من همني غيرك ومن يعنيني
ومن انقوله غالي وديما غالي

ومن انقوله زعلان ويرضيني
ويخاف الزعل نزعل ايشطه حالي

يا من ملا عيني مكانك عيني
وايش انودلك غير الدلال دلالي

وايش انقولك وين الحروف اتجيني
في فجوى قصيدة من وساعة بالي

حبيبي ومن غيرك زها لسنيني
وروحي وعمري والغلا تبقالي

ومن ايهمني غيرك ومن ساقيني
كاس مالمودة عالعطش تمالي

ومن ايهمني غيرك ومن شاريني
في سوق الغلا وين ما ضبح دلالي

ومن ايهمني غيرك ايجيه حنيني
ونشتاقله منهو مكانك مالي

.


إن تواضع مالقى إلا كرامه واهتمام
‏وإن تكبر عزة النفس تحذف به ورى .

.

ليش يابحر موجك عليا عالي
انا مركبي قاصد مراسي الغالي

يابحر هديها
امواجك علي لاتعليها
خلي الرحله ساهله نبيها
نوصل حبيبي وبيه يزها حالي

مشتاق له وناسي
شوق المراكب تايها المراسي
امسافر مع موج الحنين نقاسي
معاي طيفهم ديما رفيق خيالي

طول الليل مانعرف النوم
حتى ان كنت على مطرح ارقادي

نسهر لين ما اتغيب النجوم
ولين الطير على طيره اينادي

اتغف العين لحظتها اتروم
بنوم خفيف مش نوم اعتيادي

ايجيني طيف من عيني ايحوم
يسبق في وين ناخذ اوسادي
ايجيب اخبار ما ليها لزوم
ولاهي هي م الخبر المقادي

وفيه اوقات نسرح في هموم
اهموم الوقت من غيبة ودادي

،،


‏أَأَنَا… أَمِ الأَشْيَاءُ حَوْلِي تَكْبَرُ؟!
‏مُتَـغَيِّـرٌ… يَشْكُـو لَهُ… مُـتَغَيِّـرُ!

‏أَيَّامِيَ العَجْلَىٰ تُسَابِقُ بَعْضَهَا
‏نَحْوَ الرَّدَىٰ… وَأَنَا بِهَا لَا أَشْعُرُ!

‏عَامٌ عَلَىٰ أَنْقَاضِ عَامٍ… هَـٰكَذَا
‏عُمْرِيْ عَلَىٰ حَدِّ التَّلَاشِي يَعْبُرُ!



،،