04-10-17, 03:42 AM
| #1 | ||||||||||||
   
| 
بربره... =¶
السلام عليكم ورحمه الله قررت افتح لي مدونه ... طبعاً هذي اول مدونه لي في حياتي  من زماان وانا نفسي افتح لي مدونه بس اخاف اني اندم يعني اخاف ارجع بعد فتره طويله من الزمن واقرا تدويناتي /يامعشوقي يالي ع قلبي الولهان ذايبن فيك ابلاتي عشقك الاسود بحزن النوايا/  ومن هالكلام واطيح من عين نفسيههههههه مرا لا هذا مو جوي ابدا انا اكره الولهانين والمتيمين والخرابيط هذي انا فتاه صاررمه  ومتجمده مشاعرياً احس اصحاب هالحركات يطيحون من عيني  هنا ماراح تلقون الا كل شي يخليكم تضحكون احنا ناس مانبحبش النكد واللهي  | ||||||||||||
 |
|
04-10-17, 03:50 AM
| #2 | ||||||||||||
|
ارفعي مرسآه السفينه وأفتحي أشرعتهآ ، لـِ نرى بحركَّ .. ابشر حبيب البي حسام انتو تابعو بصمت وانا والقبطان بنلف فيكم المحيطات كلها انتههاءا بمثلث برمودا لان ماضنتي نقدر تنحرك من هناك بعد  | ||||||||||||
| |
|
04-10-17, 04:51 AM
| #3 | ||||||||||||
|
طبعا كبدايه لكل مدونه لازم تحط بطاقه تعريفيه عن نفسك  هذا الي نشوفه بكل المدونات  يلا ↓ انا فتاتاً عشرينيه اصلي من الجنوب اقطن في منطقه تبوك اقصى شمال المملكه جامعيه (عاطله)يعني بالعامي مبلله شهادتي بمويه وبالعتها  المهم انا الوساطانييه بين خواني  (وخير الامور الوسط)زي منتو خابرين انا جداً اجتماعيه مستحيل اخلي بني ادم مااكون عابره في حياته او مكونه صداقه معه احب اجمع اصدقاء .. سواء في عالمي الحقيقي او الافتراضي احب الهذره الواجده طبعاً انا جدا كتومه واذا ضايقني شي اقعد اضحك !لاتقولون لي كيف والله مادري بس الواضح اني وحده مجنونه طبعاً انا مااحب اعادي احد اكثر صفه اكرها هي التصنع وايضا التكبر ورفعه الخشم ووضعيه الطاووس مانحبهاش خالص احب الناس الفلاويه البسيطه الي ماتتفلسف واحب الناس الي تعطيك كل شي ع بلاطه هالنوعيات حبيبيني والله .…  ↓ اكره اجواء الرسميه والمجاملات اكره المنافق الي يجاملك لدرجه شوي ويعطيك قبله العاشقين ومن وراك مو ناقص الا يعطيك تفله بنص ضهرك  !!ايش هازا الحشي والله مازين  واكثر لونين احبهم هم الازرق والابيض  اتوقع تعرفون ليش انا احبه  وبس هذا كل شي عني  | ||||||||||||
|
التعديل الأخير تم بواسطة أنوآر ; 04-10-17 الساعة 05:19 AM |
|
04-10-17, 05:42 AM
| #4 | ||||||||||||
|
اصبحنا واصبح الملك لله  . الناس تنام بالليل وتصحى الصباح وتعيش يومها بشكل طبيعي حتى الحيوانات والحشرات صارت احسن مني ومنظمه وقتها وانا سهرانه  وقتي متشقلب بطريقه فضيعه ياليتهم يخترعون قنابل ذريه توقف الزمن وتخلينا نعرف ننظم وقتنا زي الخلق والناس  | ||||||||||||
| |
|
04-11-17, 04:13 AM
| #5 | ||||||||||||
|
صبح صبح ياعمي الحاج  صباحكم تفائل وراحة بال وطمأنينه وسعاده وانشراح وكل الحاجات الحلوه يارب   | ||||||||||||
| |
|
04-11-17, 04:33 AM
| #6 | ||||||||||||
|
استغرب ليش مايخصصون اليوم العالمي للخاله الحنونه الطيبه المربيه والمكافحه صانعه اجيال المستقبل دائما البنت العزابيه الي في سن زواج تكون البيبي ستر للعائله الكريمه يعني بتعذرون بانهم يحاولون يعطونها دروس مكثقه قبل الزواج  طبعا زي مانتو عارفين انو ام الابن خالتو وليس امه التي خرج من احشائها يعني ان شالله اولادي راح تربيهم اختي الصغيره زي ماربيت اولاد اخواتي الكبار وهكذا تدور الحياه بس المشكله مو هنا المشكله اذا ماكان عندي اخت اصغر مني هنا يكون الظلم بام عينه الي بعدي كلهم اولادياعيني حضنا تعبان والله المهم اضطريت ادير بالي ع 7فئران صغيره  كانت اصعب مهمه ممكن اقوم فيها كانت لعبه اشبه بلعبة الحصن حفاضه رايحه وحفاضه جايه ونط مع هذا واركض ورا هذا وتعال تحت هذا وشد شعر هذا وانصف هذا من هذا وفرق هذا وهذا لانهم يتضاربون مع هذا الي ضرب هذا  وفوق هذا كله كل واحد منهم عنده رضاعه شكل يعني الي بالعسل والي بالكاكاو والي بالقرفه والي يحب فيها السكر زياده والامهات مجتمعات عند حصيصه ويحشون في فديغه الي لبست فستان اخضر ترتر في عرس منيره بنت عمهم نسال الله الاجر بس | ||||||||||||
| |
