|
وحيد في العاصمة السلام عليكم بإختصار شديد انا من الجنوب ساكن في الرياض عمري 28 متزوج عندي ولد وبنت مشكتلتي اني شخص اجتماعي لابعد درجه وهذا ايجابي لكن المشكله ان ماعندي اصدقاء في الرياض في مجال عملي صعب تكوين علاقات صداقه لعدة اسباب اولها مافيه اي شي مشترك معاهم وغيرها بالنسبه للجيران مجرد سلام عندي بعض الاقارب هنا بس كل واحد مشغول في دنياه عندي معارف بس محد فاضي لاأحد تقولون زوجتي اوك طلعنا تكلمنا فليناها سافرنا بس برضه انا شاب ابي اخويا اطلع اجي معهم ماعندي مشكله في الديره لكن في الرياض احاول اكون صداقات بس صعب مع من ؟؟ وكيف ؟؟ لدرجه احيان الويكند اقضيه قدام التلفزيون اودي المدام عند خواتها واجلس وحيد احيان اروح امشي لحالي انا كان عندي اصدقاء من نفس جماعتي هنا وكنت مبسووووط ع الاخر بس نقلو كلهم للجنوب او الشرقيه بقيت وحيد الغريب نقلوا كلهم في شهر واحد لانهم في نفس الشركه انا موظف حكومي عسكري لي سنوات طويله في الرياض تقدرون تقولوا من عمري 10 بس مشكلتي الان الوحده ملييييييييييت طفشت كل الاجواء عشتها لحالي قريت عشرات الكتب والمراجع الكبيره خاصة في التاريخ حضرت كثير من الفعاليات برضه لحالي تسوقت سويت اشياء كثيره احيان ادور بالسياره ساعات لحالي انا مو مقصر مع زوجتي بالبيت او بالجلسه معها اتكلم عن الوقت الي لي تعرفت على مجتمع في البي بي بس ماناسبني او كاد يخرب حياتي اذا سافرت افلها وارجع مبسوط بس حل وقتي الزبده طفشااااان وحيد يا دنيا مدري ليش كتبت هالكلام اعتبروها فضفضه يمكن كان لازم اقوله او بنفجر اليوم خميس وانا من الحين تابعت فلم واخطط اتابع اكثر ههههههههه اتمنى لكم ويكند سعيد |
. وعليكم السلام ورحمة الله ... انظر ما هي هواياتك وابحث عن من يشاركك في نفس اهتماماتك ستجد جوانب مشتركة وربما يصبح صديقك مستقبلا ليس مهم أن يكون لك صديق او كنت وحيدا المهم مدى اقتناعك بحياتك..وان كنت تستمتع بوحدتك ام لا البعض لا يفهم حاجتك الملحة في العثور على رفيق فبعض الوحدة أكثر جمالا وهدوء موفق |
أعانك الله .. لكن برأيي أنك تحتاج لشوية تخطيط .. وترتيب البعض هنا يعاني من كثرة الارتباطات ولا يجد فرصة واظن المسألة تحتاج لشوية ترتيب .. اعمل جدول لأيام الأسبوع واعمل في كل يوم شغلة لمدة ساعة أو ساعتين وأن تكون خارج البيت ولو اتصال فقط .. وستجد نفسك مشغول وتحتاج الويك اند فعلياً للراحة .. ومثال بسيط: الأحد .. بعد العشاء: الاتصالات: الخروج من المنزل وعمل اتصالات للأقارب في مكان الأهل (كالوالدين، والأصدقاء، وبعض الأقارب) الأثنين: بعد العشاء: زيارات (اعمل زيارة ورتب لها قبل يوم أو يومين على أن تكون زيارة مع الزوجة) الثلاثاء: وسط الأسبوع: خروج مع المدام والأطفال وقضاء بعض الوقت. الأربعاء: ترتيب خروج مع شخص واحد فقط من زملاء العمل أو الجيران أو أحد من يتم التعرف عليهم لهذا الغرض. وهكذا .. تحياتي آمل أن أكون فكرت معك بصوت عالي ... لايجاد حل مناسب |
انا بالرياض وانا مثلك ماعندي اصحاب واغلب الوقت فالبيت تابعت مئات الافلام والمسلسلات من الفراغ انا ابي يكون عندي اصحاب بس المشكله اني ما احب الاختلاط بناس مدري هي مشكله نفسيه او ايش على العموم تقبل مروري وشكرا لك على هالموضوع |
في البداية لازم تكون شخص مرن ومتكيف مع جميع الظروف المحيطة علشان تقدر تتغلب عليها وانا اخوك او انقل عندنا للقصيم نكسب معرفك وخوك ،وعلى قولتهم معرفة الرجال كنز والا سجل معنا بالمنتدى راح تتعرف على ناس ومجتمع آخر منها تفيد وتستفيد وتكون علاقات اخوية واجتماعية وان شاء الله تجد ما يسرك |
و عليكم السلام ان كنت مواظب على فروضك في المسجد و تعرف على ناس اخيار هناك ربما تكون علاقات طيبه معهم وان شاء الله تتغير حياتك تحيتي لك |
| الساعة الآن 10:25 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا