|
## .. البارحه يالقارظ .. ## السلام عليكم البارحه يالقارظ البارحه يالقارظ البال مشـغول بين الهواجس ساهر الليل كلّه من شوفة اللي شفتها تلبس اللّول في معرض الكتّـاب شايل مجلّه طرقا طويله هزّت القلب بالزول وإليا مشت في مشيها بان دلّه تمشـي بخفّـه كنّـها تسمع طبول وزن الخطـاوي كنـّها فـوق ملّه من عطـرها حسيت في حالة ذْهول مخـلوط عطره من رياحين فُـلّه رحـت وتركـته بالفضاء طير مجهول طير السـعد يا خوك والزين كلّه وامسيت يالقارظ على الحال ياحول في مجلسـي بين الفناجيل في عله بعض المشاهد كنها سيف مسلول تطعن بقلبك بالنـظـر ثم تسـله فكر الحرف مع تقديري لشاعرنا القارظ العنزي ولا يهون باقي الأخوه من الأعضاء وسلامتكم |
يا فكر لا . هالكلام لا تقول ياصاحبي الحب .. اخره ذله معقول هذا وصفها معقول ما اصدق . هذا الوصف لله كلامك . . وانت عنه مسؤل تراك حطيت في القلب عله شوقتني لشوف فارع الطول ماشفت هالوصف الا في المجله يا القارظ نجم . غدى مسلول فكر الحرف تل قلبي من محله راحت وقلبك في السوق منطول خذت معاها . غلاك والعمر كله ام العيون السود والشعر مجدول وريحة العطر . . منها ما تمله عذرك لنا يا فكر .. غير مقبول معوض خير والشكوه على الله صح لسانك اخي .. فكر الحرف .. مليون وسلم نبض قلمك ... رائع ما نثرته هنا ووصف كان اكثر من رائع ... كفيت ووفيت لله درك ... لا خلا ولا عدم ... |
يا الفكر لا تتعلق بأمل مقتول تظلم سنينك و تصيبك بالقلب عله تسري ركابك بدرب مظلم و مجهول تكره تروح لمعرض الكتاب والله مو كل درب بتسلكه تاليته وصول ومو كل سيف راح تقدر تسله عمر المحبة ما تجي على القول يا صاحبٍ أبد ما تجي منه زله |
الى الاخ فكر حرف مع التحية وارجو المعذرة من التقصير فأنا توني واصل من السفر وفكري مشوش شوية . ياللي رماك من الغنادير ...مجمول غادر وقلبك بين يدينه ....... يشله عزي لقلبك كانه اليوم ..... منطول من شوفتك بنت تشيل ..... المجلة وشلون لو حيتك وحنت على طول ثم ارفعت لك من جديل ....... تفله يمكن تجينا اخبارك طايح ومشلول وكل يدعي لك بالسلامة من ... الله ما لك ومال البيض يا نافل .. القول دامك رهيف ودمعتك ...... مستهلة الياصار ما تاخذ من البيض واتنول ما بين حبة وشمة ارياح ........ فله خلك على مركاك ودلة ..... ومعمول تسلم ويسلم قلبك من كل ...... علة كم وحدة مرت وفيها الحلا ... هول لولا الحيا صافحتها ........... واهلله يا كم سبن من بيننا قلوب .. وعقول وكم عاقل بين البرايا ......... احبلله وكم واحد عقب الغلا صار .. مغيول مثلك رمنه بالرموش .......... المظلة واصبح يهاتي بالبشر تقل .... مهبول عاف الحياة وعيشته عقب ..... خله |
اقتباس:
يا هلا أخوي نجم ضاوي وصح إلسانك على أبياتك الأكثر من رائعه لا هنت . نجم(ن) سراني يا نجم ما به حْلول خلّى خيالي والفكر فســحتـلّـه لكن عيون الخلق يا صاحبي حول كلّن يناظـر والنـظـر فـرجــتـلّه سبحان من صوّر جماله على طول يمشـي وكـنّـه .. هالفضاء مستحـلّه وانا اشهد انّه ما عطى ريق معسول للّـي يحـاول يـقتـرب من محـلّه بنـت(ن) رزيـنه عاقـله ما هـرج قول حافـظ حـدوده ما وجـد فيـه خـلّه تقديري إستاذي نجم دمت بود كن بالقرب دوما فكر الحرف |
أخوي أنا فداهم وأخوي القارظ العنزي يا هلا بكم إن برد لكم حتى أجهز ما يليق بكم وبردودكم أيه الأكارم والليله كان ردي على أخوي نجم ضاوي اللي بصراحه يستحق أكثر مما وضعت بالرد ولكن أدري بيعذرني على قصوري . وفقكم الله وصحت أبدانكم وألسنتكم الجميع ولي عودة مع ردودي بإذن الله أخوكم فكر الحرف |
| الساعة الآن 03:55 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا