04-02-17, 01:05 AM
| #1 | ||||||||
 
| 
يا دلعها ويـش أسوي لا ذكرتك وانتشيـت : : يا دلعها ويـش أسوي لا ذكرتك وانتشيـت ** ويش اسوي يا دلعها دام لي شـوقٍ جهـور ياخجلها والله اني لاقـرب عروقي حكيـت ** وقلت هذي روح روحي بنت حوى وحسن حور يا ترفها لو توزّع فـي المدايـن بيـت بيـت ** كـل بنـتٍ فالمدينـه صابها تيه وغـرور يا تواضعها لـك الله فـك كـم مـره غديـت ** ما رجعت الا وانا في داخلـي سبـع البحـور ياسوالفها متى ما طـار بـي شوقـي وجيـت ** شفت نفسي مالـكٍ كـل المباني والقصـور يا براءتهـا بـراءة طفـل فيهـا كـم رأيـت ** نفحةٍ فيهـا صـدوق الـود وانفـاس الزهـور يـا اناقتها ملابسهـا تـمام الايتكـيـت ** وبسمةٍ منها علـى همسـه ونفحات العطـور يـا شعرهاالليـل لامني تهقويـت وسريـت ** ضعت في كل البلاد وضعت في كل العصـور ياغلاهـا والله انـي فيـك مابعـت وشريـت ** تسري بروحي وانا في جلستي بين الحضـور يـا حياتـي اقبلينـي عاشـقٍ مغـرم هويـت ** سامحيني واعذريني كان جـا منـي قصـور والله اني في غرامك بيـن حـي وبيـن ميـت ** في فراقك موت وان جيتي ملى قلبي السـرور ايه احبك ايه احبك قلتهـا لـك مـا استحيـت ** خلي الدنيـا تـدور وخلـي افراحـك تـدور يابعد كل البنات البيـض لـو منّـك شكيـت ** اشتكي بعدك وانا قلبـي ابـد ماهـو صبـور اجمعيني من بعض حزني وانـا ياما بكيـت ** واطرحيني في بحـر حبـك وخلينـي شهـور سافري بي ف الف مينا واقتليني لـو رويـت ** كيف ابروى من حنانك كيف ابلقى لي عبـور ودي اوصل شاطي احلامي واغني بك ياليـت ** اشعل شموع المحبه واهـدي لحسنـك بخـور داخلي نار المحبه لو طفـت بـك مـا طفيـت ** داخلي بركان حب يثور مـن وجـدي واثـور طالعي فيني وتلقيني علـى الحلـم ارتميـت ** وشوفي احساسي كتبته وانتثر بيـن السطـور سولفي لي سولفي وان كـان شفتيني غفيـت ** قولي اسمي لجل انادي سم يـا بـدر البـدور : : زايد الرويس : : | ||||||||
| |
|
04-02-17, 12:05 PM
| #2 | |||||||||||
 
| يا ترفها لو توزّع فـي المدايـن بيـت بيـت ** كـل بنـتٍ فالمدينـه صابها تيه وغـرور . . ذوق وروعة سلمت الانامل ع الطرح المميز تقبل مروري | |||||||||||
| |
