... إنت الخصم والقاضي ...
 

هذي القصيده غنائيه من قديم اوراقي ...
فحبيت انثرها في المنتدى دون اي تعديل فيها ...
اتمنى ان تروق لذائقتكم الشعريه


احبك .. رغم هجرانك
احبك . . رغم نسيانك
ولو في يوم ترجعلي
ابيع الدنيا . من شانك


عذبني .. انا .. راضي
إنت الخصم . والقاضي
انا راضي .. بما تحكم
بما ينطق .. به لسانك


إنته .. جنتي .. وناري
وانته .. كل .. اقداري
بدونك . . عيشتي مره
ابي .. عطفك وتحنانك


ابصبر .. لو . تجافيني
ولو دمعي غشى عيني
حتى . لو جفت عروقي
ما اشرب .. غير هتانك


مهما في حبكم قاسيت
ومهما في بعدكم عانيت
احبك .. يا هنا .. ايامي
احبك .. رغم .. هجرانك


اخوكم .. نجم ضاوي ..

.. وهي حصريه لمنتدى .. مسك الغلا ..

صح لسانك ياخوي

ولول والا ما . تولول
عمرك اقفى يا مهلهل
وش عاد تنثر اوراقك
مع اللي راح . وخانك

لو تنشد وين .. دياره
في جيزان ... العمارة
مشغولة في ... بزرانه
وانت عايش باحزانك

يا سيدي خلك . معيه
تتوب وتسلم ...... ليه
راحت عليك .. الحلوة
ولا لك غيري باخوانك

تعال وعمر ...... شيشة
وتضرب لي عود بريشة
ونسلى عنها ... بالعيشة
مع بزراني ..... وبزرانك

الحلوة ما هي ..... ترفه
صارت عجوز .. وخرفه
انس الماضي . والحقني
وافتح معيه ...... دكانك

مع بنات ......... الزعتري
هن الحياة ........ وعمري
لو شفتهن ......... يالغالي
تنسى والله ...... جيزانك

صح السانك يا بو ضاوي ، والله لك ماضي وقديم يخوف . عطاء عاطفي غير متناهي ، الله يسعد قلبك . سامحني على هذه المجاراة الباءسة نوعا ما ، لأنني عكسك أعيش باحزاني المزمنة فلهذا جاء ردي متحطم وتفاءلي ضعيف لاهنت .

صح لساااانك ياغالي
يعطيك العافيه
ليس غريب عليك الابداع وتألق حرفك
سلم لنا بنانك وقلمك
لك كل الحب والتقدير ً