|
موضوع مُغلق |
| LinkBack | أدوات الموضوع | انواع عرض الموضوع |
08-07-17, 10:56 PM | #1 | |||||||||||
|
حياتي الجميله أم الوظيفه.
[B][B][SIZE="4"]الحمّدلله والصلاة والسلام على رسول الله . سلام الله ععليكم: ياأحباب! ________ معاكم أختكم عمـري 32 عندي طفل وطفله 3سنوات - 9شهور الله يحفظهم ... تزوجت من رجل زينة الرجال( ماشاء الله) زوجي عمره 41 وتزوجت عن حب ويحبني وشاركني بكل تفاصيل حياتي الجميله. مايقصر علي ولا على عياله .. مأمن مستقبلنا وسفريات وحياتنا جدا جميله مشاكلنا جداا عاديه ... وأقل من عاديه ربمُّاا لأننا شديدين الحب لبعضنااا.. __________ لدينا بيت ملك لنا دورين - سيارة جديدة - راتب زوجي ماشاء الله فوق ال25 ألف .. ________ أنا خريجيه جامعيه تخصص شريعه إسلاميه - جاء آسمي في التعيين وأصير معلمه سبحان الله كل شي بالصدفة وفجاءه جاءت هالوظيفه. ________ المهم الآن : ماذا افعل أصبحت في حيرة شديده والله ... بيتي وزوجي في مدينة الرياض وأهلي في مكه المكرمه ... والوظيفه في أقصى جنوب الملكه .. أفكر كثيراا يالله اش اسوي كل القريبات والصديقات والاهل روحي الوظيفه روحي زوجك مابينفعك.. وفِي الحقيقة لم أرى الحياه الجميله الا مع زوجي _________ لأن أنا شديدة الكتمان على حياتي مع زوجي لاأظهر أي شي ويحسبون مثل كلامهم ليس مهم الان ( كلامهم) ________ يشهد الله لو بروح الوظيفه عشان بس حلمي اللي تمنيت تحقيقه .. ان أصبح معلمه . لكن زوجي قال لي القرار لك عشان ماتقولي أني حرمتك _________ زوجي في الحقيقة مصروفه لي 3500 وأطفالي كل واحد من 500 يعني مره مايقصر معنا ويسفرنا ويطلعنا في المناسبات أجمل الناس > لااقولهااا بفخر لكن حتى ترون زوجي كيف يحبني ... ويحب أطفاله . ________ اذا ذهبت هناك سوف اسكن لحالي وأنتم تعرفون قرى الجنوب ... كيف مقطوعة السبل لكن أكيد بحصل معلمات هناك. أنا تعودت على روتين الحياه الزوجيه اصحى بدري وأفطر زوجي وأجهزه ويجي وأنظف بيتي وأطبخ واستقبله احسن استقبال يعني ( جدا أناا حسنة التبعل لزوووجي) والكل يشهد علي ، وعلى راحة زوجي حتى هو يقول يووءء ياامم سعود تبغيني أرجع عزابي لارحتي ... أحبه والله وأحب بيتي وحياتي هكذاااا لكن حلمي وطموحي أني أصير معلمه تحققق _______ آنتم لو مكاني ماذا تفعلون !!!!!! أبي يقول لي لاتروحي لو زوج غير زوجك بقولك روحي لكن شحطططه وغربه وزوجك ماشاء الله حالته الماديه زينه لا ي بنتي اقعدي في بيتك الحرمه بيتها احسن لهااا.. أمي نفس كلام زوجي القرار لك. زوجي عارفه مايبغاني أروح لانه ماينام الا في حضني ولا يأكل الا من يدي اذا سافر للعمل يجننن لين يرجع بيته .. كيف لو تغربت سنوات !!!! لكن من اول ماتعرفت عليه يعرف طموحي ومااقد حطمني آبددد . مايبغى يكسر فرحتي . ______ آرجووو الاّراء الفاضله ( آخواني - آخواتي ) أم سعود ... | |||||||||||
|
08-07-17, 11:35 PM | #2 | ||||||||||||||||
|
حبيبتي ماعرفك لكن انتي تقولي مرتاحه بحياتك وزوجك مو مقصر معك صح وبيت ملك واطفال يعني الحمدلله مافي داعي للوظيفة وزوجك خيرك لكن اتوقع وفي قرارة نفسه ماراح يرغب بروحتك وبعيد عنه طيب اطفالك !!!! دامك مرتاحه ومستانسه بحياتك عيشي حياتك الجميله وخلي الوظيفه الحمدلله وانتي صلي استخارة وفكري بوضعك وحياتك والله يوفقك | ||||||||||||||||
|
08-08-17, 12:08 AM | #3 | |||||||||||||||||||||||||
|
الفاضله / مشكلتك وعليكم السلام ورحمة الله وبركاته اسعد الله مساك وحقق الله مناك بعد الاطلاع ع مشكلتك هذا ما اجدت اقتباسه
لو انا بمكانك راح ارحل الى مستقبلي المهني اي كانت حياتي وكيف كما كنت تعج بالغنج فانا لم ادرس لكي ابروز شهادتي يهمني ماكرست فيه سنيني ان انميه واهتم فيه مهم لي ان يمارس ذهني ماتعلمته في البيئه المناسبه له لان البشر نوعين : نوع يحتاج للعمل من اجل المال وهذا طبيعي جداً بينما هناك من يحتاج للعمل بهدف تحقيق الذات لان العمل يعنل ع تطوير الانسان وتأسيس علاقات مع المجتمع والاندماج معهم التغرب لمدة عام ليس كثيراً كون النقل الان اصبح متاح بعد عام وتقدرين تنقلين ويقدم زوجك طلب بذلك حسب مكان معيشتكم وظروفه العمليه التي لاتتيح له التواجد معك ومن الممكن ان يقدم ع اجازه وياتي ليسكن معك فتره مؤقته وبكذا الوقت بيمر وبما ان اطفالك صغار فعادي غير مرتبطين بمدرسه امرهم سهل جداً واذا هو مهتم بحلمك كما انتي مهتمه بحياتك الزوجيه اذاً بيكون في انتظارك ويدعمك ع ذلك باختصار انتي وش تفضلين الحياه المهنيه والعملية كطبيعة بشريه يحتاجها البشر ام الحياه البيتوتيه الخاليه من اي ارتباط عملي خارجي عن حدودها مع العلم ان الاوله لن تؤثر ع الثانيه بما ان الفتاه قادره ع التوازن بينهما بدون ان يتأثر احدهما او كلاهما ورحم الله امرئ عرف قدر نفسه انتي اللي تلقين نفسك قادره عليه اعمليه وختاماً استخيري ومن ثم قرري لكي يختار لك الله ماهو خير لك الله يسعدك في حياتك اكثر واكثر وينولك مرادك تقبلي ردي وعبق وردي مع خالص احترامي لسموك آسيرة حرف | |||||||||||||||||||||||||
|
08-08-17, 12:28 AM | #4 | |||||||||||||||||
•~ رونق التوليب ~•
|
و الله يا قلبي انا ما اشوف في داعي انك تتوظفين و تبعدين عن زوجك و اطفالك و وتبهدلينهم من بعدك الحرمة جهادها في حسن تبعلها ، الوظيفة وش بتفيدك فيه ؟ و الله ما يسوى تبعدي عن اطفالك و اسرتك اذا الحياة يسيرة و ظروفك زينة و ان شاء الله ربي ما يغير عليكم و ما يحوجك للغربة ربي يهنيك بحياتك | |||||||||||||||||
|
08-08-17, 12:33 AM | #5 | ||||||||||||
|
الله يحفظكم لبعض انا احس منتي محتاجه وظيفه حاجه الزاميه وانتي حره اكيد لكن حاولي تدورين وظيفه بديرتك اذا غبتي راح يتعب زوجك بغيابك ومع مرور الوقت يتعود على غيابك ويمكن يستغنى عنك .!!!!!!فاانا اقولك اذا شي مو ضروري يااختي اتركيها لوجهه الله وعشان زوجك وعيالك ماتدرين لو تجيك وظيفه بديرتك ديار الجنوب بعيده وبتتعبين نفسيا بالبعد ماشاء الله عليك مو قاصر عليك شي في ناس احوج للوظيفه ذي وانتي منتي محتاجتها وتقدرين تقدمين على اهليات او انتظري يمكن تجيك وظيفه بديرتك كلامي مو اجباريه لك هيمجرد رائي وانتي بكيفك ربي يوفقكم ويعينكم | ||||||||||||
|
08-08-17, 12:40 AM | #6 | |||||||||||||||
|
ممممم شوفي زوجك مشاء الله رجال ومو مقصر معك بس مادري في نظري الرجال مالهم أمان يعني عادي في غمضة عين يبيعك إنتي فكري يعني شوفيها من كل النواحي كمان اذا مارحتي الوظيفه افتحي لك مشروع لازم تضمني لك دخل عشان لو صار شي لاسمح الله ماتندمي وفكري وصلي الاستخاره صدقيني ربي بيختار لك الأفضل الله يسعدك ي رب ويهنيك💕👌 | |||||||||||||||
|
موضوع مُغلق |
مواقع النشر (المفضلة) |
| |
| أصدقاء منتدى مسك الغلا | | |||||