله لسانكم يا أسود الشعر

القارظ العنزي 02-19-17 03:22 PM

أميرة بذاتي ، بل أنتي أميرة القارظ ونجم ، والعين ما تعلى على الحاجب ، واحنه ممنونيين لمرورك وطلتك البهية ، عفية عليك وعلى نبضك اهواية .

ماضي الماضي 02-19-17 05:39 PM

اسجل اعجابي بشخصك اولن وشعرك ثانين

تقبل مروري اطال الله عمرك على طاعته ورضاه

تحياتي لك ولصاحبك


الساعة الآن 12:25 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا