|
شايله هم السكن ببيت زوجي السلام عليكم حابه أعرض عليكم شي مضايقني وكل مااقول لحد يقولن لي أحمدي ربك بسس. مايحسون فيني والله . هي ماتكون مشكله بس شي مضايقني شوي أبي بس أتقبله تتقبل نفسي هالشي بس والله . ياطويلين العمر أنا زواجي بعد رمضان والحمدلله زوجي معه بيت . هالبيت ماشاء الله تبارك الله دورين - 5 غرف تحت 4 فوق . ملحق برا وحمامات كثيره ومطبخين ... ومساحته كويسه ، وواجهه تفتح النفس . لكن الحي حالته حاله لازفلت ولاخدمات ولاهم يحزنون . يخوف يخوف وزوجي عمله بعيد شوي واهلي مو بنفس المدينه اهلي بالحجاز ، مب عدله كل شوي رايحه عند أهله والله والله اني شايله هم وانا اخاف اقعد بلحالي وهالمره بيتي دورين . واخاف والله من اي شي يصير لي . بس شايله هم لازوجي تاخر ولا راح مع اصحابه ..وسهر طبعه يحب يقضي وقت معهم واحيانا ينامون بالبر. بالله وش نصايحكم لي الحي اسمه المهديه بالرياض اللي يعرفون يقولون لي عنه بليز. |
الحل انك متسبقيش الاحداث وربنا يتمم علي خير افرحي بفرحك وعريسك دلوقتي ولما تتجوزي وتلاقي مشكله واجهتك وقتها اعرضيها انما متفكريش من دلوقتي في حاجه تعكر مزاجك |
حي المهديه من الأحياء الجديده في الرياض والتي لا تزال قيد التشييد غالباً مثل هذي الأحياء عيون الأمن العام عليها بإستمرار لكونها خارجه عن النطاق العمراني المكتمل من رأيي بأن هذا الحي أئمن بكثير من الأحياء القديمه والتي تعج بالسكان من جميع الأجناس . توكلي على الله وتزوجيه ولا تشيلي هم البيت ، قفلي على نفسك في غرفه وإنتهى الموضوع أهم شيء قولي له يركب باب حديد قوي لغرفة النوم مايمدي أحد يكسره إلا والشرطه محظره |
فعلا زي ماقال لك ترياق مصر لا تستبقي الأحداث ولا تحطمي نفسك أهم شي تسكنين في بيتك افرحي في ناس تتمنى اربعه جدران بس الله يوفقك عزيزتي ويسهل لك ان شاء الله |
طيب حطى نفسك مكان عروس مثلك من مصر مكتوب كتابها من 4 سنين وزوجها حتى الآن لم يوفق فى العثور على شقة صغيرة وليس بيت كما ذكرت لو سألوها ربما توافق على العيش فى غرفة صغيرة بداخل شقة مهجورة على ناصية شارع بدون عنوان ليس هناك أى مشكلة فى وجهة نظرى توكلى على الله وكما قال " ترياق " لا تسبقى الأحداث أبشرى .. والقادم خير إن شاء الله مبارك الزواج مسبقا |
حبيبتي انا اختلف مع الجميع وانا معاك بكلامك وهذي مشكله حتى لو خلفتي أطفال صغار يظل الخوف .. انتي تقولين لسى ماتزوجتي يعني لااطفال ولا شي ... ومن كلامك من النوع اللي تخافين ... نصيحتي لك لاتاثثين البيت ابد بالكامل بس غرفه النوم وجربي أسبوع تنامين لوحدك .. اذا قدرتي توكلي على الله وخلي زوجك ياثث باقي البيت وخلاص لاتخافين .. اذا ماقدرتي تحملي تأثثين الببيت وتخسرين زوجك وماتسكنين به ... بنات كثير من المقبلين على الزواج يسون كذا يجهزون البيت ولا يسكنونه من الخوف.. وضحي لزوجك ان هذه مشكله وبنات كثير يعانون نفسك اللي مقبلين على الزواج واعمارهم صغيره .. حتى أحيانا يتخيلون أشياء مش موجوده وكل صوت يسبب لهم رعب حتى لو كان صوت رياح او قط .. وهذا امر طبيعي بالاخص للي عايشه مع أهلها طول عمرها .. والبيت ضجه وحتى تنام مع خواتها بغرفه وحده صعبه تترك البيت وتتجه لبيت لوحدها .. تفاهمي مع زوجك ووضحي له .. وطلبي منه ياجر البيت هذا اللي بعيد عن عمله واهلك ..لانه مارح حد يزورك واذا صار بك شي صعبه يجونك اهلك وياخذ لك بيت او ملحق صغير قريب من بيت اهلك او عمله حتى لو ملحق صغير انتم لسى متزوجين .. وانتي تحتاجين بهذي الفتره لوجود اهلك جنبك مش محتاجين بيت كبير ابد حاليا بالعكس تعب وتنظيف وشبه خالي .. وماكو ضيوف كثير مثل بيت العائله تنتظرينهم يدخلون عليك يوميا .. ولما تجيبين أطفال ان شاء الله وشوي يكبرون لين يوصلون اول ابتدائي انتقلي للبيت لانه مدارسهم مرتبطه بالبيت .. اسكنو بذاك البيت يكون سكنوا به ناس كثير الحي وصار الشارع وتكونين رتبتي حياتك بالتدريج .. واكثر قدره على حمل مسووليه بيت كبير .. .والاجار راح ينفعكم انتي وزوجك والأطفال لانه بيتكم كبير اشوف الافظل تكونين قريبه من اهلك او زوجك بالتوفيق لك حبيبتي وانا حاسه بحساسك انا مثلك خوافه جدا |
| الساعة الآن 06:44 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا