نسيان جرحك صار بالقلب واجب
كل ميت اكرامه من الشرع دفنه
بدفن غلاك وبرضي وجدان شاجب
منهو بغلاتك عاش مبتل جفنه
كم قلت ما تعلى على العين حاجب
من عافنا تقصير يا شين عفنا

لو جلسنا هناك عادي، وعادي لو نجلس هنا
قلت لك أحلى الأماكن، أي مكان يضمنا
الأماكن ذكريات، مثل عطر وأغنيات
مو مهم تكون حلوه، قدّ ماتعني لنا

تعال سولف لي انا ماجيت لك حتى تنام
بي فلسفة عشق وبعد في داخلي تبرير طيش
طَنشْت لأجلك نشوة الغيم وتفاصيل الحمام
نثرت لك نص السما حنطه ونص الأرض ريش
سولف أحس الصدر منظومة مُدن وأنت الزحام
قم طِشني بأقصى سواليفك وظللني عريش