|
محاوره شعريه بيني وبين وحده على تويتر اسمها ذكرى السلام عليكم ورحمة الله وبركاته اعضاء منتديات مسك الغلا اليوم في وحده على التويتر اسمها ذكرى ارسلت لي بيتين من الشعر على الرغم انني ما اعرفها ابد ولاقد صادفتها حتى في تويتر ولا غيره حقيقة حيرتني تقول انها تعرفني ومدري ويش المهم بترك لكم المجال للقراءه واعطوني رايكم بعدين وقلولي ويش اسوي وكيف ارد عليها تقول في رسالتها ذكرى وش فيك ماتفتح حسابك ولاتبين ودي اشوفك لو بيومي ثواني اتعبتني بالبعد ياقرة العين ارحم ترى ليكون طبعك اناني ابوالليل عفوا ترى يابنت يمكن غلطتين الي كتبتينه ترى لشخص ثاني ماهو انا المقصود بلي كتبتين اتاكدي لاتخربطين المعاني ذكرى انته ترى المقصود يابو المزايين وانته الذي لك في حشايا مكاني ابوالليل ان كان انا المقصود بلي رسلتين اريد انا تفسير للي لفاني المعرفه يابنت بالله من وين وكيف هذا اليوم فكرك طراني ذكرى المعرفه يازين من قبل عامين من يوم ماحبك بقلبي غزاني وضحى فؤادي والجوارح مجانين فيك انت يلي سهم حبك رماني ابوالليل دمي تجلط يالملا في الشرايين ولاني بقادر عاد احرك لساني اتلخبطت قدام عيني العناوين من وين جيتيني بهذي المعاني ذكرى من حقك انك ماتعرف جيتك منين لنه مضى على العلاقه زماني ماهوب اسبوع.ن.ولاهوب يومين قد قلتلك هذا ترى من زماني ابوالليل ذكرى كلامك قسم القلب نصيين خلا جروحي تلتهب في المحاني حبيت انا وحده من قبل سنتين لكنها كانت لها اسم .........ثاني ذكرى وش اسمها خبرني بالله ذلحيين عشان يهدا بين راسي الجناني ابوالليل كان اسمها نوره ولكن ذلحيين طفت وراحت مع مرور الزماني وصبحت اقاسي حر الاشواق والبين وضيقه بداخل خافقي محرقاني ذكرى والله خساره في قدر حظك الشين لكن انا بعطيك كل الحناني بسهر معك ونقول شعر ودنادين وحلا قصيد الحب واجمل اغاني بعدين سكرت الاتصال اريد تعطوني ارائكم وتخبروني ويش اسوي اواصل ولا لا منتظركم اخوكم الشاعر ابوالليل |
الله الله الله من باب روعة ما قرأت بتمنى يكون في تكمله للموضوع بس بشرط...؟ تُنقل كامله بحذافيرها وبصدق وبإنتظار البقيه بشوق |
اقتباس:
انا اذا كنت بخفي شي من الموضوع ماكنت نشرته اصلا ان شاء الله بكره اذا فتحت حسابها بكمل وشوف اخرتها معاها لان جنسكن لا يؤتمن ايتها الفتيات تحياتي |
اقتباس:
اوباااااا!!!!! لالااااااا دير بالك يا مؤتمن انت:MonTaseR_56: عأساس انتو اسم الله عليكم:icon28: روح ان شاء الله بتكون هالبنت قد حالها وبتغلبك بردودها الشعريه:MonTaseR_211: |
اقتباس:
بس بقلك اني ماهمني ردودها الشعريه اذا كان عن تحدي بسيط الفوز عليها بس انا ابغى اراوغها لجل اعرف وشهو الدافع الي خلاها تكلمني بهذي الطريقه المباشره فهمتي الحين تحياتي |
بإنتظار روعة المراوغه.... |
| الساعة الآن 08:35 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا