|
((وحنا يا غافل لك الله)) جتك القوافي يالضاوي من وسن مثل القهاوي وانا قهوتني ... البلاوي .... والشايب ما له هدية تمدحك وتنسى جنابي وش ذنبي تنسى ثوابي هذا جزاي ..... وعقابي .... اني مدحت النشمية يا ضاوي شايب وعايب غريب وما به ... قرايب يا ويلي ما لي . حبايب ..... افزع وهات القافية يالضاوي جهز .. عزايه تعال وخفف ..... بلايه وجودك يا سيدي غاية ...... يالغالي رحنا ضحية صديقك والله ... رمنه بشر القصايد ... هجنه وفي نار القاف اذبحنه .......... وانت تفرج عليه وحنا يا غافل لك الله نسمع ونتبع خلق الله نتبعك ولا نسأل والله ......... والنية ما هي النية اللي هجاني ... بالعاني هجاني وراح وخلاني مدحك وطنش قيفاني .... وقيفاني عادت ملوية شفتك مرتاح بقيفانه مرتاح بقول الشيهانة وانا معاكم ... هجانة .. اركض ولا ادري وش ليه اركض ولا ادري وش بيه غدت بي ذيك ... الجنية وكل ن لقى له ..... هدية ... وانا كسبت الشقاوي القارظ العنزي |
من الباديه لين اعالي قوامها جاتك وسن تحمل حروف تصحيح ياويل حالي وش به القارظ شانها حروفي وهي كانت بلا تجريح من عاب شيبك عاب نفسه هانها وقارنا انت وانت عين السيح ضاوي اخوها وانت ابوها وصانها فخري بكم معتلي ينطح الغيم تنطيح الله بكم زينها والله بكم زانها ماغير ذيك اشوارنا ...والاختلاف يبيح شيبك تاج ياجعلك للعافيه ووطانها وكان خاطرك مابرى باخذ شايب ..لوتستريح وسن جاك حرفها ياعزها وشانك شانها ماهي بحره من تضيع عزها مع هبوب الريح ؛؛ استاذي الكريم قارظ العنزي ماتعديتك وذكرتك بحروفي بالخير ومن زاد عمره زاد قدره ووقاره معه ماتربينا على كره الشيب الا والله انه هيبه للامانه ما ادري كم عمرك استاذي بس الله يطوله ويسعدك الاختلاف لايفسد للود قضيه قلت لك من قبل حقك علي لاتخلي الحروف تأثر فيك تصدق بالله ان الي قبل هذي مرو عادي وهذي وجعتني لاني حسيت اني ظلمتك فيها الله يسامحني وانت الله يسامحك ومثل ماقلت لك تسامح ولا بتزوج شايب عشان تسامح ههههه الله يسعدك تكفى اضحك ترى ماعلى الدنيا باقيه كبر الموضوع اكثر من اللازم وتاكد قدرك على راسي خلك مثل بنتك لاتصير حساس شف كيف جلدتني جلد بقصيدة الهجاء وعديتها بروح رياضيه ههههه الله يسعدك اعتذر لركاكة حرفي وقلة معرفتي وكل الشر لك الاستاذ القارظ العنزي ؛؛ |
يالحبيبة الغالية ان شءت ي بنتي وسن ، وان قررت ي الزواج من شايب فأنت ي أختي ، على كل حال أنا لم أهجوك مبتدءا يعلم الله ، وانما ذلك كان دفاعا عن نفسي وعن اختي الكريمة نورة . لأنك اتهمتيني بشيء لم يدور بخلدي بل ويفهمه اقل الناس ثقافة ، مما فتح باب التساءل حول من لم يكن له نصيبا أصلا في هجاءي ، وانما انا هجوت الافكار لا الابرار كأختنا نورة ، معاذ الله ان اقذف المحصات الغافلات كنورة واخواتها ، فأنا لي بنات ربما فيهن من هي في سنها ، وانما انت هجيتني وقلت في ما لم تقله نورة نفسها ، على كل انت اصبحت كبيرة الان في عيني وقلبي ايضا من خلال ردودك الجميلة ، بل أصبحت ي تكبرين زيادة يوم عن يوم عندي ، وأما بالنسبة لقصيدتي هذه والموجهة الى ابو ضاوي أصلا هي فقط من باب العتاب لك ي والشرهة عليه لما تركني فريسة لك ي وفي الساحة وحدي أصارع بحور شعرك المتتدفقة والمبحرة تجاهي ترصدني اينما ذهب وتحاصرني وتحصرني في الزاوية الضيقة لكي تنقض علي مرة واحدة ويكون هناك هلاكي والضربة القاضية على يدك ، فأصبحت بعدها اتوجس منك واترقب موتي بسببك في اية لحظة . طبعا موتي المعنوي ، صح السانك واعتلا شانك ما أحلا بيانك . اخيرا لن ارضى حتى تتزوجي شايب ان صدقتيني في وعدك وكان منك عهدا ، فإنه من دواعي سعادتي عندما اجد شيبة مثلي يرفل بالسعادة . بسبب احتواء الشابات لشيبته والاعتناء به خصوصا عندما تكون احداهن تتزوج منه محتسبة عند الله ، كما فعلت تلك الصالحة مع شيخنا عبد الله بن جبرين يرحمه الله ، وما اقلهن في هذه الايام عددا . حفظك ربي ورعاك ايتها (الملاك) السماوية والروح العلوية . احترامي |
الى وسن هلا بك يالفضيلة ........ ياعنوانها بنت الشرف بنت النشاما يالمليح مثلك الشايب مثلي من .. شيبانها يشليها بكفه ولا يرضى .... تطيح وانت ي الدرة يالغلا ...... بدكانها كم واحد ن من دونها قام ويطيح ومثلك الدين هو عقلها . وميزانها والسانها دايم في ذكر الله فصيح ويشهد عليها بقولي هو ... السانها لي طلبة عندك هي علاج الجريح ان شفتي غلطة مني انسي. شانها ولا يصح عقب المزاح الا الصحيح وانت ي الفضيلة رسمها . وعنوانها وانا اعتذر وانا اعتذر وانا استميح الشايب العايب |
الله الله صحت ألسنتكم و بارك الله فيكم دام الملعبة قايم سوقها عيل ألتزم الصمت و أستمتع بأهل الشعر ما قصرتوا جميعاً والله |
حياك الله يا أنا فداهم ، مرورك بصفحتي هو من يحرك الملعبة وسوقها لاهنت ولا هان مرورك . |
فقط اسجل مروري واعجابي بما نثرتوه من شعر صح لسان الجميع تحياتي..... |
هلا بك يا ماضي صحة ابدانك . لا هنت على المرور . |
اقتباس:
مامضى حقك علي فيه ماعاد بفتح السيره والصمت احيان يكون احسن وبالنسبه لضاوي احسن شي انها ماكثرت الاطراف ولا كان انعجن الوضع. ومالتم الموضوع اعتبر سكوته حكمه وترى دخل ورد علي بقصيده واقف معك فيها وماعاش من يطعنك ويهجيك ويوجعك ومو القارظ الي يهاب المواجهات ومو وسن الي تدور على الناس زله والله مامقصدي نوصل لكذا قلت حروف تضرب بعضها وعدت مادريت انك بتحز بخاطرك لهالدرجه. وانت ان شاء الله هديت وشفيت صدرك ولو ادري انك لك عمر كبير ماتجرأت على عمرك لا والله لانه عيب هالشي واعتذر لك عنه ومره ثانيه حقك علي قدرك محفوظ ياوالد ولك حق تهحيني لحد ماتشفي صدرك وعن الشايب والله ما اخفيك اني ضحكت لحد مادمعت لاني توقعت هالرد كونك معصب مني وسمعتني الوالده قالت ايش يضحكك كذا؟ وبدون سابق انذار سالتها «امي اش رايك لو اتزوج رجل كبير بالعمر » ؟ على ماستوعبت امي الموضوع رمقتني بنظره قسمت نص عمري ههههههههه هذي الوالده طيب الوالد وش بيقول تتوسط انت باقناعه ؟ هههههههههه الله يسعدك احنا بناتكم وانتو ابائنا وتيجاننا وانت والنور وكل اهل المنتدى غاليين الحياه بسيطه. وانت اعلم مني بها وكلامك على راسي والله ،، |
اقتباس:
صح لسانك والله استحيت من نفسي وربي خجلت هكذا هم الكبار دائما يحتوننا مع اخطأنا الله يديم حسك اعذرني والعفو ويقول المثل اللي مايعرفك مايثمنك وانا ماكنت اعرفك وين اودي وجهي منك ؟؟ الله يكرمك مدينه لك باعتذار. وان شاء الله اتعلم القصايد منكم لاني فعلا احب الشعر بس ما افهم فيه مثلكم كل التحايا لك وتشرفت جدا بمعرفتك عن قرب قالو مامحبه الا بعد عداوه وانت معدنك ذهب صافي وينحب طبعك وطيبك يكفي انك هنا بمقام الوالد شكرا استاذي لك |
يا الله الله عليكم صح لسانكم:110: تمنيت اكون فمكان وسن ولكن:eh_s(11)::Dl3: |
لا لا ابدا يا بنتي الغالية وسن ، القضية بالنسبة لي لم تعدو مزاحا ليس الا ورب الكعبة واقصد في ذلك قصيدتي الاخيرة والموجهة لبو ضاوي .. واللي متربية مثلك ما ينخاف منها . نعم التربية تربيتك . والمعدن الطيب كالمسك والعنبر ما تفوح منه الا الراءحة الزكية . وانت ي زكية مزكاة من طبيعة اعتذارك الزاكي يالزاكية . ولا تثريب عليك بعد اليوم . وفقك الله لما يحبه ويرضاه . أما بالنسبة للشايب والله ماني شايب وانما هو لقب ورطني فيه ابو ضاوي كهدية سامحه الله ورضيت بلقبي الشايب رغم انفي يعني مجبرا اخاك لا بطل . فالرجل مقامه كبير في نفسي ولو قال لي : يالخبل رضيت امري لله انا اليوم تحت سلطانه والله المستعان . |
الله يكرمك ويعلي شانك كمان وكمان على قولة المصريين كرمك غطاني ماعليك زود تسلم هذا كله طيب اصلك ومنبتك وبالنسبه لعمرك عساه طويل في خير وبعافيه كبير بقدرك ياطيب الله يخليكم لبعض يارب اكرر شكري واعتذاري واعتقد الان اروح وانا مرتاحه واتشرفت فيك والله وفي الاخ نجم ضاري وتحياتي لكما ؛؛ |
فعلا هو نجم ضاري اعرف انه خطأ مطبعي !! ولكن اصبت ي كبد الحقيقة يا وسن . فنجم ضاوي كالليث الضاري او الذءب الهارف لا يترك لنا في نفسه فرصة نقتنصها ، دوما لنا بالمرصاد والله يحمينا منه في هذه المرة ، شكلنا تورطنا معه شوي ، والمسامح كريم ، وهو رجلا مفضالا دوما ، والله لا يحرمنا من عطفه وحنانه فهو والد الجميع ههههههه الله يطول بعمره ويحتوينا حنا مثل عياله ربي يخليه لنا . |
Taymiyah ، هلا بك وشرفني مرورك ومعزتك من معزة الوسن وحياك الله عذرا تأخرت بالرد والمفروض قبل ردي الاخير على وسن ، ولكنه السهو ، وجل من لا يسهو آسف على ذلك . احترامي لذوقك الراقي . |
الله الله الله الله الله الله صح الله لسانك شاعرنا القدير القارظ.. وصح الله لسانك وسن القلم وسن الكلمة وسن الشموخ... ياسلااااام استمتعت بما قرأت. ... : / | |
الحره اللي . . زين نطق .. لسانها هرج ن يجي منها معسول وفصيح جوهره مكنونه .. بخته اللي صانها بنت الرجال اللي .. تحكي الصحيح اختي وسن . طيبت النفس عنوانها حره نقيه .. وقلبها .. ابيض صريح فيها انشد الاشعار .واوزن قيفانها عنها ادافع . . مثل ليث ن .. جريح يا القارظ اسمع بس ترانيم الحانها خلت العاشق . . على فرشه طريح يا القارظ اضبط النفس وخل جنانها وخلك هنا .. وسط قلبي . مستريح |
صحة ابدانك اخي الوعد القاطع وصح السان الاخت وسن والضاوي وكل من مر بصفحتنا بلا استثناء عافاكم الله . |
الفرصة جتني يا مشكاية .......... عانها ابا ادخل جوفك ابو ضاوي وابا استريح واريح نفسي من الشقاء ........ واجنانها نصيحتك يا سيد القول ......... الفصيح ابشر يا راعي الحكمة .......... يا خزانها افتح القلب وجهزه جيتك ......... ذبيح واليانعصر بعض البشر .......... مصرانها ما ينفعك آسف اخرج انا .......... جريح لازم من صبرك للهوى ........ يا احصانها تحمل من مصايب حبك ......... يالمليح والا بلاش من البشر ............. وارسانها خل البشر تشوي على نار ....... الصفيح واخر كلامي جيتك يا ............ بستانها افتح لي قلب العاشق ودي ..... استريح |
اقتباس:
صح لسـانك اخوي نجم ونعم بك والله لاعدمتك كلامك كثير علي عساك للجنه وهذا انت رديتها لي وعجزتني عن الكلام لكن اقول انتو اخواني واتشرف فيكم والقارظ الله يبارك له اتصافيت معه ربي يخليكم لبعض ويديم لي ظلكم بالمنتدى والعذر والسموحه لو خدش حرفي نقاء جوكم الجمتني وانا اختك فهل شكرا تكفي مع دعوة تحملها مراسيل جوف الظلام الى السماوات؟ تحياتي لكم ؛؛ |
صح لسانكم وعتلآ شآنكم فصاحه وعذب الكلمات انتم آسآتذة وانتم مكسب للمنتدى الأحرف تخجل ان تظره امامكم فلن يجرأ الحرف للخروج بعد أحرفكم نجم والقآرض وسن احببتكم واحببت وجودي بينكم واحببت حمبتكم في الله واخوتكم وشعركم تشرفت في تواجدي بينكم تقبلوا مروري المتواضع وننتظر ابداعاتكم القآدمه بشوق وفالكم التوفيق والنجاح |
حياك الله وبياك أيها الامير ، أمير الشوق ، أسعدني مرورك بمتصفحي ، وأحبك الله الذي أحببتنا به لاهنت على الطلة الجميلة علينا . احترامي |
تعال وخفف ..... بلايه وجودك يا سيدي غاية ...... يالغالي رحنا ضحية صديقك والله ... رمنه بشر القصايد ... هجنه وفي نار القاف اذبحنه .......... وانت تفرج عليه القارظ العنزي راح ازايد ع حروفي ومشاعري تجاه هذي الوحة الشعريه اللي بصراحه استمتعت وانا اقرئها بجد تسلم يمناك يالغالي وفي انتظار جديدك.. تحية اجلال وتقدير لك.. |
الاجلال والتقدير لك يالغالي الفاقد ، دوما مرورك متميز وله طابعه الخاص . لا خلا ولا عدم . |
| الساعة الآن 01:15 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا