"يراضيني وخاطره زعلان "
يا هذا القلب وين ألقى مثله؟

.

كم حاجة ضاعت على ذمّة الصمت!
راحت وراعيها " سكت ماحكاها . "

.

كمّ لي وانا ارسم وحدتي نبع وأظمى
ولا يبللّني سوى .. دمعي وموقي ..؟!

.

استقبل الصّبح واضحك في وجيه العباد
‏وش ذنب يومَك يعيش بحزنك البارح ؟!

.

ماهو ب وقت ن للمعاتب ولا اللوم
بس التمعن بالتقاسيم يكفي

أسألك انا كم راح من فرقتك يوم؟؟
ووش حال قلبن كان صوبك يشفّي

ماعدت افرق بين ظالم ومظلوم
كن السهر يا صاح راقد ب صفّي

كم تهتني هالناس ياحلو بالنوم
وكم ذا رجيت العين يومن تغفّي

واسأل عيونك وش بلاها على الدوم
هامل عيونك ما طرا له يجفي

.

وين أبلقى مثل ضحكتك في الدنيا
‏وانت أحلى من الدنيا وهي تضحك؟!

.