((ترى الحماقة ما لها علاج يا هيه))
 

يا كرهي للملقوف واكره .. قوافيه
اكره اسلوبه والمعاني .... السقيمة
ما ينفع الملقوف قرصة .... وتنبيه
يبقى سقيم ن والبهيمة ..... بهيمة
الغوج غوج ولو تزوره ..... وتهديه
احذر يزورك يبهتك ....... بالوليمة
ما يصلحه لو قلت حاضر ... ولبيه
دايم علومه بالمجالس ...... نميمة
يالغوج ما لك باللي يعاتب ابناخيه
ما لك بهم خل الرحيم ... ورحيمه
ترى الحماقة ما لها علاج .. يا هيه
مبطي قالوها بالعصور .... القديمة
من حسن اسلامك شرهم لا تغذيه
خلك بعيد ولا تزيد ....... الجريمة
خلك بحالك والقشر لا تجي .. فيه
لقافتك بين القرايب ........ ذميمة
التيه تيه ولازم يرمي ...... براعيه
شر ن حصاده والنتايج .... وخيمة
والعاقل اللي يطلب الله ... يعافيه
يكفيه اشرور الناس وفتنة مقيمة
جتك الرسالة والنصيحة . وتوجيه
احفظ مقامك واحتفظ لك . بقيمة

القارظ العنزي

دام ودك dr.amro كلك ذوق لاهنت

كتبت فابدعت
صح بوحك
قصيدة جزلة
من شاعر جزل ومعروف
يعطيك العافية

الابداع والجزالة في مرورك وتعطيرك متصفحي المتواضع أيتها السيدة الفاضلة مسك الغلا ، احترامي .

لا تكشف المستور وتبين خوافيه
دع الخلق للخالق . والنيه سليمه

اشرب من الماء .. زلاله وصافيه
حكمه وقالوها . يا القارظ قديمه

تكسب ذنب لا جبت اسمه وطاريه
وانت الذي ياخوي اخلاقك كريمه

مثل هذا الشخص احقره لاتجاريه
صحبته . يا صاحبي . مره واليمه

كل ملقوف نعرف قصده ومراميه
بس الله .. يكفينا .. شر النميمه


صح لسانك مليون ولا يسدون يا .. القارظ العنزي ..
انت تصرف حكم يا حكيم عنيزه لله درك ...
عز الله انك اجزلة وانك كفيت ووفيت ...
وفالك البيرق ...

لا خلا ولا عدم ...