..


إليكم ..

...




قالت من انت وسرحت بكل ما فيني
حتى عن جروحي اللي ما نوت تشفى
..
قالت من انت وخطفت الريح بيديني
وآنا وليد الحروف وحضنك الادفى
..
وانا سهيرك لو انك ما سهرتيني
والليل مظلم ونور الصبح ما يرفى
..
آنا قصيدة عتب وأنتِ كتبتيني
مضمونها عاشقك يستوطن المنفى
..
احس بالبرد ضميني ودفيني
يا معطف احساسي اللي ما لقى مرفى
..
اجيك بالوصل وانتِ ما تراعيني
ولا يجرح الوصل غير حبيبن يجفى
..
تدري وش اللي يضيقني ويكويني
حبيبي إن جيت له من شوق ثم قفى
..
آكن حبك بقلبي يا نظر عيني
لكنه بوجهي الذبلان ما يخفى
..
ارجوك بعد الشتات إنك تلميني
وآنا من اللي يفز إن قلت له تكفى
..
بعض الحكي يجرح انفاسي ويغريني
آحس به فوق جرح الموس والشلفى
..
ودعتك الله بلاش إنك تحريني
آنا رحلت ورحيلي لآخر المنفى

..


.: عتيم


وليدة اللحظه .. حصري



..