قصائد مختارة للشاعر ماجد بن هواش السليمي الا يامداهيل الصبا جرح قلبي ليه . . . بعد مابرى عدت مجارير سالفته تناسيت مابه عمد ماني ترى ناسيه . . . اشوف النجايب درهمنبي وخالفته وربطت الرجاء بالمقبله والعزاء طاويه . . . ولا انشد عيوني لو هي الدمع ذارفته* وبعد مانتحى وقتي وباع العنا شاريه . . . ونامت عيون طاري النوم عايفته عرجبي زماني وعرجنبي بلا تنبيه . . . مقادير وقتي لين ماطفت صادفته* صحيح الرسوم الباليه مابلى تحييه . . . وتكوي ضميرك لو طمى الوقت عاطفته* سقى الله زمان لو نحى وانتحى طاريه . . . لياابحر خيالك جاب صور ه لطارفته* وعرضك ليل مايحمد السرى ساريه . . . تهيم لطريق فدت العيس وانكفته* وتحيرت والحيره على القلب مما فيه . . . خيالك يصور شي شفته ولا شفته .................................................. .................................................. ........................ يا علي أنا جيت بطرف حـاجـتـن لــي . . . مـاودي ابـديــها عـلـى غـيـر مـاثـوق* ابــي لــها شـبـلـن سـبـوحـــه تــدلـــي . . . مـصـدار مـيراد عـلـى كــل طــاروق* امـا وقـف ميـقـاف يـشـفـى المــغلــي . . . والا اعتذر واغلق على السر صندوق* بـاقـول لـك عن حاجتي وانت قل لـي . . . عـلـم يـقـدم خــيــر والـشـر مـفـهــوق* أنــا بـلـيـت بـصـيـحـــة فــي مـحـلـي . . . صـيحة ضعيف له ورى القوم ماسوق* وأنــا اعـزلي ومـن الـذخيره مــقـلَـي . . . لا آصـل ولا تـاصل مـناديـبي السـوق* وبين السماء والارض صرت متدلي . . . لا ارض تـقـبـلـنـي ولا طـالـعـن فــوق* وفـيـما يـقـولـون الـرجــال اسـتـدلـي . . . بـاقـول لـي كـلـمـه ولـو كـنـت مسـبوق* دمـعـة صـويـب الـصـايب المستذلي . . . تـجـرح وتـاخـذ فــي مشاعرك طـاروق* يـقـول دورات الـزمـان حـبـلـن لـي . . . جـابـنـي الاسـبـاب مـن راس شـاهـــوق* آمـنـت غـرات الـدهـر وكـمنـن لـي . . . لـو كـان مـاعـطـني ظـمانٍ على البــوق* وعـليـك يوم ان الظنون اشـرن لـي . . . عـنـدك عـسـاك مـجـار من ساعة العوق* .................................................. .................................................. ......... اسمع الله لايهينك هيض من فيض القريحه . . . ياصل الحبل القصير ويقصرالحبل الرهاوي والله انا نحتسب بالصبر خوف من الفضيحه . . . لين تبلانا على تالي ركايبنا البلاوي وكان فاحت للثميدي في سماء الاحداث ريحه . . . عقب اللي ضربته ينجح بها طب المداوي وانت ياللي شفت للشرهه على مبداك ليحه . . . وش خطايه يوم تلحقني مقطعة العراوي انت تسعى في عمارة البرج ولا في مطيحه . . . يوم لاتقبل ولاتقفي ترى ويش انت ناوي كان لك قلب (ن)تدالاه الهواجيس المشيحه . . . قودها قود الاصيله لا تكن ولا تراوي ادري انك لا عني ولا لهابحماك صيحه . . . مار مايدو الهواء الا فيك ياقلب الهواوي انت قصدك تستزل العذر ولا تستميحه . . . او قامن يصغرن ويكبرن فيك الهقاوي مايضيق الكون وارض الله على الساعي فسيحه . . . سير لراغب سير راهب وارقب النجم السماوي والخطاء سد العوارف لو تحصن يستبيحه . . . يوصل الرجال للقصياء ولو ماهو قصاوي والعقول من الهروج العوج دايم مستريحه . . . لا يزعزعها الصياح ولا تحركها العزاوي* |
صح لسان الشاعرر وصح بدن ناقلها قصايد رائعه تحياتي |
قصآيد رائعه يعطيك العافيه |
بارك الله فيك ... ننتظر منك الكثير من خلال ابداعاتك المميزة لك منـــــــ اجمل تحية ــــــــــي |
الساعة الآن 03:44 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا