((يا بنت ياللي للمواتر تسوقين)) يا بنت ياللي للمواتر ...... تسوقين صفي على جنب وتعالي .... معايه نبي نتعرف يالغلا يا ريش .. العين وانتي الاميرة عقب ما انتي ورايه لا والدك يدري ولا الناس ... دارين نعقد صداقة وترتمي في . . هوايه هذي هي الدنيا ترى ما بها ... شين انتي زميلة درب ونكتب .... رواية نكتب رواية حب وقصة .. خليلين تعاشقوا بالدرب وهذي ... الحكاية ولا عليك بقولهم عيب ..... بالدين وهذا حرام وذاك فعله ...... غواية هي فرصة العشاق بظل . القوانين نلعب هوى وبلاش لبس ... العباية ارمي بها يا بنت بين .... البساتين وفلي لي هالشعرات وتمطر سماية نبي نعيش بجو حلو .... وتروقين وقلبي يعيش بجوكم .... يا غلايه ونعدل القانون الماضي .. له سنين اللي حرمنا عشقنا ......... يا نمايه القارظ العنزي |
مشاركة جميلة ومميزه مواكبه للحدث سلمت يمناك |
أهلين أخي الفيفي 2017 ، الجمال في مرورك العطر ، هذه هدية اليوم الوطني وبمناسبة ما يراه مليك الحزم حفظه الله حق مكتسب للمرأة السعودية لاهنت . |
اهلا اخي .. القارظ العنزي .. احجز لي مكان للعوده مره اخرى ... تحياتي لك ايها الشاعر الراقي ... |
اهلا وسهلا سيدنا ابو ضاوي ، مكانك دوما محجوز في قلوبنا ، أما في الصفحة فهو أمر مفروض علينا ، وهل العين تعلا على الحاجب ، فالصفحة صفحتك ، والقلب بيتك . |
؛ ..كل النساء في العالم تقود السيارة لم يقتصر على الغرب بل كل البلدان تعتليها البلدان المتدينة ونسائهم محتشمات في كل الأحوال ومهما تغيرت الموجات والشعارات والأفكار وحدها القيم والمبدأ والأخلاق هي من تسمو وتبقى شامخة ومن يرا بأن القيادة عار ويتصورهن مستقبلا بمثل هكذا وصف عليه ان يقشع جلده ويدرك بأن من صنعتهم لم تصنع رجال ..! بالمناسبة نساء الانبياء والصحابة من قبل سبقننا وركبن الدواب وخلدهن التاريخ ويبقى هذا الحق مشروعا لسائر النساء سواء شرعته الدولة او لم تشرعه والمصلحة تبقى لمن سعى في الأصلاح مهما عظم في نظره الخطأ ..! تحيه |
صباح الخير هلا خبروني قانون المملكه سمح بانه اابنت تسوق سياره ؟ مجرد سؤال والله |
شو يا احلام ما عندك أخبار عاجل ؟؟!! وما فيه صح السانك ؟! |
من نناحية الاخبار مابتابع لان مافي خبر يسر البال اما عن صح لسانك حقك علي صح صح لسانك مليون صح كلك كقصيده اعجبتني اما المظمون لا ماعجبني انا بسوق سيارتي وبطلع فيها ويخسى اكبر راس وافخم شارب عن لمس طرف شالي |
صح خفوقك يا احلام ، والمظمون معناه في بطن الشاعر ، وهو موجه لمن يفطن اليه . |
صح لسانك شاعرنا مع معارضتي لهذا الامر الذي اتمنى ان يلغى فبه من الخراب الكثير الله اكفنا شر هذا القرار وما ستأول له الحال بعد ذلك |
صح بدنك يا بنت ابوها الغالية مسك الغلا ، نعم هذا الامر أول خرابه فتح شهيتنا للغزل في ثوبه الجديد !! |
اقتباس:
صح لسانك يا شاعرنا الكبير القارض العنزي وبالأخير كلكم راع وكل مسؤول عن رعيته:1: كما قال النبي صلى الله عليه وسلم وعسى الله يحفظ حكومتنا ويسدد أهدافها على الخير |
هلا بك يآسر كلك ذوق ومفهومية لاهنت |
صح لِسـآنك ي القارظ واعتلا شانك قصيده جميله سؤال ايش فيها لو عندنا ب السعوديه النساء ساقوو يعني جت علينا حـرآم .. مو كل الدول اللى جنبنا اسلاميه وحريمهم يسوقون سيارات ترانا مضلومين وربي يعني خلونا نسوق وفكونا منكم يا الرجال البنت تجلس تتشحت ابوها واخونها عشان يخروجونها وفوق هذا كلو مايبغونا نسوق امركم لله :MonTaseR_149: ي القارظ كلمت نجم ضاوي قلت له ابغا بنتلي 2018 رفض قال على جثتي لو سقتي ماعندي بنات يسوقون بالله مو حرام :outhg!: احزنكم شويات :MonTaseR_215: |
هلا بك يا بنتي الغالية احساس . مع ان الضاوي يمنع النصوص غير الشعرية أو ما يلحق بها في هذا القسم ، لكن بارد عليك ، بالنسبة للدول الاسلامية التي ذكرتي ، فالعقيدة الاسلامية السلفية تفرق بين الدولة وشعبها الاسلامي بالحكم اذا كانت الراية جاهلية ، فالشريعة هنا تنظر للراية الجاهلية في حكمها وتفرق بين الراية وشعبها سواء في سلم أو حرب ، اذن لا قياس !! بالنسبة للضاوي فهو ظالم فالاصل ويجور في حكمه وقد ظلمني من قبل يظلمك ، فاصبري واحتسبي . وانا صابر محتسب مستعيني هههههههه سلمك الله يالحبيبة وجنبك الفتن ما ظهر منها وما بطن ، فصلاتك في غرفتك خير من بيتك . وفي بيتك خير من مسجدك !! |
اسمعي يا بنت كان توحين وتسمعين هذا القرار . . اول دروب . . الغوايه كان .. القرار افرحك .. انك تسوقين لا تحسبين . . إن السواقه . . هوايه الله يستر . . من قرار . . وله حدين جاب . . لنا العار . . وجاب .. النكايه كيف . ابوك . . يرضالك . . تسوقين وانتي ما عندك .. عن السواقه درايه وتختلطي .. بين السعودي ومقيمين الاحتشام في البيت . . جمالآ .. وايه علي الحرام .. ليصبح . الوضع شين القرار اصدر . . بليا دراسه .. ودرايه مين يرضى على بنته تدوج الميادين مابه من ورى .. سواقت البنت غايه العاقبه شينه يابنت وبكره تشوفين والمصيبه يا اللي قريتو القاف جايه |
لكم وحشه يا الغارظ ونجم عساكم بخير يا الربع يقول دافي .. خلط الأمور توجع العين والعاقل مايضن التصحيح نكايه تجهلون ظروف من يحده الشين وتجعلون مآسي حريمنا حكايه كلً يدعي تمسكه في الدين ون خوفه على اعراضه غايه كن الناس وحوش بالميادين وكن البلد بلا حميه و لا حمايه مسكين لمتبع ظنه مسكين شاف حصن المستورات غوايه كم من بنت هتكها سواق بكمين وكم محتاجه اخفت عننا روايه والسواقه يا ناس للمحتاجين لا تذومون الغير بليا درايه كم من ضعيفه فاقدة الحصين ماشفع لها الغاوي لبس العبايه اتقول الله في نفسكم وفي الدين مجتمعنا ما يحتاج لأخلاقه دعايه ربينا على مبادئ تسطع بالجبين شهامه ونخوه وفزعه ورعايه الله كفيل بحفظ نساء المسلمين وحذرو هرجً مضمونه وشايه |
بناتنا ما عندهن قول ........ قولين ولا تربن في ملاهي .......... وغابة عاداتنا واسلومنا ......... والقوانين تمنع خروج البنت دون ..... القرابة واللي تربى في بيوت .... العريبين ما ينذكر زوله يسوي ........ خنابة والله لو حطوا له القرش .. قرشين يرجع على اصله ما يبيع ... المهابة ومن خانه اصله يكمله كامل الدين والدين ما به يا عزيزي ...... دعابة قرآن محكم والشريعة ... وسيفين والنخلة للي متزن في ....... جوابه |
لا ياخذكم يا جماعه جهل ........ الجاهلين كلً ينظر بالصواب وكلً يتبع ..... صوابه مير الحق واضح مثل الشمس ....... يبِين ما تغطي نهاره مرور ركيمة .......... سحابه هذي حوايج تنتخي بها بنات .. المسلمين ما حرمها الدين ولا حرمها ربي في .. كتابه الركايب قد قادها امهات ........... المؤمنين رضى الله عنهم ورضى عن كل .. الصحابة ما كل فكر عوج يتشدق ............. بالدين الدين يسر ولكل عاقلً ................. حجابه عوايدنا منهاج مثل الصخر........... الرصين ما يهزه ريح الوقت ولا يأثر فيه .......خرابه |
قرار عارضه . . قبل هذا . . مليكين قرار . . مابه .. من الحكمه .. رتابه بس علشان يواكب . . الرؤيا ثلاثين كل الشعب جاهم من صدوره غرابه ان كان السوق . . يكثر فيه المحبين والله يأذو البنت لو هي تسوق دابه الحضر .. يا دافي .. نكبو . القوانين بكره تشوف هالقرار وش هي مغابه والله بناتنا بأعناقنا امانه يا مسلمين لاسألك الله عن بناتك وش هي الاجابه |
اقتباس:
|
يا صاحبي .... يعلم الله ..... أنك من ..... الغاليين ونَّ لك .... عندي ..... منزله ومكانه .... ومهابه والقرار ...... اللي تقول ...عارضه ....... ملكين كــان امر متروك .... لمجتمع حاسبين .... حسابه لا هو تطور ... ولا هو... تحقيق حلم ... الحالمين لبو نداء استغاثه ...... عن مداخيل غدو...... ذيابه ان كان ربي اكرمك .. واعراضك بحمى ... العين غيرك اعراضهم .... بليا والي وعايشين .... بكآبه حنا في ديرة ....... تحكمها اعراف ...... وقوانين شعب و حكومه ...... تحاسب من فقد ..... صوابه ون كان ربي سألني .. عن بناتي بجاوبك .. الحين ربو على الدين ... واللي انزله ربي في .... كتابه |
يا دافي محنا عن غلاكم بسالين وانت عندي يا الغلا ذيب الذيابه مسكنك ياصاحبي . داخل العين والخوي يقبل .. من خويه عتابه والقرار . اللي عصف بالملايين ماخطر بالبال ولا حسبنا حسابه قرار تم صدوره من خادم البيتين مالي عليه .. اعتراض ولا غرابه قرار يختم عليه .. بنخله وسيفين يعتريك من تسمعه خوف ومهابه الله يستر .. من خوي الشياطين اللي الشر .. بين الناس يسعابه يمحور الموضوع .. ويحوله شين ويتخذ من الاسلام . غيم وسحابه |
يالضاوي صفحتي فوضة يلعب بها كل ..... حيراني سرقة الصفحات مرفوضة يالله حسيبي على الجاني واللي يريدك على حوضه ما له وليه ........ وقيفاني |
لاحول ولا قوة الا بالله والله يالقارض هالقرار مبين انه موجع قلوب الرجال الرجال الله المستعان وربي يحفظ شباب وبنات المسلمين تحية الود |
نعم الرجال الرجال يا أحلام ، وليس كل رجال رجال الا الغيورين ، واني لأعلم ان كثير ممن يشجع ذلك بالمنتدى وغيره هو في قرارة نفسه لا يرضاها لأبنته وزوجته ولكنه يرضاها لبنات المسلمين لهوى ومرض يعيشه في داخله ، وهذا من نوع من يريد أن تشيع الفاحشة بين نساء المسلمين ، فالله حسبه وحسيبه . فليحفظك الباري أختي أحلام . |
صح لسانك يالغارظ وكل الشعراء اللي معك بصفحتك والله المستعان |
صح بدنك يالسامر لاهنت على المرور |
الساعة الآن 02:39 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا