موضوع مُغلق
 
LinkBack أدوات الموضوع انواع عرض الموضوع
قديم 07-12-17, 04:48 AM   #1
مشكلتي

الصورة الرمزية مشكلتي

يرحم امك ساعدني؟

 الأوسمة و جوائز

افتراضي ساعدوني في حل مشكلتي مع اختي



بسم الله الرحمن الرحيم
والله مادري وش اقول مشكلتي هي اني متخرجه من الجامعه لي 3 سنوات وانا من يومها وانا ضايق صدري .. ضاعت هويتي واهتماماتي احس اني صرت شخص مخه فاضي مافي شي يعبيه ولا في شي يهتم فيه
هذا جزء من المشكله ... والمشكله الحقيقيه هي اختي ..
هي شخصيه جذابه , قويه وواثقه من نفسه فيها نزعه من السيطره تصغرني بخمس سنين
هي قويه وقوتها هذي احسها تكسر راسي ودائما تتكلم عن المبادئ والشي الصح واللي المفروض يصير مع ان كل الكلام اللي تقوله يكون صح الا اني طفشت منها خلاص طقيت تضغط علي علشاني اكبر منها .. تضغط علي بكل شي.. كل شي لازم اجربه قبله الاكل , اللبس, العلاقات , حتى اذا رجعنا من السوق تبيني انزل من السياره قبلها واطلع من الدرج قبلها واصلي قبلها كل هذا علشاني اكبر منه
اسلوبه هذا ينفرني منه وخلاني اكرهه ماأحس انه اختي مافي مشاعر الاخوه والترابط بيني وبينه اصلا من كبر الكلام اللي تقوله صرت اكره البيت واكره امي وابوي
الشي الثاني اللي يقهرني به هو الزن من كثر ماتزن علي راسي اني صرت اكره نفسي واشوف نفسي بمنظار سيئ وهذا الشي خلاني افقد الثقه بنفسي وبالاخرين وجعلني افقد اشياء كثيره

تركز على كل شي على حركاتي وكلامي وسواليفي هي ذكيه ماشالله وتفهم كل تصرفاتي
بس هذا اسلوب التدقيق يقهرني كل حركه من حركاتي تحللها وتطلع عليه سبب حتى لو كانت عفويه وتحسسني اني غلطانه لما اسويه
والحين صار لها سنه تبيني اتزوج وتضغط علي كان امر الزواج بيدي وكل يوم تسالني انتي متى بتتزوجين ؟؟ ومين بتتزوجين ؟؟
هو صحيح ان تأخرت بالزواج لكن ضغط اختي يكبر المشكله عندي اكثر ..
ارجو انكم تعطوني رايكم بمشكلتي وماهو الحل مع اختي الصغيره ...


 


قديم 07-12-17, 05:33 AM   #2
مرجانة

الصورة الرمزية مرجانة
~ رونق التوليب ~

المكان »  في ثنايا أحرفي
الهوايه »  قراءةُ النثرِ ، و كتابتُه .
إيتها المآقي ، لا تكفي من الفيض

جودي بالدمع
جودي بشوقٍ احرق داخلي

وحبٍ في القلب مستعر
MMS ~

 الأوسمة و جوائز

افتراضي



عندي لك حل راح يساعدك انك تنشغلين عن اختك و هذرتها هههههه

توظفي ، اشتغلي

مو تقولين راسك فارغ و فاضي و هالشي زاعجك ؟
اشتغلي اي وظيفه بشهادتك و راح تتعزز حتى شخصيتك

و حتى اختك ما عاد تقدر تلاحقك بعيونها طول الوقت

اما مبادئها و كلامها هي حرة في التعبير و تطبيق مبادئها

و مو بالضرورة اي شي تقوله تسمعيه او تعملي به
مثل مالها مبادئ خلي عندك مبادئ

لا تفرض عليك مبادئها و تحن عليك
و لو فاتحتك بموضوع الزواج ردي عليها

انتظر العريس ، و لو عندك عريس هاتيه

ههههههه رد ساخر يمكن يخليها تسكت
انتي ترى مخليتها تتمادى بسكوتك
هي مو قوية شخصية ، انتي شكلك هادية و ساكته بس

امممم و ابداً مافي سبب عشان تكرهي نفسك و البيت و البابا و الماما ، حبيهم و حبي نفسك
عجزت القى مبرر لكرهك لهم ؟.. الا لو تغارين من اختك و تلقينها المفضلة من الجميع


الله يوفقك ان شاء الله و تقدرين تتوظفين و تنشغلين بنفسك و ترضين عنها


 

قديم 07-12-17, 06:18 AM   #3
دُرة

الصورة الرمزية دُرة
26 أكُتوبر

المكان »  دار الظبي . . !
‏المشاعر الصامتة لا تُنسى . !
MMS ~

 الأوسمة و جوائز

افتراضي



كل المشكلة سببها التردد وماراح اقول عدم الثقه بنفس بس بقول حاولي تثقين بنفسج اكثر ولاتسمحي لحد يعلق على أي تصرف تتصرفينه وانتي مقتنعه اقتناع تام فيه

مثل ماقالت مرجانة كل المساله ان اختج شخصيتها قويه وتفرض اسلوبها بكل حريه لعدم وجود اي ردة فعل منج خلي شخصيتج قويه واللي تقتنعي فيه لا تتردي ابد انج تسوينه ولاتسمعين حكي اختج اذا يضايقج عموما في النهايه هي صغيره لا يهمج مهما حكت

حبي نفسج توظفي في مجال انتي تحبينه اذا سمحت لج الفرصه

ترا الحياه حلوه والايام القادمه احلى باذن الله

الله يسعدج



 
مواضيع : دُرة



قديم 07-12-17, 08:34 AM   #4
Desiĝner

الصورة الرمزية Desiĝner
لا تنسوني من دعائكم

 الأوسمة و جوائز

افتراضي



.




المشكلة ليست في اختك ، المشكلة فيك أنت
راجعي نفسك وتوقفي عن التفكير السطحي السلبي
وأن أزعجك شيء من تصرفاتها أخبريها بذلك

مشكلتك أنك لا تتحاورين معها في مايزعجك

ثم لم تهتمين بتصرفاتها ؟!!
دعيها تفعل ما تشاء وأفعلي انت ماتشائين

ادعو الله ان يؤلف بين قلبيكما



 

قديم 07-12-17, 09:11 AM   #5
آسيرة حرف

الصورة الرمزية آسيرة حرف

الهوايه »  الابتسامه, القراءة , الكتابه, مخاطبة العقل
انا من الجنوب وديرتي جيزان
يشهد عليها من سكن فيها
لايمكن اعشق غيرها بـ إدمان
جيزان ي عسا ربي يحميها

آسيرة حرف
MMS ~

 الأوسمة و جوائز

افتراضي



اقتباس:
المشاركة الأصلية كتبت بواسطة مشكلتي مشاهدة المشاركة
بسم الله الرحمن الرحيم
والله مادري وش اقول مشكلتي هي اني متخرجه من الجامعه لي 3 سنوات وانا من يومها وانا ضايق صدري .. ضاعت هويتي واهتماماتي احس اني صرت شخص مخه فاضي مافي شي يعبيه ولا في شي يهتم فيه
هذا جزء من المشكله ... والمشكله الحقيقيه هي اختي ..
...
الفاضله / مشكلتك

مبروك التخرج عقبال الوظيفة يارب والحياه اللي تتمنيها يارب
وليه يضيق خلقك
مستحيل في بنت ع الارض ماتتمنى تتخرج وتشوف شهادتها
وانتي ضايقه !!
شلون ضاعت هويتك !!
يعني الهويه فقط تكمن في الدراسه وتلك الماده اللي انهيتيها من جدك انتي ولاتمزحين
اهتمامتك اللحين ظهرت وصارت متاحه لك بجميع مجالاتها
انتي اول مقيده بنوع واحد وحصلتي عليه
الان اصبح المجال اوسع
ابحثي عن اهتماماتك
- اهتمي بنفسك
- اهتمي بهواياتك ونميها كونك متفرغه
- اكتسبي مهارات جديده وتعلميها
- ثقفي نفسك لتقوى ثقتك
- الفراغ يكمن في راسك فقط لان الحياه مستحيل تكون فارغه

انتي تقولي
اقتباس:
والمشكله الحقيقيه هي اختي
ممكن تستبدلي الخاء بـ ( نون ) استبدلتي حلو هذه هي المشكله الحقيقه اللي لكن موب راضيه تستوعبيها
لاتفكري تغيرين غيرك فكري تغيرين نفسك

اقتباس:
هي شخصيه جذابه , قويه وواثقه من نفسه فيها نزعه من السيطره تصغرني بخمس سنين
هي قويه وقوتها هذي احسها تكسر راسي ودائما تتكلم عن المبادئ والشي الصح واللي المفروض يصير مع ان كل الكلام اللي تقوله يكون صح الا اني طفشت منها خلاص طقيت تضغط علي علشاني اكبر منها .. تضغط علي بكل شي.. كل شي لازم اجربه قبله الاكل , اللبس, العلاقات , حتى اذا رجعنا من السوق تبيني انزل من السياره قبلها واطلع من الدرج قبلها واصلي قبلها كل هذا علشاني اكبر منه
كل انسان قوي اذا اراد ذلك وضعيف عندما يريد ذلك كونك مستسلمه وملقيه نظرك ع اختك
وتدققين في اسلوبها اعرفي انك تحاولين تسلبينها شخصيتها ولكن حدث العكس
لذلك ركزي ع نفسك واثبتي وجودك لان هذا اسلوبك في الحياه
انتي نسخه لنفسك وتمثلين نفسك فقط لا تحاولي تستنسخي غيرك

سؤال هل انتي ريبورت لجل تحركك هي ؟
اجاوب عنك اذاً لا
معناته تحركي بحريه زي ماتبين لاتعطين لها اهميه
الشيء المهم اللي فكري فيه انها اختك الصغيره وانتي قدوتها
لذلك خليها هي تركز عليك اخلقي لنفسك حياه تحبيها وروتين تتبعيه ونظام تحبيه
ابحثي عن ذاتك اكثر وكوني واثقه من قدراتك وواثقه حتى من غلطاتك انها مجرد هفوات
تقويك مو تخليك ضعيفه امامها وتكسرك لو اعترفتي فيها

بصراحه عجيب امرك مزعلك انك تنزلي من السياره قبلها
التفتي لها وقولي لها الاميرات اولاً
التفتي لها وقولي لها لاني الاكبر احترميني وخليني انزل قبلك
من الاتكيت ان يكون للكبيره احترامها


اقتباس:
اسلوبه هذا ينفرني منه وخلاني اكرهه ماأحس انه اختي مافي مشاعر الاخوه والترابط بيني وبينه اصلا من كبر الكلام اللي تقوله صرت اكره البيت واكره امي وابوي
امك وابوك وش دخلهم ذحين
معليش حياتي انتي اذا علقتي نفسك بمشاعر الاخرين راح تنتهي حياتك بفقدهم
ليه مشاعرك انتي وينها اعطي شوية من مشاعرك وراح ترجع لك ضعف منها

اقتباس:
الشي الثاني اللي يقهرني به هو الزن من كثر ماتزن علي راسي اني صرت اكره نفسي واشوف نفسي بمنظار سيئ وهذا الشي خلاني افقد الثقه بنفسي وبالاخرين وجعلني افقد اشياء كثيره
اللحين من زنها فقط وكونها الاصغر سلبت منك كل شيء
انت ليه تركيزك ع اختك
ليه تدققي في تصرفاتها
ليه كل هذا التشويش بذهنك
لانك تحسين بفرااااااااااااااااااااااااااااغ كبير وهذا الفراغ سيطر عليك
وخلاك تسكنين اختك فيه وتستنفذين طاقتك عليها بدون جدوى
استغلي فراغك بشي تحبيه وراح تسترجعي ثقتك وتسترجعي نفسك

اقتباس:
تركز على كل شي على حركاتي وكلامي وسواليفي هي ذكيه ماشالله وتفهم كل تصرفاتي
بس هذا اسلوب التدقيق يقهرني كل حركه من حركاتي تحللها وتطلع عليه سبب حتى لو كانت عفويه وتحسسني اني غلطانه لما اسويه
مو سالفة ذكية
انتم خوات والله لو ماعرفة اختي ليه رمشة عينها ماهي بنت امي وابوي وحملنا نفس البطن
طبيعي تعرفك اختك طبيعي
وانتي خايفه من تحليلها حسيتيها قيدتك
فكي قيدك وتحركي بمرونه وراحه تراه بيتك مثل ماهو بيتها وحياتك مثل ماهي عندها حياتها
تقيدي نفسك ليه كل ذا خوف انتي وش مسويه لجل تخافي
اذا انتي موب مسويه غلط قولي ماسويت شيء غلط انا نظرتي تختلف عنك انا اشوفه صح
مو شرط تشبهيني في نظرتي


اقتباس:
والحين صار لها سنه تبيني اتزوج وتضغط علي كان امر الزواج بيدي وكل يوم تسالني انتي متى بتتزوجين ؟؟ ومين بتتزوجين ؟؟
هو صحيح ان تأخرت بالزواج لكن ضغط اختي يكبر المشكله عندي اكثر ..
ارجو انكم تعطوني رايكم بمشكلتي وماهو الحل مع اختي الصغيره ...
اقتباس:
هو صحيح ان تأخرت بالزواج !!
مافهمت انتي ع اي اساس قلتي كذا
هو انتي حاطه سن معين بذهنك انك بتتزوجي فيه ؟؟
اللي فهمته من كلامك انك محدده سن معين وتجاوزتيه عشان هاكا باقي بذهنك
ولمن تفتح الموضوع اختك يضيق خاطرك

موب انتي الكبيره هنا يبدا دورك لمن تسألك اختك
قولي لها انتي صغيره ماتفهمي الاطلاع ع الغيب مو بيد البشر يا عمري
بيد الله وكل انسان في هذا الكون من يوم ولد الين يموت مكتوب كل شيء عنه والانسان ياخذ مكتوبه
طال العمر او قصر
بس لانك صغيره وتجهلين هذا الشيء سألتيني ي قلبي
تكبري وتفهمي ان التنبأ بعلم الغيب حرام

وبكذا تثبتين لها انك كبيره وذكيه حاولي تقلبين الطاوله عليها في اي نقطه تفتحها معك
ولانك حاطه بذهنك انها قويه وذكية وانها مسيطره تفوتك فرص كثيره
ممكن تكوني فيها الصح
لاني اشوف سؤالها بحد ذاتو غلط ويوضح ان خلفه طفله تفكيرها ضيق وكان فيك تصححي لها الاجابه
بكل حب ورحابه

كوني واثقه من نفسك ابتدي ركزي ع حالك لين تستعيدي نفسك حبي نفسك
وقتها بتكوني انتي الجذابه والراقيه بنمط حياتها اللي تتصيد لها اختها لجل تقلدها مو تنقدها


حبي نفسك لانك وقتها بتغيرين الكون لانه راح يتغير الكون في عينك

امنياتي لك بحياه جميله اساسها انتي
تقبلي ردي وعبق وردي مع خالص احترامي لسموك
آسيرة حرف


 
مواضيع : آسيرة حرف



قديم 07-12-17, 01:38 PM   #6
السهم الأخير

الصورة الرمزية السهم الأخير
اترك أثر طيب

الهوايه »  الخيول
رحم الله إمرء عرف قدر نفسه

 الأوسمة و جوائز

افتراضي



أختي إذا ما عندك غيرها فتقبلي منها ومشيها لأنها تمر بمرحلة مراهقة وانتي كونك صرتي في البيت قدامها 24 على 24 أكيد مالها غيرك تفضفضلها .

الحل إنتي ماعندك مشكله إنتي عالجي مشكلة أختك .

أختك وش تبغى بالضبط ؟

واحد
اثنين
ثلاثة

لا تخلي أختك تمل منك وتلجأ للتعرف على حبيب القلب اللي يخلصها من الهذرة والهموم كما تتوقع بعض البنات.

خليكي مع أختك و في الانترنت ملايين الكتب والوسائل لتطوير المهارات ومنها تعلم لغة غير العربية

و تنمية المهارات والمعرفة

الله يوفقك


انتي لا تفكري إنك مصدر مشاكل ، أختك عندها تساؤلات وانتي ما تعرفي تردي.


طوري هالجانب والله يوفقك


 

موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : ساعدوني في حل مشكلتي مع اختي
الموضوع كاتب الموضوع المنتدى مشاركات آخر مشاركة
مشكلتي ساعدوني مشكلتي همومنا ومشاكلنا وإحتياجاتنا الشخصيه ( مشكلتي ) 9 04-08-17 04:17 AM
اختي مشكلتي همومنا ومشاكلنا وإحتياجاتنا الشخصيه ( مشكلتي ) 21 08-30-16 12:03 PM
مشكلتي من منتدى مشكلتي قيس قسم الحوار والنقاش الجاد •• 31 08-21-15 02:27 AM
اختي ادريبوه يحبن ~! همومنا ومشاكلنا وإحتياجاتنا الشخصيه ( مشكلتي ) 15 09-11-14 01:10 AM
اختي اسومة همس القوافي - شعر - قصائد •• 10 03-16-14 04:33 PM


| أصدقاء منتدى مسك الغلا |


الساعة الآن 06:25 AM.

Powered by vBulletin® Copyright ©2000 - 2019, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا