((العيد قرب والوطن خارج العيد))
 

العيد قرب والوطن خارج ... العيد
وحنا فقدنا عيدنا مع ......... وطنا
نعيش بغربة وزايد الهم .. وتشريد
وسود الليالي بالبلاوي ....... وطنا
عامين وعيدي بين دار . المساعيد
في غربة والهم منا ............ ومنا
ما به ردى منهم ولا به ..... مناقيد
مير ان القلب اشتاق لشعبه . وحنا
لا واهني من شاف حزم الجلاميد
والا وقف بالحد وهيجن ..... وغنا
عسى يرد الصوت شيخ الصناديد
مليك الحزم ويرفع الضيم ..... عنا
حنا الرعية وسيدي السيد .. السيد
اللي يتفقد حالنا ............. ما تونا
سلمان ينادي يا ندي الكف . والأيد
وكفوفك اللي بالعطايا ........ عطنا
سلمان ينادي يرفع الصوت . ويعيد
سميك اللي وسط الاردن ...... معنا
لا هو دخل وامه ولا حسوا ... بعيد
ولا من قريب ينشد اليوم ....... عنا
وسط الزعتري سيدي كني .... بقيد
وانت السند يا عزوتي ...... والمجنا
عسى السعد يا سيدي وفرحة العيد
في عطفكم باللي رجاك ....... وتمنا

القارظ العنزي

صح لسانك شاعرنا بو سلمان

والله يفك عوقك

ويردك سالم غانم

واسأله تعالى ان يصلح لك ولدك سلمان

دمت بود

تحياتي

صح بدنك ابو ماضي الله يقبل اللهم آمين ، اشكرك على مرورك وتعطيرك لصفحتي بكلامك الجميل ودعواتك الصادقة لاهنت .

هلا بك غربة الله يجمل حالك ويتقبل دعواتك الصادقة احترامي

مهما حصل منه . . يبقى .. وطنا
وملك الحزم .. يبقى هو . السيد

الحظ عليك . . يا القارظ .. تجنى
سلسل يديك ووضع برجلك القيد

والزمن .. على حطك مول وغنا
وانت . رغم المصايب تبقى عنيد

وحنا اخوانك .. يا التغلبي .. حنا
عن نصرتك يا خوك لا يمكن نحيد

اطلب . . وانا اخوك علينا وتمنى
وتلقى مننا العز والشي المفيد

يا الله تسعد اليوم قلب المعنى
عسى يا القارظ تلحقك فرحة العيد

لا بد ملكنا على مثلك قلبه يحنا
ولنظر في وضعك .. ثاني يعيد


اسأل الله يسعد قلبك با الامر السامي عما قريب ..
صح لسانك مليون ولا يسدون اخي القارظ العنزي ...

لا خلا ولا عدم ...