منتديات مسك الغلا | al2la.com - قصيدة الاستغفار -

https://youtu.be/8EBfePUKSgI

قصيدة الاستغفار - حامد زيد

استغفر الله العظيم من الخطايا والذنوب
استغفر الله كل ما اركع في رحاب الله واتوب

استغفر الله كل مالبس من ثياب الذنب ثوب
استغفر الله العظيم... استغفر الله العظيم

استغفر الله العظيم اللي عليه المعتمد
استغفر اللي لا اله الا هو الفرد الصمد

استغفر اللي منشي السبع الشداد بلا عمد

استغفر الحي اللي يحيي العظام وهي رميم

استغفر الله لانه اهل للعفو و المغفره
لان الله ارحم بالعباد من العباد استغفره

استغفر الله لان اجهر في خطايا ويستره
استغفر الله لاني اذنب واعرف ان الله حليم

استغفر اللي كل مايستغفره عبده غفر
استغفر اللي مالنا عن ساعة حسابه مفر

استغفر الله واشهد ان اللي رحمه الله ظفر
وعز الله ان اللي ظفر في رحمة الله في نعيم

استغفر الله... لا ريا ولا نفاق لا دجل
استغفر الله كل ماينتابني خوف و وجل

استغفر الله لاعصيته ومتلا قلب خجل
استغفر الله كلمة يبرا بها القلب السقيم

استغفر الله قبل لافنا واندفن تحت التراب
استغفر الله قبل اموت وينقفل لذكر باب

استغفر الله قبل اجاهر بالخطا يوم الحساب
استغفر الله قبل اجوز بها السراط المستقيم

استغفر الله واسجد لوجهه واصلي له واصوم
استغفر الله وحمده واثني عليه بكل يوم

استغفر الله لانه الدايم والا غيره يدوم
استغفر الله واشهد ان الله هو البر الرحيم

استغفره لانه جود ولان لي بالله رجاء
استغفره واللي يفوز بمغفرة ربه نجا

استغفره وانا الفقير اللي على بابه لجا
وعز الله اني ما وقفت الا على باب الكريم

استغفر الله كل ساعه لا لهوب ولا ملل
استغفر الله كل مايبعدني من الله عمل

واستغفر الله دامني مؤمن ولي بالله امل
واستغفر الله قبل اطاوع كل شيطان رجيم

استغفر الله كل ما قالو عذاب الله قوي
استغفر الله لسمعت المئذنه تدوي دوي

واستغفر الله لذكرت ان الهب يشوي شوي
استغفر اللي ماياس من رحمة غير الغشيم

استغفر الله كثر مايملي السموات ويزود
استغفر الله كلمة توصل الى ماله حدود

استغفر الله من هنا لاخر مساحه بالوجود
استغفر الله كثر ما لا يعلمه غير العليم

استغفر الله كثر مايمطر من المزن الهمال
واستغفر الله كثر ما بالارض من حب الرمال

واستغفر الله كثر من لستغفر الله قال
استغفر الله العظيم .. استغفر الله العظيم