ماعاد ابو نوره اذا شغلت يطربني....بقلمي
 

ماعاد في الدنيا ابد شي يجذبني
واحس باشياء ماودي احس بها


العام كانو كثير الي يصاحبني
واليوم ماعاد به ناس(ن)اصاحبها


مدري انا ارتحت ولا الهم عذبني
مشاعر النفس بالقرطاس بكتبها


بنيت الافكار ولين اليوم انا ابني
وفكره حزينه اذا لاحت تخربها


حتى خفوقي اذا سولفت كذبني
اخاف اقول اشياء ماودي اسربها


ماعاد ابو نوره اذا شغلت يطربني
ولا عاد نفسي جميع الفن يطربها


اصبحت هايم وموج البحر يضربني
ياصعب دنياي ايه والله مصعبها


ماعاد شي(ن) بهالايام يعجبني
وحتى القصيده اذا جيت بكتبها



لعل ربي من الاحزان يجذبني
وترتاح نفسي من هموم(ن) تعذبها

تسلم اخي على هذه الابيات الجميلة

سلمك الله اخي الفيفي

شكرا على المرور والاطرائ الرائع

تحياتي

قافك يابن ماضي شرق بي . وغربني
وشلع بي لدار عني الغيم ..... حاجبها
ولولا حجاب النحيت ومفرح الظمني
وخلف وشرطان الفن اللي ... مجربها
تقطع طريق طويل وفنهم ....... فني
ان كان دربيت الروح للموت واجلبها
ما شاقني فن ابو نورة ولا . اعجبني
لو كان فنه له الجمهور ...... واعجبها

علامك علينا يا بو ماضي ، كل ما هدأت النفس ، بعثرتنا من جديد ، قصيدتك هذي أعادت الذكريات ، وجددت العذابات ، فرحمة بنا فلسنا كما كنا نحتمل ، على كل اعجبتني القصيدة كثيرا ، بل انا بها سعيدا جدا ، اسعدك الله كما اسعدتنا بهذا القاف الجميل ، وصح السانك وانت ابو الجمايل لاهنت .

هلا بشاعر المنتدى بو سلمان

المعذره اذا جددت احزان مدفونه

لكن زي ماتعرف الشاعر يحب يطلع الي في خاطره

ولو كانت ابياته حزينه

مشكور اولا واخيرا على مرورك العذب الجميل

لا خلا ولا عدم شاعرنا المبجل

تحياتي عزيزنا

ماعاد ابو نوره اذا شغلت يطربني
ولا عاد نفسي جميع الفن يطربها

أبدعت حبيبنا الغالي
وصح لسانك