|
شي غريب يحتاج نقاشكم السلام عليكم ورحمة الله واسعد الله جميع اوقاتكم ... ي ساده ي كرام حصل لي موقف بسيط وودي اعرف ارائكم حولها..ً .... بكل صدق هذا الموضوع يتفرع منه أمور وتعتبر ظاهره سيئه إن تم السكوت عنها. ..... الموقف شخصي ربما البعض يقول لايستحق النقاش ولكن مثل ماذكرت هي ظاهره وفساد وغش. راح احكيكم عن الموقف وباللهجه العاميه إن خانتني الفصحى. كنت بيوم من الايام الماضيه في السوق تسوقت وخلصت ومامدي الوقت اروح ع السوبر ماركت لانه كان ينقصنا أغراض غذائية وكان فيه محل لاباس فيه يبيع جزء منه منتجات غذائية. وجزء منه أدوات تجميل وجزء منه أدوات مطبخ.ولضيق الوقت دخلت هذا المحل أخذت اغراضي منه ً والا كل اغراضنا من السوبر ماركت. وكان من ظمن الأغراض اللي شريتها منتج الشبس طرزان اشتريت 2 كيس كامل من نوعين مختلفين اللي هو نسميه تسالي طبعا لاخواني لايروح بالكم لي ههههع انا اخذته سريع وماداني اطالع في المنتج. أعطيت اخواني من حبه والكل اكل منه لكن واحد منهم قالي طعمه مختلف انا استغربت وع طول شفته بالفعل مايقرمش مثل اللي نشتريه رحت شفت التاريخ لقيته منتهي الصلاحية له اسبوعين وأكثر. الآن وبعد هذا الموقف الواحد ايش ممكن يعمل هل يشتكي عليهم؟ ولا يسكت ويلقيه بالنفايات؟ ولا يراجعهم؟ ... انا وخالقي ماهمني سعره واحد او اثنين أو حتى ثلاثه اللي يهم بالموضوع يعني لو ماشفنا التاريخ يستمر الغش التجاري هذا.! غير كذا فيه ناس ممكن تاكل منه... وكمان يبيعوه للأطفال بالحبه وممكن يسممو أطفال الناس عشان مبلغ بسيط .. بصراحه شي مؤلم! والمصيبه الكبرى انه فيه عمال في المحل كثير والقسم بسيط مو مثل السوبر ماركت بكبره، .. انا بمصداقية قلت حلال فيهم الشكوى . لكن انا شلت الكيس كله ورميته بالنفايات. ولاعاد شكيت ولاشي ... انتهى الموضوع لكن باقي هذا الموقف عالق بنفسي يعني يسممو الناس ع حساب جشعهم وطمعهم؟ ابغا موقفكم في مثل ها لأمور ولو كنتم مكاني ايش راح تسوون؟.. ودمتم سالمين منعمين بالصحه والعافيه. .... |
هلا بك اخي السنافي انا ارى ان يرفع عليهم شكوى لان اكثر من سيتضرر من السكوت عنهم الاطفال والبلديه ماقصرت قد حطت على كل بقاله رقمهم الذي يمكننا من الاتصال عليهم واذا سكت انا وانت والاخرين سيزيدون في عدم اللامبالاه وبيع مثل هذه الاشياء المنتهيه |
اصبحو تجار الشنط الدبلوماسية يتبادلونها من فوق الطاوله ليس تذاكيا على القوانين بل القانون في حماية الحسابات (الباتيله) الغش العلني ليس عليك ان تتصل بهم وتقدم الشكوى فاحتمال كبير جدا شكواك تضل عالقه في خطوط الهاتف والسماعه عليك ان تصور مقطع فيديو بهذا الحدث وتركز على الشركة المصنعة وتسبب لهم ضجيج لعلامتهم التجاريه على ما تفتعل ايديهم وانشر المقطع فالرقابه نائمة في سابع أحلامها دام جيبوبهم ممتلئة لا تسكت يا صديقي فصوت الحق مكلفون به دائما وأشكرك على لفت الانتباه لأنه موضوع مهم جدا |
اقتباس:
وعليكم السلام ورحمة الله وبركاته واسعد الله ايامك بما يحبه الله ويرضاه دوماً المواقف البسيطة اجابتها متفرعه اذاً نشوف وش بيطلع معانا اقتباس:
اقتباس:
انا لي اسبوعين ادور طرزان حظي مالقيت المهم اقتباس:
النقطة الاولى هل من الطبيعي لو اني صاحبة هذا المحل بسيب فيه اكل منتهي الصلاحية بالتأكيد لا لاني بعرض مكاني لشبهه من قبل المشتريين ومحد بيشتري معي وانا مافتحته الا ابي اترزق الله ولكن انا معرضه لحالتين : الاوله / بما ان المحتوى كبير وماعندي قدره بشكل يومي اعين لجميع الاغراض واراقب تاريخها علماً بان انتهاء صلاحية كل منتج يختلف عن الاخر لجل اقول انه بكره ابحث وادون او اخصص اسبوع مثلاً وادون اللي قرب ينتهي والتشييك ع الاغراض ياخذ وقت فهذا طبيعي يظهر لي منتجات منتهية الصلاحية انا غافله عنها الثانية / اهمال علني وهدفي هو اني اكسب ببيع تلك الاغراض المنتهيه وهذا احتمال ضعيف جداً وكيف تتأكد من فهم نية البائع هو انك لمن تخبره بان هذا الشيء منتهي راح يرتبك ويعتذر ويسرع ويرميه او ممكن تبين عليه ملامح جمود لانه اصلا عارف النقطة الثانية هذا عيب فينا كلنا المفروض احنى الكبار ولا اعنيك هنا ورب السماء فاولهم انا مانشوف التاريخ قبل نشتري مع العلم اننا ع يقين بان يسقط منتج ويغفل عنه صاحب المحل لكثر الاغراض فمن المفروض نتعلم نعين للتواريخ سبق اكلت بطاطسات منتهيه والحمد لله ماشيه الحياه تعلمت واصبحت اقراء حتى المكونات المصنوع منها ترا في حلويات جلي المطاطية لو تعرفها تجي ع شكل ديدان وفواكه طعمه حلو ولذيذ مدون عليها تنبيه لاتصلح لاقل من ثلاث سنوات وبعضها لخمس سنوات وماشاء الله ع شعبنا اللي يحبي من عيالهم يعطونهم منه فاكتشافي لهذه المعلومه بعد قرائتي للمدون ع اي شيء منها وهذا ماجا الا بعد ما اكلت حتى طفحت من قلاعب الارض يعني اللي ابي اوضحه المفروض اذا جينا نشتري نعين للتواريخ ذاتياً ونعلم اطفالنا برضو احتياط ولجل نتجنب الشيء الغير محتمل مو نعتمد ع البائع لانه للاسف عنده اشغال اكثر فلازم نتابع نفوسنا بخصوص الاطفال من المفترض مايروحون بقايل انقد هذا الشيء للامانه خصوصاً اذا كانو بمفردهم اقتباس:
يعني ممكن اشتكي في حاله واحده اذا رحت خبرتو وتهاوشنا ما استمع وتفهم وقتها بقول من جد هو متعمد بحركته وراح اشتكي عليه وافضل اني اعطيه خبر بان المنتج منتهي واني المره القادمه بقدم شكوى اقتباس:
ولكن يفضل ابلاغ صاحب المحل وعين من الله خير ممكن يكون مانتبه له لاني ما اتوقع يكون عمل متعمد وغش تجاري بحت لان مكسبه فقط خمسه ريال ماتستحق الغش زي لمن يكون محل مكياج وروج ب 200 ريال لو اني بالمحل ابيعه هههههههههه اجل ارمي 200 امزح والله اكيد ارميه لو دريت الشكوى لله لكل من يشاهد ردي اساسيات تعتمد علينا 1- لابد من قراءة التواريخ بمفردنا في كل شيء نشتريه 2- لازم نعلم النقطه هذه اطفالنا فيتعودو يعتمدو ع حالهم مو مصداقية البائع فالهدف من تعلمنا هو نحمي انفسنا مو نبحث عن حماية ختاماً موضوع هادف عن نفسي والله بعد ماقريت التواريخ والمواد استغنيت عن اشياء كثير كنت اكلها لو استمر اكلها كان عندي توحد وجنون البقر:26: مع ان كل شيء مكتوب عليه تنبيه لكن للاسف كنت ما اعرف النقطه ذي ويحق لك الشكوى بالطبع بما ان في جهات مختصه ولكن قبلها ابلغ صاحب المحل ان يكن غشه تجاري عليني وبحت مع اني متوقعه انه لم ينتبه ايضاً تقبل ردي وعبق وردي مع خالص احترامي لسموك آسيرة حرف |
وعليكم السلام ورحمة الله وبركاته تحية طيبة الاخ الكريم اما بعد، .. فتعاليم الدين في الاساس، تحث على التعامل بـ"حسن الظن" ، والخطا والتقصير وارد منا جميعا، .. "كل ابن ادم خطّاء .. وخير الخطائين، التوابين" ادري، على الارجح انك ما تحتفظ بفاتورة المقاضي لكن على الارجح كذلك، البقالات الحديثة الكبيرة .. يحتفظوا بنسخ من الفواتير في نظامهم الحاسوبي فاكيد، لو حبوا .. او حرصوا، وحددت يوم وموعد زيارتك للبقالة .. يقدروا يطلعوا نسخة من فاتورتك على العموم، .. - وخاصة اذا كنت تتردد على نفس البقالة .. ومعروف لديهم - فمجرد خذ اكياس "الشبس" وكلم مدير البقالة ارجح، الى حد كبير، تجد تفهم وتجاوب ايجابي .. ومع الاعتذار .. ، واكلمك من تجارب سابقة بالتوفيق |
هي جات على شيبس و بطاطس وتسالي !!!! الغش التجاري حاصل في كثير من المجالات غش في مواد البناء ونوعيتها وهذا اخطر وقد ينهدم عليهم وغش في شركات وجودة وتعبئة المياة وبيعها لهذا انتشرت امراض الكلى غش في صناديق الفواكه يضعون الصالح للاكل في الاعلى والفاسد من اسفل الصندوق ويبيعونه للناس ! و غش في كمية وتعبة الخضراوات ربطة البقدونس والنعناع كانت في السابق اكبر واكثر اما الان تعبئه قليلة و بنفس السعر القديم غش حتى في الخبز قللو كمية الطحين والزيت واصبح الخبز يابس و رقيق و صعب المضغ كأنه بلاستيك و غش في اللحوم في المطاعم مره لحوم كلاب ومره لحوم حمير ومره قطط و غش في بيع المنتجات المقلدة سواء شامبو او كريمات او مواد تنظيف و غش في تزوير تاريخ الانتاج والانتهاء حتى لو قدمت شكوى سوف يطالبونك بالدليل و على من يجد اي شيئ مشبوه ان يوثق ويصور ويواجه ثم يقدم بلاغه للجهات المختصه لكن السؤال هنا لماذا نرى هذا كله ولم يتغير الحال ؟ هل الجهات المختصه متعاونه وتستمع لشكاوي المواطنين ام لا ؟!! تحيتي لك ..... |
اهلا ومراحب فيكم ي عمالقة ي مبدعين ي كرام بحق عند دخولي الطرح شعرت بسعاده غامره لدخول اغلب الأعضاء هنا ولجمال تعليقاتكم الراقيه ومناقشاتكم الهادئه البعيده عن التعصب الفكري دمتم اقلاماً معطاءه بعطاء له طعم مميز لا يدركه الكثير كلمات شكرى قاصره بحقكم جميعا ولن افيكم بالشكر **لي عوده الليله أو الغد صباحا إن شاء الله لتعليق ع بعض أعلاه ف عذرا لتاخير قليلا لانشغالي تقديري للجميييع 🌹🌹 .... |
اقتباس:
حياك الله وبياك أختي الكريمة أسيرة الحرف نورتي الطرح بنقاشك الهادف ربما أنتي أكثر الأعضاء علقتي ع بعض النقاط التي رأيتيها هامه واقتبستيها وتعجبني طريقة النقاش ك طريقتك ف اهلا وسهلا بك. .... اقتباس:
في اي محل سواء كان صغير او كبير لابد من وجود عمال أو بمسمانا العام صبي. ويوجد بالمحل بالفعل عماله يتجاوز الخمس أعضاء. بكل جزء أو قسم عامل واقف عليه. طيب هل كل مين فتح محل هدفه الترزق بالحلال يختلف نفوس البشر تبعا لضمائر! .. الغش أصبح الآن في كل مكان وحب النفس وجلب المال أياً كان طغى للاسف ع رؤية المصالح للغير. اقتباس:
هل حياة الناس تنتظر اني اسّوف!؟ وااجل عملي للغد وانا اعلم ان هذه حياة أرواح! هو العمل مو بالشي السهل هذي مسوليه سواء لصاحب المحل أو للعماله التي تتواجد فيه. ... للكن فين الخطأ؟ الخطأ انه فتح المحل وأصبحت تجاره لصالحه وهو مو عارف ايش يتواجد في المحل وايش الجديد والقديم ولا يشرف عليه إلا بالمرور العابر لييييييييه ؟! لأنه وضع ثقته الكامله بالعمال اللي موجودين وهل الجميع قد الامانه الامل يدور مصلحته خاصه العماله ... اقتباس:
انا ارجح هذي النقطه قصد التخلص من الأغراض المنتهية حتى البعض يبيعها ببعض الأحيان بنص قيمتها. أو يغيير التاريخ ً! .... النقطة الثانية اقتباس : هذا عيب فينا كلنا المفروض احنى الكبار ولا اعنيك هنا والله فاولهم انا مانشوف التاريخ قبل نشتري مع العلم اننا ع يقين بان يسقط منتج ويغفل عنه صاحب المحل لكثر الاغراض فمن المفروض نتعلم نشوف للتواريخ هذا عيب فينا جميعآ للاسف وماعرف ليه هذي الحركه فينا هل استعجال هل نحن شعب نحب نعتمد عـ الغير! هل كسل ...هل الخ لااعلم . ونجي بكل بساطة نتفاجا بالمنتج بالبيت انه منتهي أو ع وشك الانتهاء والمفروض نعلم عيالنا انهم ماياكلوا شي إلا لمن يشوفوا التاريخ. اقتباس : سبق اكلت بطاطسات منتهيه والحمد لله ماشيه الحياه تعلمت واصبحت اقراء التاريخ حمدلله على سلامتك لابد من الموقف الخطأ حتى نتعلم والحياه تعلم. وأهم شي انك مازلتي ع قيد الحياة هههع . ..... اقتباس:
مزهريه بالمحل مثلا! بالعكس القي كل اللوم عليه والمفروض يأخذ جزاه حتى لو ع شي بسيط لان هذا شغله . انا اعتبره راعي ومسول عن رعيته اللي هو المستهلك . لمن الأم تهمل شغلها وأبنائها وزوجها هنا مين راح نلوم ونلقي بالعتب عليه المسؤل اللي هي (الأم) هذا من ذاك فكل راعي مسؤول عن رعيته أن كان مو قادر فيه غيره محتاج عمل وأولى منه. .. هذي أرواح ناس وأطفال ... وحدث ولا حرج ع حلويات الأطفال اليوميه. ... بالعكس لو كان فيه بقاله قريبه هنا نعلم أبناءنا الذكور انهم يعتمدوا ع أنفسهم ويلبو لنا الناقص لان السوبر ماركت مو متوفره بالأحياء ويبي لها تخصيص لذهاب. هنا السؤال ليه يخزنوا القديم المنتهي بالمحل؟ دام فيه جديد؟ استغلال للأطفال فقط! ..... اقتباس : عن نفسي انا ضد الشكاوي مو لجل شيء ابد لو كنا نعلم أن الغش لايوجد بالتجارة وماقد سمعنا عن الغش التجاري كنت ايدتك هنا لكن الآن أصبح الأغلب وليس الكل يراعي مصلحته للاسف يتاجر بالغش والاحتيال.ومايراعي الا مصلحته. انا بذي الحاله ليه اعطيهم فرصه بالتحايل لضحك علينا وبالتالي ع غيرنا من الأبرياء؟! وزارة التجارة تتفاهم معه وخليها تغرمه حلال فيه وصدقيني لو فتشت المحل اللي فيه شي منتهي بنلاقي مصايب فيه خاصه حلويات الأطفال يعني ممكن اشتكي في حاله واحده اذا رحت عطيته خبر وما استمع وتفهم وقتها بقول من جد هو متعمد بحركته وراح اشتكي عليه وافضل اني اعطيه خبر بان المنتج منتهي واني المره القادمه بقدم شكوى بالتأكيد ليس كل شكوى هدفنا السعر ولكن يفضل ابلاغ صاحب المحل وعيني من الله خير ممكن يكون مانتبه له لاني ما اتوقع يكون عمل متعمد وغش تجاري بحت اقتباس : لان مكسبه فقط خمسه ريال ماتستحق الغش انا خمسه ريال وانت خمسه ريال وأبناء الحاره خمسه والمارين وغيرهم وغيرهم الحين هل له مكسب؟ حتى لو ريال يعتبر مكسب. فالمجمل انااتفق معك في اساسيات ردك وهذا اللي يجب فعله ( التوووووعيه ) لأجل ينشأ اولانا والجيل واعي. ....ًً فالهدف من تعلمنا هو نحمي انفسنا مو نبحث عن حماية ختاماً موضوع هادف ويحق لك الشكوى بالطبع بما ان في جهات مختصه ولكن قبلها ابلغ صاحب المحل ان يكن غشه تجاري عليني وبحت مع اني متوقعه انه لم ينتبه ايضاً حياك الله اسيرة الحرف واكرر شكرا لنقاشك واقتباساتك سلمتي لنقاش الجميل تحاياي ..ًً... |
لا المفروض ما تسكتي وكمان مو لازم تشتكي يعني حاتروحي عند رجال المحل او نفس البقاله وتهزئي تقوليلو انت ما تشوف التاريخ كيف كدا بضاعتك خربانه وارمي في وجهو وقوليلو يلي ما تخاف ربك وبووووم خروج سرلي كدا مرا رحت عند صاحب المحل وامسحت في البلاط يقول معليش اخر مره وكدا وجبلي واحد جديد :smoke1: كيفني بس |
اقتباس:
الله يحييك طال عمرك يقولون المعزي بعد عام جلاب المصايب وانا بقوم بالواجب وباذن الله اني بعيده عن اهل المصايب شكراً طال عمرك بسم الله قلت اذا رجعت اكيد بلاقي رد لك ع ردي وراح اعلق عليه والحمد لله هذاني بتمم اللي قلته اقتباس:
مدري وش بهم بعض الشعب ماينزل من سيارته يبي الخدمه تجيه لين عنده انا ماني ضد متابعة صاحب المكان مكانه لكن اوقات ضيق الوقت مايساعده طال عمرك اذا المكان اللي تتكلم عنه متوفر به اكثر من صبي كما تقول خمسه فانا اكيد اقول وجب عليه تتبع اغراضه وتفحصها وان شاء الله انه مجرد سهي عنها ولن تتكرر اقتباس:
.. اقتباس:
الشيء الذي لانرغب به يتفشى اكثر من المرغوب وهل تعتقد السبب واضح ان نريد شي ونعمل شيء اخر اصبح السائد لايعود علينا بالنفع والعائد علينا بالمشاكل هو ليت ماهو يستحق التفشي انتشر عكس الاول اقتباس:
مع ان انجازه يقضي ع الاعمال الكبيره لان التكديس لايدوس الا صاحبه وكان ردي المسبق انه سهو ماباعه منتهي تاريخه وليس قصد وانا لا اعلم مانيته ولكن احسنت الظن لاغير وذكرت الموقف الذي يستصعب عليه اتمام المهم بضيق الوقت ومن هذا القبيل .. اقتباس:
قد يكون سهى وان نبهته وقف عندها وانتهى وقد لايتكرر وقد يكون قاصد فظلمك حينها وقد يتكرر انا اقولك ليه لازم مرور عابر زي ماقلت ببساطه تعلمنا ان هناك رقيب ولم نتعلم ع راقب نفسك انت فلو تعلمو الثانيه لاصبحت متابعتهم دائمه دون الحاجه لذلك المرور العابر مره بالسنه او الشهر المحير هل انا امتنع من الشيء لان هناك من يعاقبني ام امتنع منه لاني اعلم انه ليس في صالحي بالطبع ليس الجميع قد الامانه فلم تتحملها الجبال وهذه اكبر علامه اقتباس:
مع انها من المفترض ان تظل في البيت اكثر من اسبوع قبل استخدامها موجعه ان تكون امانتي في حدود نفس بشرية في حين نفسي تنام مرتاحه وهي ارتكبت جريمة في حق غيرها اقتباس:
وربما تحمل الاستعجال نسبة منها نعم شعب اعتاد ان يعتاد ع الغير فلمن تطلب من ولدك الصغير يجيب لك ماء وانت بصحتك متمدد هذا يثبت اعتمادك عليه ولن يثبت في نظري ان تعوده ع خدمتك ابداً فلم ننجب لكي يخدمونا ولكن ننجب لنجلب للكون جيل يخدم نفسه بطريقة تظهر ماغرسناه اكيد تعليم ابنائنا مسوؤليتنا نحن ولن ابرر احد في هذه النقطه اي كان فصغره وسنه وعقله يعتمد عليك انت الاكبر منه الى ان يتمكن من ذلك اقتباس:
والحمد لله ولاصابني شيء بفضل الله ولكني تعلمت بعد ماذقته ولو ماذقته لما تعلمت لازلت في الحياه ادوس ههههههههه اقتباس:
والثانيه متابع لما يبيعه واكيد هو يحاسب اللي انت تحمله فكما حملته انظر له وهو بالتاكيد عليه ان يلقي نظره ع محتوى مايحتويه مكانه لا اقصر الخطأ عليه وانما ربما ربع علينا ونصف عليهم اخبره وان اردت محاسبته فالحق يعود لك بالتاكيد هو مسؤل عن مايبيعه وانت مسؤول عن ماتاخذه عمل تعاوني ان تلقي نظره فتجده منتهي وتبلغه او هو ينتبه فيخبرك وعمل اناني ان يعلم به ويبيعه لك اقتباس:
فمعى انها مسؤوله عن زوجها لماذا زوجها لايقاسمها الاهتمام بابنه ع بلاطه اقولها لك اللوم عليه فضغط الاعمال عليها سببه هو ويبقى اللوم عليه فدوماً اقول تعاونو في الابناء ولاتتهاونو اعتماداً ع فرد واحد اللي محتاج عمل يقع تحت اثنتين مال ومهنه يحبها فلو قدمت له مهنه لايحبها قد يركز ع الاوله وهي المال ولو قدمة له الثانيه لاهتم بها من جميع النواحي واكرر انا ماني ضد متابعة صاحب البقاله لبقالته فهذه امانته اقتباس:
لهم وهذه الفرصه الافضل والمناسبه لسنه لان الاعتياد يخليهم يعتبرونه شيء اساسي قبل ان يشتري يلقي نظره وبكذا يفيدهم ويفيدنا ويعلمهم يعتمدو ع نفسهم في ذا الشيء قبل مانعتمد عليهم في قضاء اي طلب لنا بصراحه التخزين للقديم وهدف بيعه عمداً هذا اكيد استغلال يحاسب عليه صاحبه اقتباس:
ان لم يحرك ساكن اكييييد اشتكيه لكن من بدايتها اشتكيه وقد يكون سهى ومن لايسهى عن نفسي ما احب المشاكل وماراح اشتكيه في هذه الحاله اكتفي اني اخبرته اقتباس:
اتفق معك اكيد مكسب اقتباس:
عفواً طال عمرك الشكر لتقديمك هذا الموضوع الهادف الذي اظهر اشياء كثيره سلمت وسلم فكرك تقبل ردي من جديد وعبق وردي مع خالص احترامي لسموك آسيرة حرف |
الحمد الله ع السلامه وماصار شي فيينا مشكله انه لما نشتري شي مانطالع تاريخ الصلاحيه نعبي العربانه ونمشي هههههههه هذه ثقافه صحيه لابد ان نتحلى فيها برأي انه ماكنت ترميه هذا غلط تاخذه وع السوبر ماركت وتكلم المسؤؤل انه منتهي الصلاحيه ولازم يتخلصوا منه هم وانه لو تكرر هالشي راح تشتكي عليهم ومع شوية تهديد لاجل الخوف وخلهم يتخلصون منه اذا كان هذا اول مره لهم اما اذا كان السوبر ماركت هذا له سوابق بلغ عنهم وعادي لو كان الشبس لك ايش فيها مو حرام هههههههههه |
| الساعة الآن 09:42 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا