((ألا يا رجال تلتهم راتب الزوجات))
 

ألا يا رجال تلتهم راتب ............ الزوجات
تفشخر علينا وهي مع الورع .........مرعية
رفعهم زمان وظف البنت ........ والشرهات
مصاريفهم دايم على البنت ......... والخية
يجيهم في تالي الشهر باقي ...... القسمات
من الراتب المعلوم ومن كدح ....... نشمية
عروق قديمة بالردى ما لها ......... ضيفات
ولا شافت عيوني لهم ضيف ......... مولية
ولا قالوا بالماضي لهم طيب قد ....... مات
ولا شالوا الشعار في موتاهم ......... مرثية
يا كم شايب من فعلهم يزعج ....... الونات
تشوف القهر في نظرته ما هي ..... مخفية
ويا كم مرة من حسرته يرسل ..... العبرات
دموعه على اللحية تقل وبل ........ وسمية
يبي له امور ما هي بكيفه .......... وهيهات
غدن به سنين ماضية عميت ........ اضويه
لو انه قنص له بنت من راعي ..... الفزعات
من اللي يروف بوالده ما نسي .......... بيه
يشيله على متنه ويهدي له ...... الضحكات
ولا له وظيفه غير بيه رحم ............. حيه
مواكر قديمة نسلها يطرب ......... الشيبات
بيوت تعز العود ويلقى بها ............... فية
لكنه غدت به عودنا فايق ........... الزينات
لمع له من العرق الردي خد ........... ريمية
غدا به جمال ضيعه عمره اللي ........ فات
دفع له ضريبة قاسية كلها .............. سية
عسى الله يعوض العود ويختم له برحمات
يعوضه اله العرش بجنات .......... وحورية

القارظ العنزي

يعطيك العافية على الابيات الرائعه

الله يعافيك الفيفي 2017 والروعة في مرورك لاهنت

راقت لي

هلا بك منتظر المستحيل كلك ذوق