... سلام يا أمي ...
 

سلام يا أمي .. في قبرك ومسكنك
يا عسى قبرك .. روضه .. وسعاده

ويا عسى الرحمن يا ميمتي يرحمك
هذا قدر ربي .. ولا لي . فيه راده

أنا ادعي الله لك وسط قبرك ينعمك
ويسكنك فردوسه مع اهل الشهاده

يمه . . ليتك . . اليوم عندي واعلمك
وليدك .. قلبه .. اندفن .. في مهاده

يمه .. ليتك تسمعيني . . يوم اكلمك
يمه .. أنا عايش .. بين . هم ونكاده

يمه اسأليني . . ويش .. اللي يألمك
يمه . . اللي احبه با عني في مزاده

إنتي الذي .. اسرار قلبي . . اسلمك
يا ساكنه . . في قلب مسعود وفؤاده

اغمض عيوني .. لالفى الليل واحلمك
أبكي ودمعي . . تحتظنه . . الوساده

اسأل الله . . إنه . . اليوم . . يكرمك
يا رب .. اغفر لامي . واكرمها زياده



http://www.al2la.com/vb/t87852.html

صح لسانك ولافض فوك

الله يرحمها ويغفر لها
صح لسانك
والله ان القلب ليبكي على ماسطرته هنا
تقبل مروري اخي الشاعر نجم ضاوي
فلم اجد اطرحه هنا غير هذه الكلمات
تحياتي

الله يرحمهـآ ويرحم أموات المسلمين ..

شكرا لك ع القصيده الرائعه ..

تقبل تحياتي

الله يرحمها ويسكنها فسيح جناته
وعساك ع الالم قاوي

تحياتي لك

لا عجب على نبراس القلم
ان يشدو صادحا في اعالي الأفق
من فرط التوله ذابت أصاله الشمس على الورق

صح لسانك يا مبدع
ورحم الله والدتك وأسكنها فسيح جناته