|
كل سهم رميته صبتني فيه وكل جرح نويته للأسف صابني |
السلام عليكم ورحمة الله وبركاته صباح جميل أتمناه للجميع يقول بريان تراسى: (ما أنت إلا كائنٌ مغناطيسي؛ فأنت تجذب إلى حياتك الأشخاص والمواقف والظروف التي تتناغم مع الأفكار المسيطرة على عقلك، وكل ما يدور في خلدك يتحقق في واقعك) . |
ماجاك مني غير حاضر و لبيك ماجاك مني إلا السمع والطاعة والله أحبك وعلى نفسي أبديك وعشقك مطلب القلب وأطماعه غاروا العواذل منك و من طاريك وأستغربوا تكوين حبك وأتساعه بعدك عن عيوني هي أكبر بلاويك وأصغر همومي أن فارقوني الجماعة ما تغمض عيوني في ليلي أحاتيك بعدك أكبر بلاوي القلب وصداعه عشان عيونك أبيع روحي وأشتريك ألبي رغباتك وهي فوق الإستطاعه شفت الغلا ؟ ما تعلمته إلا عشان أغليك و قبلك من دروب الغلا أنا فيني مناعه أن قلت ليه أتنفس شاللي يطري عليك ؟ عشان أعيش ؟ أخطيت تراها أشاعه ! أنا أتنفس قصدي في حياتك أسليك عايش عشانك وأعلنها في كل إذاعه خذ حياتي وأمر واللي تبيه أعطيك وإن ماعطيتك ربي ياخذني الساعه حبيت أعبر أحساسي ومشاعري فيك و أعتذر عن التعبير ما فيني البراعة كنت متردد أقول ولا أسكت وأخليك زر الأرسال أنهى في قلبي صراعه بقلمي المتواضع بو محمد |
مساكم الله بالرضى والنور ليس كل ما تراه يجب ان يكون له تفسير او يجب ان يفسر او يجب ان تعرف تفسيره عود نفسك على محاسبة نفسك وتفسير افعالك فقط لترتاح وتريح الاخرين . |
هنا وبس .. أنفاسي وأنفاسك تحتبس .. خلنا نسكت وكل فينا في الثاني ينغرس .. هنا وبس .. يكفي كلام .. ودي على صدرك أنام .. أبي أحلم .. أبي ترحل الأوهام .. هنا وبس .. حد التعب بينجلي .. أنت لا تبالي الناس .. وأنا منهم ما علي .. هنا وبس .. هنا وبس .. |
أنعصر قلبي و أنا أشوفك حزين وأمثل البسمة وأنا بداخلي بركان خذي عيوني بس أطلبك تكفين خذي ضلوعي وخذي كل الأركان خذي روحي وخذي باقي السنين بس هذا الطلب ولك كل الأثمان لا أشوف دمعة في هذه العين أفرح يا روحي وعطني الأحزان |
أرتويت من العذاب .. مافيني أتحمل مزيد أتبعك وأنت سراب .. وأدري لقلبي تبيد . فيني لهفة للغياب وفيني لهفه للبعيد .. وفيني فقدان الصواب .. ينتهي جرح ويعيد . |
أيه النادل من فضلك .. ألحقني بالقهوه .. ستجدني في ركني المنعزل .. ولا تتعجب إن رأيتني .. في جروحي أتغزل .. ضعها من فضلك وتوكل .. أريد أن أشربها وحدي .. كما علمني في السابق جدي .. علمني أن لا أذرف .. وفي دمعي أن أتصرف .. علمني أن الدمعة إن كانت .. أمام الناس ضعف إن بانت .. وتعلمت أن الصبر يتعب .. وأن الكتمان هو الأصعب .. فأن أستطعت على الكتمان .. فأني على أوجاعي سأتغلب .. رحمك الله ياجدي .. فأني أشعر بملمس يديك على خدي .. " رحم الله أمواتنا وأموات المسلمين " |
كل ماقلت هانت شفتها ماتهون و كل ما قلت زانت عيت لا تزين ضايق في بعدك بوصل للجنون اكتم الحسرة وتفضحني العين |
قليل الذوق اللي يبعث تقييم فاضي نفس البزر اللي يرن جرس البيت ويحط رجله |
وش أجمـل شـي فـي عالمـي كلـه ؟ جـاوب سؤالـي وأن عرفـت شـاطـر أدري بذكـاءك وسؤالـي تقـدر تحـلـه وأدري بأسلوبـك معـي كيـف مـاكـر أبـي جوابـك معـي ترفقـه بـالأدلـة وأبيك بعالي الصـوت بأجابتـك تجاهـر خل العبـط والتغابـي ياصاحبـي خلـه وأثبـت ذكـاءك وأدري أنــك مـاهـر بساعدك في الحـل أنـت تبـري العلـه وأنت الوجود اللـي بدونـه أنـا دامـر أنت الوجود اللي في حياتـي مـا أملـه وأنت في عالمي لحالك الغالي والطاهـر تدري في قربـك أنـي عليـك أتولـه ؟ شعور الحبيب اللي حبيبـه مسافـر نرجع لأحلى شي في عالمي كله جاوب سؤالي وأن عرفت بقول شاطر |
بعض السكوت أبلغ من الكلام و بعض الحكي ما يودي لديره أزعجوني أصحاب العتب والملام أصحاب العقول التافهه والصغيره |
فيه شله تحسهم نفس الشخص مسجل بأكثر من اسم او يمكن الطيور على اشكالها تقع |
بعض الأشخاص ودك يستنسخونهم حرام نسختهم حصريه صباحكم فخك ومخملي |
نستودعكم الله الذي لا تضيع ودائعه سفره سريعة يومين والله الحافظ |
مساكم الله بالنور والسرور واسعد الله جميع اوقاتكم باقات وبساتين لكل راقي مر من هنا وترك بصمة تقيم او اعجاب لا خلا ولا عدم |
بعض الاشخاص نعمة نحمد الله على وجودهم |
بعض التساؤلات لا نجد لها اجابة فنأخذها على انها مسلمات وخاصة تلك التي لها علاقة بالمشاعر |
الصباح من غير طلتك ناقصه نور ما يحلى الصباح من غير نورك طلتك تمحي من عالمي الجور عجل بطلتك ما أتحمل جورك " أجمل صباح أتمناه للجميع " بو محمد |
استحاله انك تكون انسان عادي اي وربي منت عادي استحاله انت غير الناس انت عنهم بوادي انت تدخل اي قلب ويحلى احتلاله |
ياللي كلامك عذب ومسايرك عذب مساك باقة من الفل والياسمين ابهرتني باسلوب خالي من الكذب عسى السعاده تلازمك باقي السنين |
يسكت لساني وتحكي العين اجمل حكاوي ما نطقها لسان مدري وله مدري شوق ولا حنين خلطة مشاعر امتزجت بكل اتقان مسك و ورد طائفي وعليها ياسمين خوخ وعسل وانا صابني ادمان رقه وذرابة وذوق عمبر و رياحين منطوق ينثر درر نعمة من الرحمن اقبل ورودي ومعاها اقبل بساتين مليون شكر لجيتك ياعالي الشان |
صباح الفل لعيونك ونرجس وياسمين وأسعد الله صباح اللي صباحك يسره توه أبتدى صباحي من جنابك تطلين يا أجمل أوقاتي عسى دوم المسره |
تبدى الهموم كبيره و تصغر إلا فراقك خالف المنظومه يكبر و يكبر و يكبر و يكبر ألين ضيق بالمفارق هدومه وضعي صعب أخطر و أخطر ما ظن لي بعد طيحتي قومه كيف لا و قلبي يملاه الجمر كيف لا وتكسرت بقلبي عزومه ياللي تظن فراقك أوقات وتمر تعال وشوف قلبي و علومه أما ترفق بقلبي ولا وده للقبر ولا تدري .. شكل اليوم يومه بو محمد |
لا تسأليني ليه وحتى كيف وشلون ولا تسألين القلب عن سبب هذا الهيام احس اني بوصل في محبتك للجنون ايام وكاني اعرفك من دهر واعوام |
صباح بنكهة وجودك العذب .. يعني تخيل كيف بيكون الصباح " أسعد الله جميع أوقاتكم " |
النور من حضرة جنابك شوفه يغار تشرق وتغيب الانوار من حسدها يكفي وجودك يخلي العالم اصفار روحي في وجودك انت جسدها |
كلي لك تدلل أنا بين أياديك روحي وقلبي وعيني تفداك خذني وترفق في قلب يغليك كلي عشانك و أطلب رضاك خذ قلبي وتدلل شبيك لبيك وأنا كلي سعادة دخلت بهواك |
نامي عسى نومك يهنيك غمض عيونك وخلها ترتاح يابخت أحلامك تقدر تجيك عسى أحلامك سعادة وأفراح لا تبطي علينا وأضطر أصحيك العالم بدونك كأبه وكله أشباح تدري شاللي بعد نومك يحتريك العالم بأسره وما أقولها بمزاح يكفي النورك في وجهك محليك تجي مكان القمر و القمر ينزاح ودي تنام ولكني متوله عليك أجمل من وصلني وأغلى الأرباح |
ابسألك بالله انت مخلوق عادي لا وربي انت المستحيل المختلف انت غير الكون مرسوم بفؤادي انت كنزي انت من احلى التحف |
بعض المشاعر تتجاذب دون ميعاد او رضى |
قدرك كبير ومنزلك عالي غالي وتمون ومنزلي اعرفه و انا الوحيد المنفرد لحالي ماهو غرور هذه عندي حرفه سالي معاك وبدونك سالي ولا الصحيح احزاني معترفه ما جيت وانا من الهم خالي بس الوكاد عني الهموم منصرفه |
ان لم اكن مميزا في عالمك .. فالتميز هو عدم تواجدي |
" إذا لم تقدر ذاتك فلن يقدرها الأخرون " صباحكم جميل وأقاتكم سعادة |
إن قلت أقدر وسهل الله دروبك و الله ما أقدر و أكابر ألين أنهار شوفني وأنت عادك بأول غروبك عروقي والشرايين تاخذ مني الثار |
" لك عروش مشاعري تنحني ، فتفضلي وتربعي " |
مليون مليون مليون شكرا لكل أعجاب وتقييم واللي يتابع بصمت لك نصيب من هذا الشكر سعادتي لا توصف وأثلج صدري مروركم الراقي وأكثر سعادة بتواجدي معكم أصدق تمنياتي للجميع بالسعادة أخوكم بو محمد |
أشتاق إليك .. ويجبرني الحنين .. أن أقبل يديك .. أنا أحبك أتفهمين ؟؟ أحبك وأهواك .. وأعشقك إلى حد الجنون .. ولا يهمني سواك .. فأنت في وسط العيون .. |
خـذوا حياتـي بـس أضمـه خذوا روحـي ثمـن لمسـات أبي أسمـع أحبـك مـن فمـه وبعدها أحرموني كل الأصوات تعالوا وأمسحوا من قلبي أسمه تعالوا وأخسروا معي المراهنات ماطلبت المستحيل أبـي ألمـه وبعدها والله بمـوت بسكـات أبيه يغرز فـي قلبـي سهمـه أبي أموت وبقلبي منه ذكريات |
مساءك عذب وعيونك للعذوبه دروب رقيك صعب ومالك شبه في الكون ولا عذروب تعبت ابحث ولا عذروب ما غير اشياء تذهلني و انا مفتون كلك ذرب تعال وخلنا في بعضنا نذوب يا كل الحب مثلك ابد ما رأت العيون |
| الساعة الآن 02:50 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا