"للصباحات القديمة " جيت كلِي
جيت افتش عن صباحٍ لي مهيّل

ان كان حبك حلم فسرهولي
وان كان حبك وهم نسيهولي

ان كان هو حلامه
نسهر الليل ومانروم منامه
ولا نعيش عمري معاك في دوامه
واللي بقى م العمر خليهولي

ان كان غير اوهام
خلي كلامك طول من قدام
امعاك بالك ماكتبلي اقسام
مع غيرك ربي القسم كاتبهولي

لو ياغلا اتغلا
راني بصراحه امعاك مانسلى
اغيابك عليا الحق سبب عله
ولو كان عندك عذر وريهولي

ان كان حبك حلم فسرهولي

.


أحلى الكلام اللي تقوله ورى الناس
‏الله يووووفقهم " ويستر عليهم " ...

مانحساب تفوت غلانا
كنت معانا
كيف البلسم فيه شفانا

مانحسابه طبعك جافي
يلي كنت اسباب اريافي
ليش اليوم ادير مشافي
تغرس فيهن في جوانا
كاين ديما عز اولافي
ونا بيكم عيني مطمانه

كنك تجرح فيه الخافي
وتقطع عرقه وشريانه
ليش اتكسر في مجدافي
وتهدم في ساسه وبنيانه

قبل اتقول معاكم وافي
وليكم قدر معا ميزانه
وجابك شعري معاه قوافي
وافهم قولي وخوذ مكانه
بإذن الله ايجيني الشافي
من المولى ربي سبحانه