((يا جزيل القوافي))
 

يا جزيل ....... القوافي
ياللي بالقاف .... وافي
ما شفت الحرف طافي ........... ولا بي معنوية
ادعمني ...... بالقصيدة
والقوافي ........العنيدة
واكتب باللي ..... تريده ..... واشرح لي بالقافية
يمكن تفهم ..... بالحالة
وكل ن يفهم ... برجاله
ان فهمت ....... الرسالة .......... بينها تكفى ليه
عجل وابحر . بحروفك
رغم ظروفي وظروفك
بالقاف ودي ... نشوفك ..... نفهم ويش القضية
دنيانا ما هي ...... زينة
تغيرت من ........ حينه
والشاعر يشكي ... دينه . والجيب ما به خرجية
يمكن تقضي .... لزومي
وتخفف من .... همومي
عسى عزك ...... يدومي ..... ويجزاك رب البرية
والشاعر وده .... شاعر
يدرك كل ...... المشاعر
دايم بربعه ....... شاعر ...... جاهز وقت الجدية
جاك الخطاب . وعجل
عجل ولا ........ تؤجل
سجل وصوله .. سجل ....... وعطني بهذا مارية

القارظ العنزي

الله عليك شاعرنا شاعر المنتدى
مبدع دايمن

صح لسانك وعتلى شانك

تحياتي

هلا بك ابو ماضي الابداع هو مرورك الكريم ووضع بصمتك المميزة بمتصفحي المتواضع ، اما اني شاعر المنتدى فأنا اشكرك على هذا التقييم . ولكن اخشى من ابو ضاوي ان لا يمشيها لي ، فلا بد من موافقته والا رحنا "ملح" ههههههه

يا جزيل .. القوافي
نيتك والقلب صافي
ما عنك شي خافي ..... تمون دايم عليه

قافك . جاني وفهمته
حفظته بقلبي وصنته
وقمت بالحال اسجل ..... واهديك قاف رديه

يشهد الله مانسيتك
لو قلت يانجم جيتك
واتعنى . لحد بيتك ..... معزتك . عندي قويه

ريح بالك واستريح
مايصح الا الصحيح
انا ترى مثلك جريح ..... عطني رفع معنويه

انت تدري كم اعزك
لو وقعت يوم اشدك
لو اخطيت يوم اردك ..... الخوي يسند خويه

يا قارظ قافك لفاني
وادري . انك تعاني
محروم حب وحناني ..... والسبب ذيك البنيه

السبب ذيك ...... البنية
اللي رمتني ...... خطية
ما ترحم حالي ... شوية . يا نجم والله اشقتني
يا نجم رماني ...... نجم
في حبه رجمني ... رجم
وحجمني في دمي حجم ..... يا ليتها ما جتني
تمشي وتضحك .... عليه
ولا همها وش ........ فيه
الحب والله ........ قضية .... والمصيبة دهتني
الحقني قبل ....... افلس
من زهرة ذاك .. النرجس
كله حلا يا ...... مهندس ... الحق والا اذبحتني

ابو ضاوي اكيد انه معي في هذه التسميه

وانت تستاهل

ماقد شفت شخص يبدع مثل ماتبدع

ماشاء الله تبارك الله عليك

تحياتي