منتديات مسك الغلا

منتديات مسك الغلا (/vb/)
-   همس القوافي - شعر - قصائد •• (https://www.al2la.com/vb/f5.html)
-   -   يا كثر ما رافقت خلان واحباب (https://www.al2la.com/vb/t83987.html)

إمبراطورة البحر 04-14-17 04:46 PM

يا كثر ما رافقت خلان واحباب
 
بسم الله الرحمن الرحيم


:رحيق::نبض:


يا كثر ما رافقت خلان واحباب
ويا كثر ما في شدتي هملوني
على كثر ما أعدهم ستر وحجاب
على كثر ما احتجتهم واتركوني
من صارت الخوه ثمن حفنة تراب
نفس الوجيه اللي نصوني... نسوني
من غير ذكر فروق، وعروق، وأنساب
كانوا ثلاثة ...والثلاثة جفوني
علمتهم وشلون الأهداف تنصاب
ولما سواعدهم قوت... صوبوني
عشاني أصغرهم عمر صاروا أحزاب
عشاني اصدقهم قصيد اظلموني
اللي نجاح اسمي زرع فيهم أنياب
حتى النصيحة ما بغوا ينصحوني
دام العطايا عندهم دين وأتعاب
والله لو أطلب ذنبهم ما عطوني
طالب نصيحة، كني طالب أرقاب
وهي نصيحة؟!كيف لو زوجوني؟
كنت أكتب لنفسي مشاريه وعتاب
ولا ادري إن اللي قروني... قروني
تضاربت من دوني عقول وألباب
واجد بغوا غيري... وواجد بغوني
أقفل هدب... تسهر على شعري أهداب
كني حبست إرقادهم في جفوني
لو شفتهم واحد... يشوفوني اسراب
من وين مالدوا نظرهم لقوني
أثري وجودي بينهم محرق أعصاب
ومزعل بعضهم من بعض لو طروني
يا كبري بعيني وأنا توني شاب
واهم كتاب الشعر حاربوني
حتى ولو يهوي على نجمي شهاب
يكفيني إن إسمي كبير بعيوني
كد قال ابوي: ان هبتهم قول: ما هاب
لو يقدرونك قول: ما تقدروني
مادام قبري محتضن راس مرقاب
على كثر ما تقدرون ادفنوني
لو ماني بذيب إنهشت عظمي ذياب
لو ما عرفت اثبت وجودي لغوني
لو ما سكنت وجيههم مت بغياب
لو ما قدرت أمحي ورقهم محوني
أصبحت الأصعب لأنهم كانوا اصعاب
جننتهم مثل ما جننوني
ماجيت أبدبل كبدهم شعر وخطاب
لين أدبلوا كبد الذي خلفوني
يا ويل وجهي كن للدمع مخلاب
ما جف ماه ولا استحى من طعوني
كل ما طرالي منظرمريب وأرتاب
كان الوحيد اللي يحرك شجوني
قبلة صلاة،وذكر، وخشوع، وكتاب
وأمي على سجادة النور دوني
تدعي لي الله يفتح بوجهي أبواب
تتوسله بالشده يكون عوني
من كثر ما خفاقها بالدعاء ذاب
صارت تحس إن زملاي اكرهوني
بشرتها: يمه معي ربع وأصحاب
ماني لحالي واجد اللي يبوني
من يوم ما حاز قلمي كل الالقاب
قلطتهم في دفتري واحفظوني
الله وهبنيهم بني عم وأجناب
من يوم جيت اعجبتهم واعجبوني
واعجابهم فيني ما هو بأيه اعجاب
باسلوبي، بشرحي، بطرحي، بلوني
لوقلت عن نفسي( بشر)..صرت كذاب
لو قلت : ( دمي من ذهب) صدقوني
لو بكيفهم كان ازرعوا دربي أعشاب
لوبيدهم يتشبهون اشبهوني
من كثر ما صاروا من طبوعي اقراب
حتى بلبسة شمغهم قلدوني
واجد دعوني واغلقوا دوني الباب
واكثار ناس أبكي لهم ما بكوني
لوطالوا لهدمي مناسيب وأطناب
كان وغلاتك من زمان اهدموني
مدام حطوا فيني عيوب وسباب
جنبت عنهم مثل ماجنبوني
أصلا لو أن بخوتي شي ينعاب
ذبحت نفسي قبل لايذبحوني
أنا يدي لو ماكست متني ثياب
نذر ٍ على لقطع يدي من متوني
موعيب أجي مدعو ولا أشوف ترحاب
العيب لو إني رجعت إن دعوني
مادمت اجي ولا يحسبون لى حساب
حرمت اروح اذا يبوني يجوني

حامد زيد

مما راق لي :رحيق::نبض:


...

فآآرس 04-14-17 11:48 PM

يسلم الذوق منّكـ

اختيار راقي امبراطورة

لاعدمنا جديدكـ ..



فآآرس ..

طبيب الشوق 04-15-17 08:26 AM

كلمات تنزف الالم..
في حياتنا اناس يتغيرون كتغير المناخ طوال العام
نعم هناك من نكتشف اننا ننخدع ونجعلهم فوق ما نظن بهم
حتى إذا كان اول اختبار لهم معنا فإن المعدن الرخيص
يتلاشا ويضمحل ..!
ولا يبقى الا من كان جوهره الذهب

شكرا اختي انبراطورة البحر على النقل الجميل

إمبراطورة البحر 04-15-17 08:36 PM

اقتباس:

المشاركة الأصلية كتبت بواسطة فآآرس (المشاركة 1581882)
يسلم الذوق منّكـ

اختيار راقي امبراطورة

لاعدمنا جديدكـ ..



فآآرس ..


ربي يسلمك ويبقيك أخوي فارس :رحيق:
الرقي تواجدك وطيب ردك .. شكراً لك ..
لا خلا منك .. ربي يحفظك

دمت بود

:رحيق:


...

إمبراطورة البحر 04-15-17 08:38 PM

اقتباس:

المشاركة الأصلية كتبت بواسطة طبيب الشوق (المشاركة 1582633)
كلمات تنزف الالم..
في حياتنا اناس يتغيرون كتغير المناخ طوال العام
نعم هناك من نكتشف اننا ننخدع ونجعلهم فوق ما نظن بهم
حتى إذا كان اول اختبار لهم معنا فإن المعدن الرخيص
يتلاشا ويضمحل ..!
ولا يبقى الا من كان جوهره الذهب

شكرا اختي انبراطورة البحر على النقل الجميل

بالفعل اخوي :رحيق:
كل الشكر لك لطيب تواجدك و ردك
شكراً لك .. لا خلا منك يارب
ربي يسعدك ويحفظك

دمت بود

:رحيق:


...

وهج 04-17-17 08:57 PM

طرح مميز
تقديري لك


الساعة الآن 08:25 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا