07-20-17, 12:03 AM
| #1 | |||||||||||
  
| 
زوجي مايعجبه طبخ 
تحطمت ماعد لي خلق اطبخ اجتهد واسوي واسوي ومايضبط معي زوجي يحب الاكلات الشعبيه ماعرفت اضبطها خاصه الجريش. ابدا ماعرفت له يطلع حب والقرصان ماحس له طعم واللقيمات اشكال والبسبوسه ماتنتفش وتصير شوي محروقه من تحت مدري ليش على اني اجلس بالمطبخ عشان انتبه واخر شي يخرب وحتى القهوه احس مالها ريحه مثل قهاوي الناس مدري ماعرف اطبببببخ باختصار ماعرفت شريت كتب احاول اتعلم ماقدرت حتى لو نفسي بحلا انا ماستمتع باكلي طعمه مو حلووو مو مثل اختي ماشاء الله طباخه حاولت تعلمني ماقدرت شسوي بنات زوجي واضح ياكل مجامله كذا وحتى اهله اذا ارسلو واضح عليه ياكل من اكلهم لان اكلي ماله طعم مالومه طيب ماقدرت اتفنن حتى ماعرف اتفنن ومره اختي ارسلت لنا اكل قال ماشاء الله ويمدح طبخها طيب اختي ارسلت لي وصفات وقالت لي امشي عليها بالضبط بس ابد الابد ماعرفت الحين برمضان اللي فات ماعرفت اسويله لقيمات امس احاول ولاحطيت منها الا كم حبه الحبات الباقيه مدري شلون قايله وسايله وحتى السمبوسه مالها طعم والله بنات اتكلم معكم بجد مدري وش اسوووي عشان اطبخ زين علموووني لاتبخلووون علي وفي احد منكم كانت ماتعرف تطبخ وعرفت ساعدوني بنصايح باي شي يطورني ويخليني اعرف اطبخ. الله يجززززززاكم خييييير  | |||||||||||
| |
|
07-20-17, 01:28 AM
| #2 | ||||||||||||||||
  
|
اهلاً أختي  .أولاً يومك تقوليِن ماعرف وماعرفت ومن هالكلام..خذيِهاا مني ماراح تعرفيِن تطبخيِن ولا شيء.. أنا مثلاً كنتّ مثلِك كان كل كلامِي "يوه ماعرف اطبخ،ومستحيل اعرف وافهم فِي الطبخ" الى إن جاء اليوم اللِي مسكتنِي فيه قريبتي ودخلتنِي معها المطبخ وقالت لِي "لاتسوين شيء بس ناظرِي لي وانا اطبخ" قلت طيب ناظرت الى ماخلصت..طبقتّ الطبخه نفسها وضبطت معِي..وضليّت يومين ثلاث ورجعت بأسوي نفس الطبخه ماعرفتّ..او إنِي نسيت،رجعتّ تحطمت ماعرف وماعرف وقلت فشيله اروح اقول للبنت إنِي نسيت شلون سويتيهاا توكلتّ على الله وقلتّ انا اعرف والطباخ سهل وذا "اسلكّ لروحِي مع شويّة رفع معنويات" وافتح لِك النت على انواع الطبخات واشوف اشلون يسوونهاا وانا اطبق معهم بنفِس الوقت وعلى هالحال إلى ما اتقنت الطباخ ،وبَس والله الزبده من هالكلام كله إنه قولِي انك تقدرين وراح تقدرين ان شاءالله :22:  ..
| ||||||||||||||||
| |
|
07-20-17, 04:34 AM
| #3 | ||||||||||||||||
   
|
اختي مادري ليش احس شايله هم الطبخ لحد ما وسوستسي وخايفه مايضبط تراا انا نفسي وما اتفاخر فيها احس طبخي اقل من عادي لان انا مو كل يوم اطبخ واعرف بالبدايه ماراح يضبط كل شي بس مع الممارسه راح اصير طباخه لان انا ماعندي بيت وحتى لو عندي بيت نفسك راح اجيب محهودي ضبط ما ضبط وش اسوي بتقوم الدنياء يعني ناكل من هالنعمه ونحمد ربنا غيرنا يدورها انا احس ان طبخك حلو بس من كثر ما انتي خايفه تحسينه مو حلو خايفه مايعجب زوجك انتي لا تخليني الطبخ اكبر همومك راح يضبط بعدين صدقيني واذا على القيمات كثيييير مااتضبط معاهم واولهم انا بتضحكين لحد ماتفطسين قبل ما تاكلين  | ||||||||||||||||
| |
|
07-20-17, 04:48 AM
| #4 | |||||||||
  
| ولو ان الموضوع خاص بالبنات لكن راح ادلي بدلوي من حيث خبرتي في الطباخ انااا بصراحه يوم كنت عزابي تعلمت الطباخ الطبخ على العموم يبغاله شي اسمه النفس في الطبخ من البدايه ماراح يكون الاكل جيد يعني زياده في الملح او يحترق الاكل او يصير حب وهلم جرا بس مع الوقت الشخص يتعلم من اخطأه ويصير يعرف المقادير ويعرف الكميه ويعرف كيف يضبط الوضع اناااا اقول الخبره هي الاساس انتي تعلمي تطبخي مع الوقت راح يصير طباخك حلو اتمنى افدتك تحياتي | |||||||||
| |
|
07-20-17, 05:47 AM
| #5 | ||||||||||||||||||||||||||||||||||
  
|
الفاضله / مشكلتي
 نص كرشات شباب السعوديه من الاكلات الشعبيه موب شرط اكل شعبي تفنني بالشيء اللي تقدري تطبخيه راح يحب اكلاتك مع الزمن وينسى الاكلات الشعبيه
شيء مهم في المعجنات والحلويات والكيكات حطي ملعقه اكل كبيره تراه ينفش مايضر ابد يعني هو عامل اساسي لنفش الحلويات المنفوشه القهوه العربيه اساسها الهيل مو قالت سميره توفيق بالله صبو هالقهوه وزيدوها هيل والشيء الثاني البن الفاتح كل ماكان البن فاتح كان فواح خذي نوعيه جيده والافضل خولاني حمسه اولى لجل مايكون غامق لان المحروق والغامق تقل ريحته والله انا اتكلم عن نفسي تعلمت من كتب الطبخ تحديداً كتاب الطبخ اسمه اطباق النخبة لـ ( امل بنت يحي الجهيمي ) عندي الكتاب القديم الاحمر بصراحه شيء مذهل للامانه اكلي يجنن استفدت كثير منه وذحين ناويه ع كتابها الجديد يقولون حلوياته تهوس  ومن بعد كتاب امل صرت افتح مواقع اجنبيه اخذ الطبخه واترجمها واطبقها وللامانه بفضل الله ضابطه معي كل طبخه اطبخها  والاكلات الشعبيه لو تقطعني امي تقطيع قطعه قطعه مابطبخها اذا الطبخ دوري اطبخ ع ذوقي حلو التغيير اقلهم اللي بياكل حياه واللي مايبي يصوم وفي كل مره ياكلونه ويحبونه والامور طيبه الحمد لله يعني بالمختصر مو مقيده نفسي ع اكله يحبونها اهم شيء انا احبها والسبب الطبخ نفس بمد النون وذوووق فاذا ماحبيتها مابعطيها نفس مني فبتطلع شينه نفسيتك لازم تكون حلوه لجل طبخك يكون حلو والاهم تطبخي بحب والله جد لو تطبخي بحب راح يكون حلو اكلك من الله لو هو بيض حتى في صحن التقديم يكون غير ذحين المهم وشوله تهمين بالجريش ذا  انا اسمع به ماقد ذقتوووالمهم ماعلينا ممكن تعملي اكله ثانيه يحبها وينسى سنين الجريش احس دمر طبخك هو انتي حابه تضبطينه تمرني في اطباق جانبيه وبعدها راح يزين معك لان ثقتك رجعت لك تقبلي ردي وعبق وردي مع خالص احترامي لسموك آسيرة حرف | ||||||||||||||||||||||||||||||||||
 |
|
07-20-17, 06:37 AM
| #6 | ||||||||||||||||
 العـ(احمد)ـالمي
|
الشخص اذا يعطي عقله الباطن رسائل سلبيه يصدقها ويرسلها للعقل الواعي وبالتالي تكون مفهومك والعكس اذا ارسلت له رسائل ايجابية لذلك انصحك تعززين ثقتك بنفسك وتقولين ان طبخك حلو وراح يصير حلو او التحقي بدورات تهتم بالطبخ ربي يوفقك | ||||||||||||||||
| |
