((يا نجم ضاوي عجل بموتي ورجمي))
 

يا نجم وينك عجل بالقاف منسجمي
مع حالة اللي حارب النوم ... وفراشه
من عقب ماني بالملا ظاهر .... نجمي
اليوم غاب اسمي عن الناس والشاشة
يا نجم ضاوي عجل بموتي . ورجمي
موتي بيدينك ولا موتي ..... برشاشه
اللي طعني طعنة عجلت ....... لجمي
ريمية مرت مع السوق ....... طشاشة
صدت وقالت حجمها فايق ... حجمي
ما كنت اظني القى بالبيض .. غشاشة
كني صويب طاح من حربة . العجمي
راكان بن حثلين والخيل .... منحاشة
الحق عليه حرر الروح ....... يا نجمي
والا فقدت اخوك يالسيد ....... الباشة

القارظ العنزي

بعيد الشر عنك أخي

لا أحد يستحق أن نطلب الموت من أجله

إلا ماكان في سبيل الله ..

وإسمك ونجمك مازال وسيزال ساطع رغم أنف الكارهيين

تحيتي لك ..

هلا بك باني ، أسعدني والله مرورك وألطافك الراقية ، سيدتي لا نطلب الموت من أجله إنما هي مبالغات الشعراء ، أشكرك على تشريفي في تواجدك بمتصفحي المتواضع ووقوفك بجانب المظلومين رفع الله قدرك ، ما اجمل نثرك وألطف برك لله درك ، كله من ذوقك يا سيدتي .

الجمال كله في مرورك سليكو ربي يعافيك ويسلمك .

في سما حبك .. ضاوي ن .. نجمي
واصبحت . . في المركاز انا الباشا

في مأشر حسابكم عالي ن سهمي
جاك ابو ضاوي .. رابط ن .. جاشه

جيت يا صاحبي . . وشادبك عزمي
يوم الاصحاب .. غدت عنك منحاشه

ابشر بسعدك . يا المطلق النشمي
كل الشوك في دربك تراني نقاشه

اجيك يا القارظ وغصب عن خشمي
اعيش معى صاحبي الهم ذي عاشه

ارفع بيننا الكلف . وارفع الرسمي
الضاوي هو الضاوي بغتره ودشداشه

مير وقت الشدايد خصمك اهو خصمي
الروح من شانك .. للموت .. عطاشه


... صح لسانك وسلم نبض قلمك وبنانك ...
... انت شاعر جزل والجزل لا يأتي إلا بكل شيئ جزل ...
... بيض الله وجهك وفالك البيرق ...

... لا خلا ولا عدم ...