سلام عليكم ورحمة الله وبركاته

والله شكثر وحشتوني

بعيد عن الضحك والمزح انا عارف اكثر موضيعي ضحك
لكن بكتب لكم اليوم موضوع محزن جداَ موضوع متجرد من الانسانيه
صاحبي اكثر الاوقات احصله بالشارع وكنت اتغشمر معاه المره ذي قابلته
قلت اخيرا غيرة لبسك وكنت اضحك ادري بتقولو عني وقح ماكنت اعرف اش فيه
المهم ابتسم لي وسلم علي وضمني جلس يبكي قلت ترا اتغشمر معاك موقصدي اضيق خلقك
قال ماتدري شنو فيني جلس يحكي لي مشاكله والله انا من الصدمه جلست اعتذر منه
كنت المفروض اوقف معه بس هو ماكان يقول مشاكله الا اليوم
يقول لي امي مطلقه وكان سبب الطلاق مشكله ان ابوه من قبيله وامه من قبيله
وعنده اخت في حياته ماشافها ابوه محرم عليه يشوف امه ومهدده ابوه متزوج على امه
هو ساكن مع ابوه وعمته وعنده اخو من عمته كانت عمته شيطان على هئية انسان
يقول مره جتني باخر الليل ضربتني بالعصا وانا نايم مسكت العصا قلت شنو فيك
طرحت العصا وراحت لآبوه تبكي وتشتكي انه ضاربها واخوه الصغير من عمته عمره ١٢ سنه
كان يدافع عن اخوه قدام ابوه بس عند امه مايتكلم يقول يخاف منها ومايقدر يغلط عليها لأنها امه
قلت وبعدين قال مره كنت تعبان وماقدر اتحرك كانت حرارتي مره مرتفعه يقول جاتني ضربتني برجلها
قالت روح جيب لنا فطور قلت روحي انا تعبان راحت كلمت ابوي جاء ابوي وضربني
هديت البيت يعني تركت البيت وصرت اكل من مكائفة الجامعه قلت وين تنام قال انام بسيارتي
سيارته كرسيدا موديل قديم السياره حقت ابوه اعطاه سيارته القديمه كرسيدا صلحها صاحبي
من مكافئة الجامعه ٨٠٠ ريال المكافاه جلس ٣ ايام برا البيت يقولي عماني اكلمهم كلمو ابوي
ماينفع كل ماكلموه قالهم مالكم شغل يقول خوال ماعندي يقول كل ماسافرو خلوني في البيت
يقول ابوي حصلني بعد ماشردت من البيت وراضاني عطاني فلوس يقول عارف اذا راضاني اليوم بكرا يضربني يقول والله اربع سنوات ماشوف امي يقول بالعيد يمنعني اعيد عليها يقول اربع سنوات ماشفتها يقول تخيل جدتي ام ابوه يقول تسلم على اخوي تعطيه العيديه انا كانها ماتشوفني
اذا جيت سلمت عليها دفعتني بيدها يقول والله تعبت يقول كنت بطيح بالخراب يقول كنت افكر اسوي شي اجرامي في ابوي وعمتي قال الحين انا مرتاح ومبسوط ولله الحمد قلت كيف مرتاح
قال كنت بالجامعه وفضفت لشخص كنت وقتها مقهور واعطاني رقم حقوق الانسان واتصلت عليهم
سحبو ابوي من البيت وقعوه على عدم التعرض علي وعلى انه يجلس عند امه مثل مايبي
وانه يمشي له مصروف يقول تخيل ادخل البيت مايكلمني ابوي اجلس اكل معاهم مايكلمني
وعمتي ماتكلمني يقول صرت افتح غرفتي ابغيها تدخل غرفتي بس صارت ماتتحرش فيني
واذا عندها ضيوف وادخل ماتفتح فمها وعندي مفتاح للبيت
قلت وامك قال لما جيت ضمتني جلست تبكي ومشتاقه لي حييييييل يقول جدي ابو امه
سوا له عشاء عزم الجيران
جده مره عنده فلوس ماشاء الله الله منعم عليه قالي بشتري لكم عماره اسكن امك واختك واجلس معاهم وبشتري لك سياره بسكنكم جمب بيتي قلت لا خل امي عندك لحد مارجع القهر والظلم
يقول صرت اجي اجلس عند ابوي وطلبته سياره قال ابشر بسجله باسمك يقول رفضت
قلت ليش قال ابيها باسمه ابغي افلسه ابغي المخالفات على ضهره يقول لاسافرو اروح معاهم واغث عمتي وهيا ماتتكلم وماتقدر تتكلم ذي قصة صاحبي

انا قلت له مادام ابوك عاملك ممتاز وعمتك ماعاد تتكلم عليك اسحب عليهم واسكن عند امك
هوا رافضي ويحلف ويتوعد شنو رايكم

كان دايم يضحك ويتغشمر معي الا هالمره

وٍعَلْيّكَمُ ٱلْسَلآمّ وٍرٍحَمُةٌ اللَّــْـْہ ۆبُركَاتة

اسعد الله جميع اوقاتك بالمسرات

اهلا بك طلال انرت بعد غياب


تمت الموافقه وان شاء الله تجد

الحل المناسب

نورك ربي يسعدك

ننتظر