لا يا رجل ما تنلام رايتك بيضا ...
تحصل كثير احيان الواحد يشطح يخرج خارج التغطيه ...
او المخ يتشفر لفتره بسيطه من امور كثيره ...
اما قلت نوم .. او كثرت سهر .. او زود تفكير .. او لاي ظرف كان ...
فلا تحمل هم كلنا نشطح يا الغالي ان انا اخطأت فانت والقارظ تعدلوني ...
وانت اخطأ القارظ انا وانت نعدله وان انت اخطأت انا والقارظ نعدلك ...
فكلنا مكملين بعض ...

إييييه والله أمس كنت أدور بدوامة تفكير بس الله يهونها و فترة و تعدي إن شاء الله
وإذا هي على التعديل فأنتم أساتذتي و سباقين بالشعر وأنا أتعلم منكم ما أعلمكم ...
عسى الله يجمع قلوبنا ولا يفرقنا يالحبيب
:MonTaseR_2::MonTaseR_82:

ان كان تخطي يا فداهم وضاوي
انا اعدلكم بالخطا ...... والخطية
كل البلاوي عندكم .... والخطاوي
انتم خذيتوا الجو وحنا الضحية
وغديت انا من بينكم .. بالدعاوي
ولا من صديق يطلب الحق .. ليه
وجمهوري راح وصار عني نحاوي
وقعدت انا من بينكم ... يا خطية

يا القارظ ماهو مكان هنا لدعاوي
تقدر تروح .. للمحكمه . الشرعيه

كانك تشوف .. ان حالك . هواوي
تقدر ترفع .. على اخوانك . قضيه

لا تترجا لا . .ولا تفيد . . الرجاوي
الجمهور يا اخوك .. من الله عطيه

يقول .. لك .. اخوك .. نجم ضاوي
خله لشمس .. واقلط انت .. للفيه

لو لاك . . طيب النيه . . وصفاوي
كان .. قولت .. القارظ .. ابو جنيه

جهز لي نفسك مع أوراقك . للدعاوي
والقاك عند المحكمة ... ننهي القضية
مسوي فيها يالغلا الطير ..... النداوي
وانك عليم بسرهن ........... يهالبلية
والله ما عندك غير القاف شي غناوي
ولو شفتها راحت علومك. .... بالكلية
العلم عندي وكل الهرجة يا بو ضاوي
وعندي العلوم اللي تجيب راس البنية
الحب ما هو بالغزل ولا ....... الهقاوي
الحب نظرة تلتهب مثل ......... المنية
النظرة اللي تذبحك عند ...... اللقاوي
أما تهج والا تجيب .......... الغشمرية
الترف ما يبي له من رجل ..... يراوي
يبي عزوم ينطلق مثل ........ الشظية
يرميها بجرح ما نفع فيه ..... المداوي
أما تموت والا تجي تقبل ......... عليه
خل السوالف والمحبة ....... بالرجاوي
المعركة نجاحها يلزم ............ ضحية