|
فراغات .. مدخل تاهت على كف الرجا ثلث الأيام وآنا يقيني بالرجا ما تغير .. واليوم عمرٍ من تفاصيل الأحلام آعيشها وآقول ليه آتحير .. // لهذه الأبيات قصه .. لكم أن تقرؤوها بومض السطور ولكي أخرجكم من الحيره .. هي موجهه خارج الصرح .. جاملتكم وأنتوا بعيني فراغات وانا اكبر من أعظم مدى في فضاكم .. لا شفتكم حتى جميع المسامات في جلدي القمحي تضيق بغثاكم .. تستنزف احساسي صغار المحطات وآحاول إني ما تنفس هواكم .. تلوثت حتى الصدور العفيفات لو جاورت سهواً بعض من خَطَاكم .. ما ودي اشرح وضعكم في عبارات يمكن تسولف عن شتايم غلاكم .. متلويه حتى جميع الطروقات هذا اذا سارت عليها خُطَاكم ... لأنكم حمقى بترك المسافات والأحمق إنكم محترمتوا إعداكم .. شف غطرسة حزني حروف وفراشات تصنع تبسامة فرح في شفاكم .. شف ملحمة صبري تعيد الصياغات لعلها تُرجع إليكم حياكم .. ألم ترى في ذات الأبيات بالذات شاعر يغذي منطمس من غباكم .. ترتاب الأنفس في سمو العلاقات وليا أساؤوا الظن قلنا وراكم .. اثرتوا بصدر البياض الحزازات هذا لأن الحقد صار يغشاكم .. سوادكم ماهو سواد العبايات سوادكم طعن القفى باخوياكم .. غسلت كفي بعدكم سبع مرات مدت وفا وأنتوا خمايج عطاكم .. كمذا وانا مقفي ورا صمت الأبيات حتى السوالف كان مرت بفاكم .. المجتمع هذا ضجيج وشعارات يا مدعين المعرفه وش بلاكم .. ما عاد لي رغبه بخوض النزاعات تسابقوا حتى بغدر أصدقاكم .. كبيركم كنه بليغ المنصات مع إنه أصغر من تفاهة حداكم .. وأبيات فكري شمس وتضخ هالات اللي لها تندى عصايب لحاكم .. ماني بشاعر لمَّعته الفلاشات وجودي أصلا نور يضوي سماكم .. ولا تحسبون الصمت خلاني شتات الصمت هيبةْ واحدٍ ما يباكم .. وان كان صدري غادر الصمت بسكات هذا لأني فوق عن مستواكم .. فيني حديث طعون وإلا ملفات شاعر يروز الحرف قبل يهجاكم .. والتجربه منها حصدت القناعات بأنكم أضيق من أوسع مداكم .. كمذا وانا اقول السوالف فراغات ووجيهكم عندي تشابه قفاكم .. عتيم 18 / 12 / 1438 هـ ... |
ولا تحسبون الصمت خلاني شتات الصمت هيبةْ واحدٍ ما يباكم صح لسانك اخوي كلمات جميله وحزينه بنفس الوقت دائما بنتظار جديدك |
صح لسانك اعانهم الله على مثل هذا الهجاء شكرا لك على هذه الابيات ولو انها قاسيه تحياتي |
احجز مكاني لرد لي عوده باذن الله |
ولا تحسبون الصمت خلاني شتات الصمت هيبةْ واحدٍ ما يباكم .. وان كان صدري غادر الصمت بسكات هذا لأني فوق عن مستواكم ..... صح لسانك....واعتلى شآنك ليت قومي يعلمون هي لغة لايفهمها الجهلاء هي مايستحق الوقوف تصفيقاً الأسباب كثيره لصياغة مثل هذا القصيد لكن كلن سيغنيه على ليلاه هنا لسان حالها يقول نعم كما يقال الصمت ليس ضعفاً إنما عظمه نعم كلنا نجيد التعالي وأعلى انما العلو بثقل الأخلاق اعطيتني فرصة لاقول ذلك هناك سطور راقتني أكثر.. إنما حاولت ان لا انسخها كي لا اثير بعض الضوضاء على الأقل داخل عقلي.... عتيم! عجبي ماذا اقول لك دائماً كلماتك تفرض على قارئها إعادة القراءة لها... وبعد ذلك الفرض نوافل الإعادة احترامي لقلمك المثير للجدل دائماً... ذاك الذي كالسيف العربي القديم لايستل من غمده إلا وعاد بنصر تحياتي لك وكل التقدير ،، |
لا شفتكم حتى جميع المسامات في جلدي القمحي تضيق بغثاكم جميل جدًا هذا البيت تستنزف احساسي صغار المحطات وآحاول إني ما تنفس هواكم .. تلوثت حتى الصدور العفيفات لو جاورت سهواً بعض من خَطَاكم صور فنيّة راااااائعة ما ودي اشرح وضعكم في عبارات يمكن تسولف عن شتايم غلاكم .. متلويه حتى جميع الطروقات هذا اذا سارت عليها خُطَاكم ... لأنكم حمقى بترك المسافات والأحمق إنكم محترمتوا إعداكم .. شف غطرسة حزني حروف وفراشات تصنع تبسامة فرح في شفاكم .. شف ملحمة صبري تعيد الصياغات لعلها تُرجع إليكم حياكم .. ألم ترى في ذات الأبيات بالذات شاعر يغذي منطمس من غباكم .. ترتاب الأنفس في سمو العلاقات وليا أساؤوا الظن قلنا وراكم .. اثرتوا بصدر البياض الحزازات هذا لأن الحقد صار يغشاكم .. سوادكم ماهو سواد العبايات سوادكم طعن القفى باخوياكم .. غسلت كفي بعدكم سبع مرات مدت وفا وأنتوا خمايج عطاكم .. كمذا وانا مقفي ورا صمت الأبيات حتى السوالف كان مرت بفاكم .. المجتمع هذا ضجيج وشعارات يا مدعين المعرفه وش بلاكم .. ما عاد لي رغبه بخوض النزاعات تسابقوا حتى بغدر أصدقاكم .. كبيركم كنه بليغ المنصات مع إنه أصغر من تفاهة حداكم .. وأبيات فكري شمس وتضخ هالات اللي لها تندى عصايب لحاكم .. ماني بشاعر لمَّعته الفلاشات وجودي أصلا نور يضوي سماكم .. ولا تحسبون الصمت خلاني شتات الصمت هيبةْ واحدٍ ما يباكم .. وان كان صدري غادر الصمت بسكات هذا لأني فوق عن مستواكم .. فيني حديث طعون وإلا ملفات شاعر يروز الحرف قبل يهجاكم .. والتجربه منها حصدت القناعات بأنكم أضيق من أوسع مداكم .. كمذا وانا اقول السوالف فراغات ووجيهكم عندي تشابه قفاكم .. نص جميل ارتكز على المقارنات والوصف بأسلوب شعري ممتع لا يمل زاخر بالصور الشعرية الجميلة والمحسنات البديعية نص يصف حالة وموقف ودفاع شاعر يعرف فنون الرّد جمييييل هذا النص والحقيقة الحتمية أن العتيم لا يقدّم إلا الجمال ولا يتواجد إلا متميزًا متفرّد الحرف والمعنى صح لسانك ودمت متألقًا بانتظار الجديد بشوق |
| الساعة الآن 03:44 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا