|
فضفضه و استشاره السلام عليكم ورحمه الله وبركاته يسعد مساكم اخواني حاب اطرح مشكلتي بينكم فضفضه او استشاره اللي يكون قبل سنه جاني شخص عزيز علي واحترمه جدا طلب مني اكفله في فلوس ووافقت راحت الايام نسيت موضوع الكفاله نهائي ومافكرت فيه ابد بحكم اني كافل لي رجال وسمعته طيبه بين الناس قبل تقريبا ثلاث شهور اتفاجا ب اسمي في الجريده ايقاف خدمات واني مديون ب مبلغ الكفاله كامل وهذي حالتي من 3 شهور لا اني قادر اسدد وراتبي متوقف واي خدمات حكوميه متوقفه مدري الغلط مني اني وقفت معه وساعدته في عز حاجته لي .؟ او الغلط منه ماقدر حجم المشكله اللي رماني فيها ؟ كنت اسمع عن الكفاله ومشاكلها ولكن استبعدت اني اقع في نفس المشكله لانه يقرب لي حاولت اكلمه كم مره واقوله يافلان سدد فكني شرك يقول ماعندي دبر نفسك ليه من الاساس ماقال لي ماراح اسدد تهون وادفعها قسط شهري واكن الحين مطلوب بالمبلغ كامل هي قلة الرجال وصار الواحد نفسي نفسي في هالزمن ؟ شورو علي وش اسوي متوهق |
تمت الموافقه الله يعينك حالك حال اخوي المشكله لجت من القرايب الواحد يستحي يشتكي الله المستعان |
الله يكون بعونك ويسدد دينك يارب.. اذا ساعدت شخص وهو بحاجتك هذا من طيب اصلك والله سبحانه مايضيع حق احد ابد.. لكن بعض الناس مايستحقون المساعده والافضل لو في اوراق او اي شي تثبت انك كفلته عشان مايسحب عليك الكفاله خطره الحين صعب انك تثق بالناس حتى لو سمعته طيبه .. كثر الصدقه يااخوي وكثر الاستغفار وان شاء الله معها يجيك رزقك ماتدري لو ربي يفرجها لك الا اكيد تبي تفرج لكن اصبر واحتسب وكثر استغفار اما من ناحية كفاله وسوالفها والله ماافهم فيها لكن يمكن غيري يفيدك ربي يوفقك ويسعدك .. |
كان الله في عونك .. واعلم يا اخي الفاضل أنك شرعا ملزم بسداد تلك الكفالة ...لقول الرسول صلى الله عليه وسلم ( الزعيم غارم ) ... وأريد اوضح لك أمرا هام قد غفلت عنه .. إن قاضي التنفيذ قد أوقف خدماتك المدنية وحسباتك البنكية بموجب المادة (46) من نظام التنفيذ ... أي أنه امامك (90) يوم من تطبيق المادة فيلزمك خلال هذه المدة مراجعة قاضي التنفيذ والإفصاح عن ملائتك المالية .. وبعد الإفصاح عن ملائتك المالية يكون لقاضي التنفيذ إن اقتنع بدفوعاتك أن يستقطع منك مامقداره 33% من راتبك .. إذا ثبت له عدم وجود اية مصادر او ذمم مالية لك غير هذا المرتب الشهري ... وفي حالة عدم مراجعتك خلال هذه المدة من صدور أمر التنفيذ فاعلم أن قاضي التنفيذ سيطبق بحقك المادة (83) من نظام للتنفيذ وهي الحبس والسجن حتى السداد ... وإذاىثبت لقاضي التنفيذ مماطلتك فيحق له تطبيق المادة (86) من نظام التنفيذ وسجنك من سنة إلى (10) سنوات تعزيرا لمماطلتك وظلمكز.. لقول الرسول صلى اللهىعليه وسلم ( مطل الغني ظلم ) ... أنصحك بمراجعة قاضي التنفيذ الذي اصدر عليك تنفيذ ذلك السند وتفصح عن ذمتك المالية له وتخرج بالحل من عنده ... هذه هي الاستشارة ... وعليك ترك الفضفضة حالا ومراجعة قاضي التنفيذ ... اسأل الله أنىيقضي عنك دينك ويفرج همك ... |
عليكم السلام ان ان لديك سند يثبت انك اعطيته المبلغ المعين عبر تحويل من البانك من حسابك الى حسابه احتفظ به واقدم شكوى ضده مع اثبات السند الذي يحتوي على اليوم والتاريخ والمبلغ المعين وان لم يكن لديك هذا السند ليس امامك خيار اخر سوى ان تدين المبلغ للسداد وفتح خدماتك وتستطيع ان تسدد للناس دينهم وذلك الشخص حسابه عند الله الناحية الايجابيه بالموضوع هو انه درس لك لكي لاتثق بالناس ابدا مهما بلغت منزلتهم وقربهم منك اجعل كل شيئ لديك بالادلة والاثباتات والتوقيع والاوراق لا تكن طيبا زياده عن المطلوب ولا تخجل من احد في الحق وهذا حقك وكان الاولى بك ان توثق وتحفظ حقوقك عبر سند بينكم او شاهد على ما حدث اسال الله ان يفك كربتك ويسهل امرك تحيتي |
عفوا لقد فهمت الموضوع بشكل خاطئ والان اتضح لي انت كفلت شخص بانه سوف يدفع المستحقات وهو لم يفعل و ورطك باسمك لانك الكافل له بمبلغ السداد ان كان ممكن ان يتم التدخل من قبل عائلتكم والاهل وتشرح لهم الذي فعله ابنهم ويحاولون ياتون بالمبلغ للسداد سيكون مساهمه لاخراجك من هذه المشكلة كان الله في عونك |
| الساعة الآن 09:23 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا