|
هل أنا مخطئه صارت بيني وبين زوجي مشكله وراح أكتبها بالتفصيل مر على زواجنا سنتين عمري 24 سنه ربة منزل وزوجي عمره 27 سنه موظف في بنك من هواياتي الطبخ وكنت أتفنن قبل ما أتزوج في بيت أهلي من السلطات للحلو ولما لاحظ زوجي مهاراتي في الطبخ عزم أصدقائه في الدوام وأنبسط من شغلي وأنا أجتهدت عشانه هو وأنا لاحظت لما يجي الدور عليهم ما يعزمون في بيوتهم يعزمون في مطاعم وألي صار اليوم طلب مني أطبخ وأتفنن أكثر من المره الأولى لأنه يبي يعزمهم مره ثانيه بمناسبة ترقية واحد منهم وقتها رفضت لأن لاحظت أن زوجاتهم ما يطبخون مثلي ومريحين حريمهم فقال لي خلاص سوي القهوه والشاهي والسلطات والحلا والباقي نجيب من برا رفضت وقلت له أعزمهم هذي المره في مطعم وقتها تضايق وقال أكثر ما كثر ربي المطاعم صراحه ما يهون علي زعله ومو مرتاحه أبداً لأَنِّي ضايقته لكن أنا زوجته مو طباخه له |
الان بسألك انتي تعاندينه ، او انجرحتي يعني لانك اعتبرتي ان زوجك يتعبك في الطبخ و اصدقاءه مريحين حريمهم ؟! ايش يضرك لو بيضتي الوجه و اسعدتي زوجك ؟ طيب تجاوزنا الطبخ جينا للشاهي و القهوة هههه ما اعتقد يتعبون! ليه رفضتي يستقبل اصدقاءه في بيته؟! عنده مجلس يستقبلهم ليه الخساير و المطاعم ؟! انا ما اشوف مشكلة أنا أشوف عناد و بس تتحججين على ايش يعني ؟! اكرمي زوجك و اصدقاءه طالما داسوا بيتكم فضل اكرام الضيف عظيم و انتي سوي هالشي لوجه الله انتي زوجة و ربة بيت سنعة و ان شاء الله ربي بيرضى عليك اذا كنتي متسامحه مع زوجك و ارضيتيه لا تتعبين نفسك و تزعجينها لسبب تافه أنا اشوفه كذا يعطيك العافية و عساك عالقوة |
زوجك ماقصر اللي قال سويه اعتقد شي خفيف ماراح يتعبك بعدين انتي وش عليك من زوجاات اصدقائه لا تقارنين نفسك بغيرك اهم شي تعامله معك وانه يكون مو مقصر معك ومرتااحه معاه سوي كل شي لعيونه |
عزيزتي الخطأ خطأك انتي للاسف يعني بالعربي لو زوجاتهم يعرفن يطبخن وسنعات تسان ازواجهم تباهو بسنعهن وطبخهن لكن يتضح انهن رفل وانتي سنعه شقرديه وزوجك يفتخر فيك لطبختي وتفننتي مو معناته طباخه او خدامه لا سمح الله ومن حقه يتباها ويفتخر وانتي لزوم تبيضين الوجه اعتذري منه واخبريه انك مستعده لطبخ المره القادمه |
.. / ~ ، لآ تربطي حيآتك بمآ يفعلهُ غيرك فأنتِ أولآ وأخيرآ أصيله ومعدك أكبر من هذه الأشيآء صَدقيني الرجل إذآ شآف أن بيت صديقه أكل منزلي قد يخلقُ لـِ زوجته الغيره لـِمآ صآدفهُ من كرم العطآء فلآ تجعلي من الحبه قُبه على قُولهم وأتفقُ مع الأخت مرجآنه لله درهآ ردهآ بلغ الكرم وقآرآ .. / الله يسعدك |
،، حبيبتي الطبخ نفس وشكلو انتي عندك هالنفس مو كل من طبخ ضبط الأكل بس انتي شكلك شيفه ماهرة ولهيك زوجك يحب الأكل من يدك حريم أصدقائه لو كانن يعرفن الطبخ ما راح يشترو من بره بالعكس الطبخ المنزلي ما في منو حتى تسوي السويت والأكل الثقيل من بره لما يكون دورك>>هذا اذا كنتي مشغوله أو مالك نفس عادا ذالك فأنا اشوف إن أصدقائه يتمدحون في طبخك لهيك يريد زوجك إنتي اللي تطبخي بالعكس لو طبختي عدل رح يزيد تقدير زوجك لك ويفتخر فيك دامت أيامك عامرة بالموائد المشهية خاطري أزورك لحتى أذوق هالأكل اللي مدوخ الرجاله ^^ وشكرا.. |
الفاضله / مشكلتي اكرام الضيف واجب علينا والحمد لله هو سمه من سماتنا الافضل تكون من طيب نفس ومن ماتجود به نفسك والا فلا فاكرمي زوجك ان كنتي تستطيعين وراغبه في اكرام ضيفه فهذا يعود لك ولوقتك ومزاجيتك ونفسك فاختاري اليوم الذي تريدينه اما بخصوص اقتباس:
يابنتي صلي ع النبي وقوليه ابشر بعزك لك اللي تبيه العشاء عليه والاواني عليك وارحب انت وقبيله كامله كالك الا اللي يرضيك :0005: اما بخصوص حريم اصحابه هما وحده من الثنتين يامايعرفو يطبخو يا موفاضيين يطبخون لاحد وعندهم اشغال اهم من ذلك كل وحده وققتها وظرفها البه اعلم بهم اما انتي عليك بنفسك وماترينه مناسب بغيتي يستقبلهم اكرميهم مابغيتي ارفضي حبيتي يساعدك اطلبي منه عن نفسي ماعندي مشكله اعشي قبيله بس اني اغسل الاواني هذه كبيره الطبخ مو متعب اللي بعد الطبخ يتعب بالتوفيق تقبلي ردي وعبق وردي مع خالص احترامي لسموك آسيرة حرف |
|| ｡｡❥ انا مع الإخوآإن باللي قآلوه .. هو مش ضدك هو حس فيكِ .. وقالك اعملي الشآي والقهوة والسلطآت وهو يجيب من برآ .. فـ وين التعب .. ! هو شآيف حآلو فيكِ وفخـور انك طبآخـة مآهـرة .. هالشي مآيزعل .. هو رجـل عآرف يمسك بيته وزوجته مسعدته .. على عكس اصدقآئه اللي مآيقدروآ ع حريمهم وكلو برآ ! المفروض تشوفي حآلك بهالشي .. بعديــن اوعك تقآرني نفسك بحريم ثآنيين .. هالمقآرنـة تخرب بيوت .. اهتمي بزوجك وبيتك ولبي طلبآته ومآلك علآقـة ببآقي الحريـم .. المهم انتي وزوجك متهنيين .. ! برآي تعتذري وتعملي له اللي بدو اياه وتبيضي وجهه .. الاهم رضآ الزوج عزيزتي .. موفقـة .. ع‘ـــوآإفــي‘ :MonTaseR_205: ヅ |
في بيت أهلك تفننين وعند زوجك ماتبين تطبخين ! الله بس يهديس |
/ لا تعوديه وخليه ينطق هو واصحابه ما تزوجنا عشان نُبيض وجه أصحابهم اهاليهم ايه أحطهم على راسي غيرهم اعطيه على خشته وماتوا اللي يطبخون صراحه .. ما ابــي اخرب عليك حياتك لكن مسخره وفِي النهايه مالنا احترام جد يروح للمطاعم ما جيت من بيت ابوي اكرف لـ اصحابه جد |
السلام عليكم أختي أنا أعتقد أن الخطأ مشترك. هو لازم يخبرك قبل بيومين على الأقل . و ما يأخذها عادة و يخلي جو البيت كأنه مطعم . في المقابل انتي مطالبة بتبييض وجه زوجك قدام ضيوفه و على فكرة انتي بهالتصرف يمكن تخليهم يقولون لأزواجهم لعاد تروحوا عند فلان . الغيرة قتالة. من حقك إذا كان ماديا مرتاح أنه يوفر لك اللي تساعدك لكن بارك الله في الزوج اللي ما يأكل إلا أكل زوجته . هاذي فرصتك لإحتلال القلب وتموني عليه وإنتي تبقطيها وهي طائره. الله يحفظك |
/ ليش يا اخوي سهم سبيتني ..؟! يا اخي وين وحده تطبخ ذا الزمن !! اشبكم انتم لا تسون فيهاااا اوفر وانكم تفهمون بلاش كذب وأوهام بلا ابيض وجه بلا ابيض قافه المراه الي تعود زوجها على شي خلاص يمسك وبالتالي لو قصرت راح يقولهااااااااا بيت ابوك يالله ذكرت اهله بكل النواحيعلى راسي من فوق أكرم فيهم وأعطيهم وابيض وجه لكن اصحابه !! سلامات !!!!!!! وش بقي بعد !! :shocking: |
اقتباس:
إذا كانت المرأة تظن أن عنادها سيجعل زوجها يرضخ لكسلها وتقصيرها فلتعد نفسها لتسريح بإحسان إذا كان الإمساك بالمعروف لا يسع بالها. و لعلي رأيت نفسي محقا وإذا بي ابتعدت كل البعد عن الصواب . |
وعليكم السلام حبيبتي انا ماشوف ان هو غلط ولا انتي غلطتي بس مفروض تنبسطين لانه ف في نظرة يقول زوجتي عندي وتفنن واكيد يبي يفتخر فيك لاتناظرين في بيوت الناس يمكن هم ماعندهم البراعة الي عندك والله يوفقك معه |
ضحكتني كلامك الاخير اجل اذا انتي مو طباخه له مين يطبخ له موتي ضحك والله يمكن يحب طبخك يتفاخر بطبخك ياحلوه يمكن حريم اللي تقولين عنهم ما عنده فن في اطبخ الحين اغلب بنات مايعرفون يطبخون اذا طبخو كم طبق خلاص ترا مدح جيك انت جالسه هههههه بختصار كلام عادي لو يوم عزم خويا برا بنظرتي انا منتي غلطانه |
عليكم السلام بعيدا عن المثاليه والردود المبالغ بها من لا يعيش موقفك لن يشعر بمعاناتك !!! قولي لزوجك يحضر لك خادمه تغسل الاطباق والاواني وبقايا اكل اصحابه وتنظيف مجلسهم و تعد لهم حلويات وخرابيط وقهوه وانتي اشرفي عليها فقط ^_^ اما انتي تفعلين كل شيئ لاصحابه !! اسمحي لي هذا استغلال وليس انصاف تبيض الوجه يكون مره مرتين ثلاث وليس كل مره على كيفه تحيتي لك |
| الساعة الآن 05:47 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا